जिल्हा माहिती कार्यालय, रायगड-अलिबाग

                 रायगड-अलिबाग,दि.30(जिमाका):- जि ल्ह्यातील मदरसांच्या आधुनिकीकरणासाठी डॉ.झाकीरहुसेन मदरसा आधुनिकीकरण योजना 2025-26 अनुदान योजना राबविण्यात येत आहे. या योजनेंतर्गत पात्र मदरशांना रु.10 लाखांपर्यंत अनुदान देण्यात येईल. जिल्ह्यातील मदरसांनी सन-2025-26  या आर्थिक वर्षाकरिता विहित नमुन्यातील अर्जासह सहपरिपूर्ण प्रस्ताव जिल्हा नियोजन समिती, जिल्हाधिकारी कार्यालय रायगड-अलिबाग यांच्याकडे दि.14 नोव्हेंबर 2025 पर्यंत सादर करावेत, असे आवाहन जिल्हा नियोजन अधिकारी तथा सदस्य सचिव उच्चस्तरीय निवड समिती रायगड-अलिबाग उमेश सुर्यवंशी यांनी केले आहे. सदर तारखेनंतर प्राप्त होणारे प्रस्ताव विचारात घेतले जाणार नाहीत. 000000

          रायगड-अलिबाग,दि.30(जिमाका):-  अल्पसंख्यांक विकास विभाग, मंत्रालय, मुंबई यांचेकडून अल्पसंख्याक बहुल शासनमान्य खाजगी शाळा, कनिष्ठ महाविद्यालय, औद्योगिक प्रशिक्षण संस्था व अपंग शाळांमध्ये पायाभूत सुविधा पुरविण्यासाठी अनुदान योजना राबविण्यात येत आहे. या योजनेंतर्गत पात्र संस्थांना रु.10 लाखांपर्यंत अनुदान देण्यात येईल. जिल्ह्यातील इच्छुक शाळांनी सन 2025-26 या आर्थिक वर्षाकरीता विहीत नमुन्यातील अर्जासह परिपूर्ण प्रस्ताव जिल्हा नियोजन समिती, जिल्हाधिकारी कार्यालय, रायगड-अलिबाग यांच्याकडे दि.14 नोव्हेंबर 2025 पर्यंत सादर करावेत असे आवाहन जिल्हा नियोजन अधिकारी तथा सदस्य सचिव, उच्चस्तरीय निवड समिती, रायगड-अलिबाग उमेश सुर्यवंशी यांनी केले आहे. सदर तारखेनंतर प्राप्त होणारे प्रस्ताव विचारात घेतले जाणार नाहीत. ००००००

  रायगड-अलिबाग,दि.27 (जिमाका):-  राष्ट्रीय युवा महोत्सवाच्या अनुषंगाने जिल्हास्तर युवा महोत्सवाचे आयोजन दि.29 ऑक्टोबर 2025 या कालावधीत करण्यात येणार असून त्यामध्ये वक्तृत्व, कथालेखन, चित्रकला, लोकनृत्य (गट), लोकगीत (गट), कवितालेखन, नवोपक्रम (विज्ञानदर्शन) असे उपक्रम आहेत. या उपक्रमामध्ये सहभागी होण्याकरिता 15 ते 29 वयोगटातील युवक-युवतींनी तसेच युवा मंडळांनी दि.28 ऑक्टोबर 2025 सायं.5 वाजेपर्यंत  dsoraigad.२००९@rediffmail.com , द्वारे ऑनलाईन नोंदणी करावी, असे आवाहन जिल्हा क्रीडा अधिकारी, रायगड प्रकाश वाघ यांनी केले आहे. युवकांचा सर्वागिण विकास करणे, संस्कृती व परंपरा जतन करणे, युवकांच्या अंगी असलेल्या सुप्त गुणांना वाव देणे व राष्ट्रीय एकात्मता वाढिस लागणे यासाठी प्रतिवर्षी राष्ट्रीय युवा महोत्सवाचे आयोजन युवा कार्यक्रम व खेळ मंत्रालय भारत सरकार करते. राज्यात सन 2025-26 या वर्षातील राष्ट्रीय युवा महोत्सव विकसित भारत चॅलेंज ट्रॅक चे आयोजन दि.10 ते 12 जानेवारी 2026 या कालावधीत करण्यात येणार आहे.  अधिक माहितीकरिता जिल्हा क्रीडा अधिकारी कार्यालय, येथे संपर्क साधावा. 00000