जिल्हा माहिती कार्यालय, रायगड-अलिबाग

Posts

दुष्काळी परिस्थितीच्या संकटावर एकजुटीने मात करूया; दुष्काळ निवारणाच्या कामे प्राधान्याने करा –पालकमंत्री भरत गोगावले उपलब्ध पाण्याचे काटेकोरपणे नियोजन करत पिण्याच्या पाण्याचा सर्वोच्च प्राधान्य द्या

October 12, 2026

रायगड-अलिबाग, दि.12 (जिमाका) :- जिल्ह्यातील दुष्काळी परिस्थितीचा गांभीर्याने विचार करून दुष्काळ निवारणाची कामे प्राधान्याने आणि सर्वांच्या समन्वयातून पूर्ण करा. उपलब्ध पाणीसाठ्याचे काटेकोर नियोजन करताना पिण्याच्या पाण्याला सर्वोच्च प्राधान्य द्या. पाणीटंचाईवर मात करण्यासाठी जलसंधारणाची कामे तातडीने हाती घ्या आणि नागरिकांसह जनावरांनाही पाणी उपलब्ध होईल, याची दक्षता घ्या. दुष्काळी परिस्थिच्या या संकटावर मात करण्यासाठी सर्व यंत्रणांनी एकजुटीने आणि जबाबदारीने काम करावे, असे निर्देश राज्याचे फलोत्पादन मंत्री तथा पालकमंत्री भरत गोगावले यांनी दिले. जिल्हाधिकारी कार्यालयातील नियोजन भवन येथे दुष्काळसदृश परिस्थिती, पीक पाहणी आणि संभाव्य पाणीटंचाईवरील उपाययोजनांचा आढावा घेण्यासाठी आयोजित बैठकीत ते बोलत होते. यावेळी जिल्हा परिषद अधिकारी मंगेश वाकडीकर, शिक्षण सभापती चंद्रकांत कळंबे, जिल्हाधिकारी किशन जावळे, मुख्य कार्यकारी अधिकारी श्रीमती नेहा भोसले, अपर जिल्हाधिकारी सचिन ढोले, पनवेल महानगरपालिका आयुक्त मंगेश चितळे, जिल्हा अधीक्षक कृषी अधिकारी श्रीमती वंदना शिंदे आदी उपस्थित होते. ...

कर्जत येथे सेवा संकल्प अभियानांतर्गत जनजागृती कार्यक्रम संपन्न

October 07, 2026

रायगड-अलिबाग,दि.07(जिमाका): सेवा संकल्प अभियानांतर्गत महिला व बाल विकास विषयक जनजागृती जिल्हा महिला व बाल विकास अधिकारी कार्यालय, रायगड-अलिबाग आणि एकात्मिक आदिवासी विकास प्रकल्प, पेण यांच्या संयुक्त विद्यमाने शासकीय माध्यमिक व उच्च माध्यमिक कन्या आश्रमशाळा, भालिवडी, ता. कर्जत येथे ‘सेवा संकल्प अभियान’ अंतर्गत जनजागृती कार्यक्रम संपन्न झाला. यावेळी कौटुंबिक हिंसाचार कायदा, बालसंगोपन योजना, अनाथ प्रमाणपत्र, हुंडा प्रतिबंधक कायदा तसेच महिला व बाल विकास विभागामार्फत राबविण्यात येणाऱ्या विविध योजना व प्रकल्पांची विद्यार्थिनींना माहिती देण्यात आली. या उपक्रमात सुमारे 550 विद्यार्थिनींनी सहभाग घेतला. कार्यक्रमास आदिवासी विभागाच्या प्रकल्प अधिकारी श्रीमती तेजस्विनी गलांडे, जिल्हा सल्लागार समिती सदस्य श्रीमती वैशाली पाटील, संशोधन अधिकारी श्रीमती सुप्रिया चव्हाण, जिल्हा बाल संरक्षण कक्षाचे श्री. अविनाश बदे, चाईल्ड हेल्पलाईनच्या श्रीमती निलाक्षी दगडे, कर्जत तालुका सहाय्यक संरक्षण अधिकारी श्रीमती अस्मिता खंडागळे, पेण प्रकल्पांतर्गत बचत गट, आश्रमशाळेचे मुख्याध्यापक ...

टीबीमुक्त जिल्ह्यासाठी सर्व विभागांनी एकत्रित प्रयत्न करावेत -- जिल्हाधिकारी किशन जावळे

October 05, 2026

रायगड-अलिबाग,दि.6(जिमाका): राष्ट्रीय क्षयरोग दुरीकरण कार्यक्रमांतर्गत जिल्हा टीबी फोरम समन्वय समितीची बैठक जिल्हाधिकारी तथा जिल्हा आपत्ती व्यवस्थापन प्राधिकरण अध्यक्ष किशन जावळे यांच्या अध्यक्षतेखाली जिल्हाधिकारी कार्यालयात संपन्न झाली. जिल्हा क्षयरोगमुक्त करण्यासाठी आरोग्य विभागासोबतच सर्व शासकीय विभाग, स्थानिक स्वराज्य संस्था, स्वयंसेवी संस्था, सहकारी संस्था आणि कॉर्पोरेट क्षेत्राने सक्रिय सहभाग घ्यावा, असे आवाहन जिल्हाधिकारी किशन जावळे यांनी यावेळी केले. या बैठकीस जिल्हा क्षयरोग अधिकारी डॉ.मनिषा चव्हाण, अतिरिक्त जिल्हा आरोग्य अधिकारी डॉ.जयेश गोसावी, अतिरिक्त जिल्हा शल्यचिकित्सक डॉ. शीतल जोशी, WHO Consultant ठाणे सर्कल डॉ. ज्योती साळवे, MO ART Centre डॉ. संदीप रेस्वाल, डापकूचे संजय माने, PLHV प्रतिनिधी संघटना पनवेलच्या प्रिया नारखेडे, शिक्षणाधिकारी माध्यमिक स्तर अलिबाग रेश्मी साळुंखे, वैद्यकीय अधिकारी DTC अलिबाग डॉ. सुरेश ठोकळ व डॉ. अक्षयराज राठोड, तसेच दंतराव सतीश, सुभाष भोजने आणि धनंजय पाटील यांच्यासह सर्व तालुका आरोग्य अधिकारी दूरदृष्य प्रणालीद्वारे सहभाग...

महसूल लोक अदालतीच्या माध्यमातून प्रलंबित प्रकरणे सामोपचाराने निकाली काढा--जिल्हाधिकारी किशन जावळे महात्मा ज्योतिराव फुले महसूल लोक अदालत अभियानाचा जिल्हाधिकाऱ्यांच्या हस्ते शुभारंभ

October 05, 2026

रायगड-अलिबाग,दि.6(जिमाका): वर्षा नुवर्षे महसूल विभागाकडे प्रलंबित असलेली छोटी-मोठी प्रकरणामध्ये किरकोळ कारणांमुळे वाद वाढवत नेल्यास पक्षकारांचा वेळ, पैसा आणि ऊर्जा खर्च होते. पक्षकारांनी महसूल लोक अदालतीच्या माध्यमातून परस्पर सामोपचाराने, संवादातून आणि सलोख्याच्या भूमिकेतून ही प्रकरणे निकाली काढावीत, असे आवाहन जिल्हाधिकारी किशन जावळे यांनी केले. जिल्हाधिकारी कार्यालयात महात्मा ज्योतिराव फुले महसूल लोक अदालत अभियानाचा शुभारंभ जिल्हाधिकारी किशन जावळे यांच्या हस्ते करण्यात आला. त्यावेळी उपस्थितांशी संवाद साधताना ते बोलत होते. यावेळी अपर जिल्हाधिकारी सचिन ढोले, बार असोसिएशनचे अध्यक्ष ॲड.अनंत पाटील (प्रभारी), ॲड. मच्छिंद म्हात्रे आणि मोठ्या संख्येने पक्षकार उपस्थित होते. जिल्हाधिकारी श्री.जावळे म्हणाले, अनेक वेळा जमिनीचा वाद, मालमत्तेशी संबंधित छोटासा प्रश्न किंवा इतर किरकोळ कारणांमुळे पक्षकारांमध्ये वाद निर्माण होतो. पूर्वजांची समान मालमत्ता किंवा एकच कौटुंबिक पार्श्वभूमी असलेल्या व्यक्तींमध्ये निर...

शालेय शिक्षण मंत्री दादाजी भुसे यांचा रायगड जिल्हा दौरा कार्यक्रम

October 05, 2026

रायगड-अलिबाग,दि.06(जिमाका): राज्याचे शालेय शिक्षण मंत्री दादाजी भुसे हे रायगड जिल्ह्याच्या दौऱ्यावर येत असून त्यांचा सविस्तर दौरा कार्यक्रम पुढीलप्रमाणे आहे. गुरुवार, दि.08 ऑक्टोबर 2026 रोजी सायंकाळी 5.30 वा. शासकीय विश्रामगृह रत्नागिरी येथून रत्नागिरी रेल्वे स्टेशनकडे प्रयाण. सायं.6.10 वा. रत्नागिरी रेल्वे स्टेशन येथून करमाली एल.टी.टी.एक्सप्रेसने पनवेलकडे प्रयाण. रात्रौ 10.25 वा. पनवेल रेल्वे स्टेशन येथे आगमन व शासकीय वाहनाने शासकीय विश्रामगृह अलिबागडे प्रयाण. रात्रौ 11.55 वा. शासकीय विश्रामगृह अलिबाग येथे आगमन व राखीव व मुक्काम. शुक्रवार, दि.09 ऑक्टोबर 2026 रोजी जिल्हा परिषद सभागृह, अलिबाग येथे सकाळी 9.45 वा. ते दुपारी 12.15 वा. “ चला शाळेत जाऊ या अभियान ” अंमलबजावणी आढावा बैठक उपस्थिती. दुपारी 12.30 वा. ते 2.00 वा. शाळा भेटीचा कार्यक्रम. दुपारी 2.00 वा. अलिबाग येथून शासकीय वाहनाने पनवेलकडे प्रयाण. दुपारी 3.15 वा. पनवेल येथे माजी खासदार रामशेठजी ठाकूर यांच्या निवासस्थानी सदिच्छा भेट. स्थळ : 56, पुरोहित हॉस्पिटल जवळ, एम.पी.सी.एच.सोसायटी, पनवेल. दुपारी 4.00 वा. पनव...

सेवा संकल्प अभियान' अनुसूचित जाती जमाती अत्याचार प्रतिबंध कायद्यान्वये पिडीतांना भेट

September 30, 2026

रायगड-अलिबाग, दि.30 (जिमाका) : : 'एक दिवा आशीर्वादाचा' या लोककल्याणकारी योजनेच्या जनजागृतीसाठी आणि सेवा संकल्प अभियान दि. 17 सप्टेंबर 2026 ते दि. 17 ऑक्टोबर 2026 या काळात राबविण्यात येणाऱ्या उपक्रमाअंतर्गत ता. उरण येथील अनुसूचित जाती जमाती अत्याचार पिडीत सुरेंद्रकुमार शिंदे यांच्या घरी ( दि. 22 सप्टेंबर 2026) रोजी भेट देऊन त्यांच्या कुटुंबाची काळजीने चौकशी केली. अनुसूचित जाती जमाती अत्याचार प्रतिबंध कायद्यान्वये पिडीताना आर्थिक सहाय्य देण्यात येते. तसेच यावेळी सुरेंद्रकुमार शिंदे व त्यांचे कुटुंबाची उपस्थिती होती. योजनेअंतर्गत मिळालेल्या सुविधांबाबत चर्चा करण्यात आली. यावेळी लाभार्थी सुरेंद्रकुमार शिंदे यांनी शासनाच्या अर्थसहाय्य योजना व इतर मदतीमुळे कुटुंबाला जीवन जगण्यास खूप मदत झाल्याच मत व्यक्त केल. सेवा संकल्प अभियानाच्या माध्यमातून शासनाच्या विविध लोककल्याणकारी योजनांची माहिती नागरिकांपर्यंत पोहोचविणे, लाभार्थ्यांशी थेट संवाद साधणे आणि योजनांच्या लाभामुळे झालेल्या सकारात्मक बदलांची माहिती घेणे, हा या उपक्रमाचा उद्देश आहे. 0000000