जिल्हा माहिती कार्यालय, रायगड-अलिबाग

  रायगड-अलिबाग,दि.28 (जिमाका):- जिल्ह्यातील (पोलीस अधीक्षक रायगड कार्यक्षेत्रातील) नगरपरिषद/नगरपंचायत मतदार संघात मंगळवार, दि.02 डिसेंबर 2025 रोजी मतदान होणार असून मतदार संघांच्या मतदार यादीत समाविष्ट असलेल्या प्रत्येक मतदाराला मतदान करता यावे, मतदाराला आपला मतदानाचा हक्क बजावता यावा, तसेच मतदान सुरळीतपणे पार पडणे आवश्यक असल्याने मतदानाच्या दिवशी जिल्ह्यातील (पोलीस अधीक्षक रायगड कार्यक्षेत्रातील) नगरपरिषद/नगरपंचायत मतदार संघात ज्या ठिकाणी आठवडा बाजार भरणार आहे, अशा सर्व ठिकाणी बाजार व जत्रा अधिनियम, 1862 चे कलम 5 (ग) मधील तरतुदीनुसार आठवडा बाजार पूर्णवेळ बंद ठेवण्याबाबतचा बंदी आदेश जिल्हाधिकारी किशन जावळे यांनी जारी केला आहे. मा.राज्य निवडणूक आयोगाने दि.04 नोव्हेंबर 2025 रोजीच्या आदेशान्वये राज्यातील नगरपरिषद/नगरपंचायत सार्वत्रिक निवडणूक कार्यक्रम-2025 जाहीर केला आहे. या कार्यक्रमानुसार रायगड जिल्ह्यातील नगरपरिषद/नगरपंचायत मतदार संघामध्ये मंगळवार, दि.02 डिसेंबर 2025 रोजी मतदान प्रक्रिया पार पाडली जाणार आहे. ०००००००

    रायगड-अलिबाग,दि.28 (जिमाका):-   राज्यातील अनुसूचित जातीतीत हिंदू खाटीक समाज आर्थिक महामंडळाची स्थापना दि . 05 जून 2025 रोजी महात्मा फुले मागासवर्ग विकास महामंडळ अंतर्गत उपकंपनी म्हणून करण्यात आली आहे.  हिंदू खाटीक समाज आर्थिक महामंडळ मर्या.,( उपकंपनी ) मार्फत हिंदू खाटीक समाजातील लोकांच्या आर्थिक व सामाजिक उन्नतीच्या उद्देशाने त्यांच्या सर्वांगीण विकासासाठी  स्वयंरोजगाराच्या विविध कर्ज योजना राबविण्यात येतात.          50 टक्के अनुदान योजना :-  प्रकल्प मर्यादा रु. 50,000/- पर्यंत.   प्रकल्प मर्यादेच्या 50  टक्के   किंवा जास्तीत जास्त 25,000/- पर्यत अनुदान देण्यात येते व उर्वरीत रक्कम बँकेमार्फत देण्‍यात येते. बँक कर्जावर बँकेच्या नियमाप्रमाणे व्याज आकारण्यात येते. कर्जाची परतफेड सर्वसाधारणपणे 3 वर्षात करावयाची आहे. बीज भांडवल योजना   :-   प्रकल्पमर्यादा रु. 50,001/- ते रु. 5 लाखापर्यंत. प्रकल्प मर्यादेच्या 20 टक्के    बीज भांडवल कर्ज महामंडळामार्फत 4  टक्के  द.सा.द....

          रायगड-अलिबाग,दि.28 (जिमाका):-   महात्मा फुले मागासवर्ग विकास महामंडळ, जिल्हा कार्यालय रायगड मार्फत सन 2025-26 या अर्थिक वर्षाकरिता पात्र लाभार्थ्याकडून महामंडळ राबवीत असलेल्या विविध योजनांसाठी ऑनलाईन पध्दतीने अर्ज मागविण्यात येत असून  इच्छुक व पात्र लाभार्थ्यांनी या संधीचा  लाभ घेऊन ऑनलाईन अर्ज भरावेत, असे आवाहन  महात्मा   फुले   मागासवर्ग   विकास   महामंडळाकडून करण्यात आले आहे.             अनुसूचित जाती व नवबौध्द लोकांच्या स्वयंरोजगारासाठी अर्थिक सहाय्य व सामाजिक उन्नतीच्या उद्देशाने त्यांच्या सर्वांगीन विकासासाठी हे महामंडळ राबवित असलेल्या योजनांची अंमलबजावणी होण्यासाठी भारत शासनाच्या प्रधानमंत्री अनुसूचित जाती अभ्युदय योजने  (PM-AJAY) अंतर्गत या योजनांद्वारे लाभार्थ्यांना स्वयंरोजगाराच्या संधी उपलब्ध करुन देणे, अर्थिक सक्षमीकरण घडवणारी आणि जीवनमान उंचावणे हा प्रमुख उद्देश या महामंडळाचा आहे.        ...

  रायगड-अलिबाग (जिमाका) दि.17 :-  राज्य सरकारने कुष्ठरोगाला नोटिफायबल डिसीज म्हणून घोषित केले आहे परिणामी राज्यातील सर्व डॉक्टरांना कुष्ठरोगाचे निदान झालेल्या रुग्णांची नोंद दोन आठवड्याच्या आत आरोग्य विभागाकडे करणे बंदरकारक असणार आहे. राज्यात कुष्ठरोगाचा प्रादुर्भाव रोखणे आणि रुग्णांना वेळेत उपचार मिळावे त्यासाठी हा निर्णय घेण्यात आला आहे. कुष्ठरोग हा मायक्रोबॅक्टरियम लेप्रे या जंतूमुळे होणारा संसर्गजन्य आजार आहे. त्वचा परिघीय नसा, डोळे आणि अन्य अवयवावर त्याचा परिणाम होतो या आजाराब‌द्दल अजूनही भीती, गैरसमज आणि भेदभाव दिसून येतो. लवकर निधान न झाल्यास आणि उपचारात विलंब झाल्यास रुग्णांमध्ये विकृती निर्माण होते. त्यामुळे वेळेत निदान आणि औषधोपचार हे कुष्ठरोग नियंत्रणाचे प्रमुख उपाय असल्याचे आरोग्य विभागाने सांगितले आहे. राज्य शासनाने 2027 पर्यंत कुष्ठरोगमुक्त महाराष्ट्र करण्याचे उद्दिष्ट ठेवले आहे. यामध्ये संसर्गाची साखळी पूर्णपणे तोडणे, प्रसार शून्यावर आणणे, मुलांमधील विकृतीचे प्रमाण शून्य करणे आणि कुष्ठरोगाविषयी समाजातील भेदभाव नष्ट करणे या बाबींचा समावेश आहे. कुष्ठरोग नियंत्रणास...

    रायगड-अलिबाग (जिमाका) दि.17 :-  मांडवा जेट्टी ते अलिबाग मार्गावरील अपघात कमी होण्यासाठी तसेच स्थानिक नागरिक,विद्यार्थी व पर्यटक यांचा प्रवास सुखकर होण्याच्या दृष्टीकोनातून तसेच अपघाताचे प्रमाण कमी करण्याच्या दृष्टीने उपाययोजना म्हणून मांडवा जेट्टी ते अलिबाग या मार्गावर दररोज सकाळी 08.00 वा. ते दु. 12.00 वा.पर्यंत तसेच सायं.16.00 ते रात्री 20.00 वा.पर्यंत या अधिसूचनेच्या दिनांकापासून ते पुढील आदेश होईपर्यंत जड अवजड वाहनांकरिता (दुध, पेट्रोल, डिझेल, स्वयंपाकाचे गॅस, औषधे, ऑक्सीजन, भाजीपाला, पाणी इत्यादी जिवनावश्यक वस्तू वाहून नेणाऱ्या वाहनांना वगळून) जिल्हाधिकारी किशन जावळे यांनी वाहतूकबंदी अधिसूचना जारी केली आहे. रायगड जिल्हा हा पर्यटक जिल्हा असल्याने अलिबाग, मांडवा, किहिम, आक्षी, नागाव येथे मोठ्या प्रमाणात पर्यटक आपआपली वाहने घेऊन येत असतात. पर्यटकांची वाहनांमुळे मोठ्या प्रमाणात वाहतूक कोंडी होत असते. मांडवा जेट्टी ते अलिबाग हा रस्ता अरुंद असून या मार्गावर मोठ्या प्रमाणात डंपर व ट्रक मातीची/खडीची वाहतूक करणारी वाहने व सिमेंट कॉन्क्रीटीकरणाकरीता सिमेंट मिक्सर, इतर सामन...

  रायगड-अलिबाग,दि.(जिमाका):-  रायगड जिल्ह्यात दि.17 नोव्हेंबर ते दि.02 डिसेंबर 2025 या कालावधीत "कुष्ठरोग शोध मोहीम अभियान" राबविण्यात येणार असून 2027 पर्यंत जिल्हयात कुष्ठरोग्याची संख्या शून्यावर आणण्यासाठी अर्थात "शून्य कुष्ठरुग्ण प्रसार" हे उद्दिष्ट साध्य करण्यासाठी जिल्हा प्रशासन काम करीत आहे. या मोहिमेदरम्यान जिल्ह्यातील ग्रामीण भागातील लोकसंख्येचे 100 टक्के व शहरी भागातील जोखीमग्रस्त 30 टक्के लोकसंख्येचे प्रत्यक्ष तपासणी करण्यात येणार आहे. जिल्ह्यातील एकूण 5 लाख 6 हजार 841 घरांना आशा सेविका व स्वयंसेवक भेटी देणार असून एकूण 23 लाख 30  हजार 871 लोकसंख्यंचे सर्वेक्षण करण्यात येणार आहे. तरी या मोहिमेदरम्यान घरी येणाऱ्या आरोग्य पथकास सहकार्य करावे, असे आवाहन मुख्य कार्यकारी अधिकारी नेहा भोसले यांनी जिल्ह्यातील नागरिकांना केले आहे.        मोहिमेचा उद्देश :-  समाजातील निदान न झालेले कुष्ठरुग्ण लवकरात लवकर शोधून त्यांना त्वरित बहुविध औषधोपचाराखाली आणणे. नवीन कुष्ठरुग्ण शोधून बहुविध औषधोपचारा‌द्वारे संसर्गाची साखळी खंडित करुन होणारा प्रसार ...