जिल्हा माहिती कार्यालय, रायगड-अलिबाग

    रायगड-अलिबाग, दि.04 (जिमाका) : मुरुड तालुक्यातील शिरगाव येथे ग्रीन केन बांबू वर्ल्ड असोसिएशनच्या सामूहिक सुविधा केंद्राचा भूमिपूजन समारंभ गुरुवार, दि. 05 नोव्हेंबर 2026 रोजी सकाळी 11 वाजता रोजगार हमी योजना, फलोत्पादन व खारभूमी विकास मंत्री तथा पालकमंत्री भरतशेठ गोगावले आणि महिला व बालविकास मंत्री कु. अदिती तटकरे यांच्या शुभहस्ते होणार आहे. या कार्यक्रमास जिल्ह्यातील उद्योजक व नवउद्योजकांनी उपस्थित राहावे, असे आवाहन जिल्हा उद्योग केंद्राचे उप आयुक्त (उद्योग व सेवा) जी. एस. हरळय्या यांनी केले आहे. उद्योग आयुक्तालयाच्या अंतर्गत जिल्हा उद्योग केंद्र, रायगड यांच्यामार्फत महाराष्ट्र राज्य औद्योगिक समूह विकास कार्यक्रमांतर्गत हा प्रकल्प राबविण्यात येत आहे.  या कार्यक्रमास खासदार सुनील तटकरे, आमदार महेंद्र दळवी  उपस्थित राहणार असून जिल्हाधिकारी किशन जावळे, जिल्हा परिषदेच्या मुख्य कार्यकारी अधिकारी नेहा भोसले, जिल्हा पोलीस अधीक्षक आँचल दलाल तसेच कोकण विभागाचे सह आयुक्त (उद्योग व सेवा) संदीप पाटील आदी मान्यवर उपस्थित राहणार आहेत. राज्यातील औद्योगिकदृष्ट्या अविकसित क्षेत्र...

    रायगड-अलिबाग,दि.27 (जिमाका): सामाजिक क्रांतीचे प्रणेते क्रांतिसूर्य महात्मा जोतिबा फुले यांच्या कार्याप्रति कृतज्ञता व्यक्त करण्यासाठी त्यांचे 200 वे जयंती वर्ष राज्यभरात विविध प्रबोधनात्मक व शैक्षणिक उपक्रमांनी साजरे करण्यात येत आहे. 11 एप्रिल 2026 ते 11 एप्रिल 2027 हा कालावधी 'क्रांतिसूर्य महात्मा जोतिबा फुले जयंती वर्ष' म्हणून साजरा करण्याचा निर्णय महाराष्ट्र शासनाच्या इतर मागास बहुजन कल्याण विभागाने 1 एप्रिल 2026 च्या शासन निर्णयान्वये घेतला आहे.    यासंदर्भातील माहिती इतर मागास बहुजन कल्याण विभागाच्या सहायक संचालक अपूर्वा अनिल कारंडे यांनी प्रसिद्धीपत्रकाद्वारे दिली आहे. या जयंती वर्षानिमित्त वर्षभरात सर्व क्षेत्रीय कार्यालये, अधिनस्त शासकीय संस्था, आश्रमशाळा, नामांकित स्वयंसेवी संस्था तसेच शासकीय वसतिगृहांमध्ये विविधांगी कार्यक्रमांचे आयोजन करण्यात येणार आहे. यामध्ये महात्मा फुले यांच्या प्रतिमेस पुष्पहार अर्पण करून अभिवादन करणे, प्रभातफेरी काढणे तसेच विद्यार्थ्यांमध्ये सामाजिक विचार रुजवण्यासाठी निबंध स्पर्धा, वक्तृत्व स्पर्धा, चित्रकला स्पर्धा आणि रांगोळी...

    रायगड-अलिबाग,‍दि.27 (जिमाका):- युवा कार्यक्रम व खेळ मंत्रालय, भारत सरकार यांच्यामार्फत दरवर्षी आयोजित होणाऱ्या राष्ट्रीय युवा महोत्सवाचे रूपांतर यंदा 'विकसित भारत यंग लीडर्स डायलॉग (VBYLD 2027)' मध्ये करण्यात आले आहे. या अनुषंगाने जिल्हा क्रीडा अधिकारी कार्यालय, रायगड यांच्या वतीने जिल्हास्तरीय युवा महोत्सवाचे भव्य आयोजन करण्यात येत असून जिल्ह्यातील 15 ते 29  वर्षे वयोगटातील जास्तीत जास्त युवक-युवतींनी सहभागी व्हावे असे आवाहन जिल्हा क्रीडा अधिकारी प्रकाश वाघ यांनी  आहे. यंदा सांस्कृतिक ट्रॅक (Cultural Track) अंतर्गत सर्व स्पर्धासाठी "Nasha Mukt Yuva for Viksit Bharat" (विकसित भारतासाठी नशामुक्त युवा) ही मध्यवर्ती संकल्पना निश्चित करण्यात आली आहे. या अंतर्गत समूह लोकनृत्य (Group Folk Dance) (10 सदस्य),नोंदणी साठी QR कोड स्कॅन करा,  समूह लोकगीत (Group Folk Song) (10 सदस्य), चित्रकला स्पर्धा (Painting) (वैयक्तिक सहभाग), पथनाट्य (Nukkad Natak) (10 सदस्य), कविता लेखन (Poetry Writing) (वैयक्तिक सहभाग) या पाच प्रमुख कलाप्रकारांचा समावेश असेल. जिल्हास्तरावर प्रथम व...

रायगड-अलिबाग,‍दि.27 (जिमाका):- चालू वर्षात अल निनो (El Ni ñ o) च्या प्रभावामुळे हवामानातील बदलांचा फळपिकांवर विपरीत परिणाम होण्याची शक्यता नाकारता येत नाही. या पार्श्वभूमीवर तालुक्यातील सर्व बागायतदार व फळपीक उत्पादक शेतकऱ्यांना आर्थिक संरक्षण मिळण्याच्या दृष्टीने हवामान आधारित फळपीक विमा योजनेत सहभागी करून घेणे अत्यंत आवश्यक आहे. शासनाच्या निर्देशानुसार फळपीक विमा योजनेअंतर्गत सहभागी होण्याची अंतिम मुदत नारळ व सुपारीकरिता 31 ऑक्टोबर 2026 व आंबा व काजूकरिता 30 नोव्हेंबर 2026 निश्चित करण्यात आली असून दिलेल्या मुदतीत जास्तीत जास्त शेतकऱ्यांनी सहभागी होवून योजनेचा लाभ घ्यावा, असे आवाहन उपविभागिय कृषी अधिकारी अलिबाग  प्रविण थिगळे यांनी केले आहे. रायगड जिल्ह्याकरिता फळपीकनिहाय विमा संरक्षित रक्कम व शेतकरी हप्ता दर (रु./हेक्टर) पुढील प्रमाणे :- फळपिक आंबा, विमा संरक्षित रक्कम 1 लाख 70 हजार  विमा हप्त्यात शेतकरी हिस्सा 8 हजार 500. फळपिक काजू, विमा संरक्षित रक्कम 1 लाख 20 हजार  विमा हप्त्यात शेतकरी हिस्सा 4 हजार 800. फळपिक नारळ, विमा संरक्षित रक्कम 1 लाख 70 हजार  विमा हप्त्...

    रायगड-अलिबाग दि.15(जिमाका): महाराष्ट्र शासनाच्या ई-गव्हर्नस सुधारणा अंतर्गत वित्त विभागाचे अधिनस्त असलेल्या संचालनालय लेखा व कोषागारे, मुंबई यांनी राज्यात सर्व कोषागार कार्यालयामधून निवृत्तीवेतन,कुटुंबनिवृत्तीवे तन घेणाऱ्या निवृत्ती वेतनधारकांसाठी (MAHA-UPLABDHI) हे एकात्मिक मोबाईल ॲप विकसित करण्यात आले आहे. या मोबाईल ॲपद्वारे उपलब्ध होणाऱ्या सुविधांचा जिल्ह्यातील सर्व निवृत्तीवेतनधारकांनी लाभ घ्यावा, असे आवाहन जिल्हा कोषागार अधिकारी दिपक बोडके यांनी केले आहे.  या ॲपद्वारे निवृत्तीवेतनधारकांना त्यांच्या निवृत्तीवेतनाशी संबंधित विविध सेवा सुलभ,जलद आणि पारदर्शक पध्दतीने मोबाईलद्वारे उपलब्ध करुन देणे हा या ॲपचा मुख्य उद्देश आहे.  हे ॲप Android व Ios या दोन्ही प्लॅटफॉर्मवर उपलब्ध आहे. तसेच मोबाईल ॲप संदर्भात काही अडचण असल्यास, निवृत्तीवेतन धारकाचे नाव,पीपीओ क्रमांक,निवृत्तीवेतन जमा होत असलेली बँक व शाखा, निवृत्तीवेतन जमा होत असलेला बँक खातेक्रमांक,मोबाईल क्रमांक (Android/ smart phone) ही माहीती कोषागार कार्यालयाच्या  topension-raigad@mah.gov.in ईमेल वर देण्या...

    रायगड-अलिबाग दि.15(जिमाका):राज्यात दि.17 सप्टेंबर ते दि.17 ऑक्टोबर 2026 या कालावधीत राबविण्यात येत असलेल्या ‘सेवा संकल्प अभियानांतर्गत’ जिल्हा शासकीय रुग्णालय, अलिबाग येथे ‘दिव्यांगजन सहयोग उपक्रम’ राबविण्यात आला. या उपक्रमांतर्गत  जिल्हाधिकारी किशन जावळे यांच्याहस्ते 10 दिव्यांग लाभार्थींना दिव्यांग प्रमाणपत्रे तर 2 लाभार्थींना श्रवण यंत्रांचे वाटप करण्यात आले. यावेळी जिल्हा शल्यचिकित्सक डॉ.शीतल जोशी, जिल्हा समाज कल्याण अधिकारी श्रीमती मते, दिव्यांग विभागाचे सहाय्यक सल्लागार साईनाथ पवार उपस्थित होते. वैद्यकीय शिक्षण विभागाच्या निर्देशानुसार ‘सेवा माझे योगदान’ या आरोग्यविषयक सेवा उपक्रमांतर्गत आयोजित करण्यात आलेल्या या शिबिराचा उद्देश दिव्यांग व्यक्तींना आवश्यक प्रमाणपत्रे उपलब्ध करून देणे, शासकीय योजनांचा लाभ मिळविण्यासाठी मार्गदर्शन करणे तसेच त्यांच्या आरोग्यविषयक आणि सामाजिक गरजांसाठी सहकार्य उपलब्ध करून देणे हा होता. दिव्यांग प्रमाणपत्रांमुळे पात्र लाभार्थींना विविध शासकीय योजना व सुविधांचा लाभ घेण्यास मदत होते. तसेच श्रवण यंत्रांच्या वितरणामुळे श्रवणदोष असलेल्या ...