जिल्हा माहिती कार्यालय, रायगड-अलिबाग

    रायगड-अलिबाग,दि.26(जिमाका):-  महाराष्ट्र शासनाच्या क्रीडा व युवक सेवा संचालनालय, पुणे आणि रायगड जिल्हा क्रीडा अधिकारी कार्यालय व जिल्हा क्रीडा परिषद यांच्या संयुक्त विद्यमाने जिल्हा क्रीडा संकुल, नेहुली, रायगड-अलिबाग येथील राज्यस्तरीय शालेय बॉक्सिंग स्पर्धेचे उद्घाटन महिला व बालविकास मंत्री कु.आदिती सुनील तटकरे, यांच्याहस्ते संपन्न झाले. यावेळी अपर जिल्हाधिकारी सुनिल थोरवे, जिल्हा व माहिला बाल विकास अधिकारी, निर्मला कुचिक, जिल्हा क्रीडा अधिकारी प्रकाश वाघ यांच्यासह तालुका क्रीडा अधिकारी आणि प्रशिक्षक व खेळाडू उपस्थित होते. यावेळी महिला व बालविकास मंत्री कु.आदिती सुनील तटकरे म्हणाल्या की, पुढच्या कालावधीमध्ये आपल्याला कबड्डी खो-खो टेबल टेनिस हॅण्ड बॉल या स्पर्धांचे आयोजन करायचे आहे, यासाठी जिल्हा नियोजन अंतर्गत विशेष निधी उपलब्ध करून देण्यात येईल.  या स्पर्धेसाठी बॉक्सिंग किट उपलब्ध करून दिली असून या स्पर्धेमध्ये मुंबई आणि कोकण विभागातून चार खेळाडू सहभागी होत आहेत. पुढच्या कालावधीमध्ये आपल्याला ही संख्या अधिकाधिक वाढवायची आहे. यासाठी क्रीडा विभागाने अधिकाधिक काम क...

  रायगड-अलिबाग,दि.26(जिमाका):-  रायगड जिल्ह्यातील माजी सैनिक, विधवा पत्नी व अवलंबित यांना विविध कल्याणकारी योजनांची माहिती देणे, आर्थिक मदतीची प्रकरणे, पेंशन विषयक कामे, नामनिर्देशन, माजी सैनिक ओळखपत्रे, दुसरे महायुध्द हयातीचे दाखले इत्यादी कामारिता जिल्हा सैनिक कल्याण कार्यालय, रायगड-अलिबाग यांच्यामार्फत तहसिल कार्यालयात कल्याण संघटकांचे दौरे आयोजित करण्यात येत आहेत. रायगड जिल्ह्यातील माजी सैनिक, विधवा पत्नी यांनी कल्याण संघटक यांचा दौरा कार्यक्रमानुसार त्यांच्या तहसिलदार कार्यालयात उपस्थित राहून आपल्या कामांचा निपटारा करावा, असे आवाहन जिल्हा सैनिक कल्याण अधिकारी ले.कर्नल राहुल वैजनाथ माने यांनी केले आहे. तालुका निहाय दौरा कार्यक्रमांची माहिती पुढीलप्रमाणे :- पनवेल तालुका, पहिला व तिसरा मंगळवार, उरण तालुका, दुसरा व चौथा मंगळवार, खालापूर तालुका, पहिला गुरुवार, कर्जत तालुका दुसरा गुरुवार, पेण तालुका तिसरा गुरुवार, सुधागड पाली, चौथा गुरुवार, महाड तालुका पहिला व तिसरा सोमवार, माणगाव तालुका दुसरा सोमवार, पोलादपूर तालुका चौथा सोमवार, रोहा तालुका पहिला बुधवार, मुरुड तालुका दुसरा बुध...

    रायगड अलिबाग, दि.24 (जिमाका):- आदिवासी बांधवांचे जीवनमान उंचावून त्यांना स्वावलंबी आणि आत्मनिर्भर बनविण्यासाठी केंद्र सरकारने "धरती आबा जनजातीय ग्राम उत्कर्ष" अभियानांतर्गत "आदी कर्मयोगी" उत्तरदायी शासन हा राष्ट्रीय पातळीवरील कार्यक्रम सुरू केला आहे. रायगड जिल्ह्यातील 14 तालुक्यांमधील 113 गावांमध्ये हा महत्त्वाकांक्षी कार्यक्रम राबविला जाणार आहे. यापैकी महाड तालुक्यातील  पारवाडी व कोतुर्डे या 2 गावांचा समावेश आहे. या पार्श्वभूमीवर आदिवासी बांधवांच्या सर्वांगीण विकासासाठी शासनाने प्रशासन कटिबद्ध असल्याचे प्रतिपादन जिल्हाधिकारी किशन जावळे यांनी केले आहे.     जिल्ह्यात आदी कर्मयोगी उत्तरदायी शासन कार्यक्रमाला सुरुवात झाली असून  महाड तालुक्यातील कोतुर्डे - निवाची वाडी आदिवासी वाडी येथे जिल्हाधिकारी किशन जावळे यांच्या उपस्थितीत संपन्न झाला.       यावेळी महाड उपविभागीय अधिकारी पोपट ओमासे, तहसिलदार महेश  शितोळे, गटविकास अधिकारी स्मिता पाटील,  सहाय्यक आदिवासी विकास प्रकल्प अधिकारी तेजस्विनी गलांडे, उपविभागीय कृषी अधिकारी ...

रायगड-अलिबाग, दि.24 (जिमाका) :-जिल्ह्यात दि. 17 सप्टेंबर ते 02 ऑक्टोबर या कालावधीत ‘स्वच्छता ही सेवा’ अभियान राबविण्यात येत असून सर्व ग्रामपंचायतींमध्ये या अभियानाची प्रभावी अंमलबजावणी सुरू आहे.   या मोहिमेअंतर्गत गुरुवार, दि.25 सप्टेंबर रोजी ‘एक दिवस, एक तास, एक सोबत’ या उपक्रमांतर्गत सकाळी 8 ते 10 या वेळेत प्रत्येक गावात प्रत्यक्ष श्रमदान करून स्वच्छता मोहिम राबविण्यात येणार आहे. या वेळी अस्वच्छता असलेली ठिकाणे, कार्यालये, संस्थात्मक इमारती, पर्यटनस्थळे, धार्मिक व आध्यात्मिक स्थळे, ऐतिहासिक वास्तू, नदीकिनारे, समुद्रकिनारे, प्रमुख रस्ते व उद्याने आदींची स्वच्छता करण्यात येईल. या अभियानात लोकप्रतिनिधी,स्वच्छता प्रेमी नागरिक,  युवक मंडळे, अधिकारी व कर्मचारी, एन.एस.एस. स्वयंसेवक, विविध संस्था प्रतिनिधी तसेच ग्रामस्थ मोठ्या संख्येने सहभागी होणार आहेत. स्वच्छता करून जमा झालेला कचरा योग्य पद्धतीने विल्हेवाट लावला जाणार आहे. यासोबतच वृक्षारोपण, कोपरा बागांची निर्मिती, सुशोभीकरण तसेच सामुदायिक स्वच्छता शपथ घेणे अशा उपक्रमांचे आयोजन करण्यात आले आहे. तसेच दि.26 सप्टेंबर रोजी जिल्ह्याती...

    रायगड-अलिबाग,दि.24(जिमाका):-  जिल्हाधिकारी किशन जावळे यांच्या अध्यक्षतेखाली जिल्हाधिकारी कार्यालयातील राजस्व सभागृहामध्ये दि.29 सप्टेंबर 2025 रोजी सकाळी 11.00 वाजता शौर्य दिनाचे आयोजन करण्यात आले असून या कार्यक्रमाला उपस्थित राहाण्याचे आवाहन जिल्हा सैनिक कल्याण अधिकारी, रायगड-अलिबाग ले. कर्नल राहुल वैजनाथ माने (नि.), यांनी केले आहे. भारताच्या उरी येथील लष्करी छावणीवर झालेल्या दहशतवादी हल्ल्याचे प्रत्यूत्तर म्हणून भारतीय सैन्यदलाने पाकव्याप्त काश्मीरमध्ये घुसून केलेल्या सर्जिकल स्ट्राईक केला होता. या घटनेला 9 वर्षे पूर्ण झाली असून भारतीय सैन्य दलांनी केलेली ही अभिमानास्पद कामगिरी राज्यातील जनतेपर्यंत व्यापक प्रसिध्दीव्दारे पोचविण्यासाठी व माजी सैनिकांचा सन्मान करण्यासाठी दरवर्षी 29 सप्टेंबर रोजी शौर्य दिन साजरा करण्याचे राज्य शासनाने निश्चित केले आहे. 00000

  रायगड-अलिबाग,दि.24(जिमाका):-  शासनाच्या शालेय शिक्षण व क्रीडा विभाग यांच्या अधिपत्याखाली क्रीडा व युवक सेवा संचालनालय अंतर्गत रायगड जिल्ह्यास बॉक्सिग, खो-खो, हॅण्डबॉल, टेबल टेनिस, कबड्डी आणि कुस्ती या खेळांचे विविध वयोगटात्त राज्यस्तर स्पर्धा यजमानपद देण्यात आले आहे. या 6 खेळापैकी बॉक्सिग खेळाचे 17 वर्षे वयोगटातील मुले व मुलींच्या स्पर्धाचे आयोजन दि. 25 ते 28 सप्टेंबर 2025 या कालावधीत जिल्हा क्रीडा संकूल नेहूली-संगम अलिबाग येथे होणार आहे. या राज्य स्पर्धेत राज्यातील 8 महसूल व 1 राज्य क्रीडा प्रबोधिनीचा संघ असे विभागातील जवळपास 300 खेळाडू, संघव्यवस्थापक व मार्गदर्शक सहभागी होणार आहेत. या स्पर्धांमधून विजयी स्पर्धक हा राष्ट्रीय स्तरावर महाराष्ट्र राज्याचे प्रतिनिधीत्व करणार आहे. बॉक्सिंग स्पर्धेचा प्रचार प्रसार व्हावा तसेच जिल्ह्यात सर्वदुर या खेळाची वातावरण निर्मिती व्हावी या उद्देशाने तालुका संकूल समितीच्या माध्यमातून नेहूली येथील जिल्हा क्रीडा संकुलाच्या प्रशस्त बंदिस्त हॉलमध्ये नव्या कोऱ्या बॉक्सिंग रिंगची स्थापना करण्यात आली असून राज्यातून येणाऱ्या बॉक्सर्सना आपला खेळाचा ...

  रायगड-अलिबाग,दि.23(जिमाका):-  सन 2025-26 या वर्षापासून ज्ञानज्योती सावित्रीबाई फुले आधार योजना व पंडित दिनदयाल उपाध्याय स्वयंम योजना  https://hmas.mahait.org , या पोर्टलवर ऑनलाईन करण्यात आल्या आहेत.  त्यानुसार ज्ञानज्योती सावित्रीबाई फुले आधार योजना व पंडित दिनदयाल उपाध्याय स्वयंम योजनेकरीता पात्र विद्यार्थ्यांनी  https://hmas.mahait.org , या पोर्टलवर ऑनलाईन अर्ज भरुन आवश्यक त्या सर्व कागदपत्रांसह परिपूर्ण प्रस्ताव सहाय्यक संचालक, इतर मागास बहुजन कल्याण, रायगड, कच्छिभवन, नमिनाथ जैन मंदिरा जवळ, श्रीबाग रोड, अलिबाग येथे सादर करावेत  असे आवाहन  सहाय्यक संचालक, इतर मागास बहुजन कल्याण, रायगड सुनिल जाधव यांनी केले आहे. राज्यातील इतर मागासवर्ग, विमुक्त जाती, भटक्या जमाती व विशेष प्रवर्गातील उच्च शिक्षण घेणाऱ्या विद्यार्थ्यांसाठी वसतिगृह, ज्ञानज्योती सावित्रीबाई फुले आधार व पंडित दिनदयाल उपाध्याय स्वयंम योजनेंतर्गत प्रवेश प्रक्रियेचे वेळापत्रकाची मुदत दि.01 सप्टेंबर ते 18 सप्टेंबर 2025 देण्यात आली होती. वसतिगृहामध्ये प्रवेशासाठी अर्ज करावयाच्या कालावधीमध्ये ...

  रायगड-अलिबाग,दि.23(जिमाका):-  महसूल मंत्री महोदयांच्या निर्देशानुसार प्रलंबित अपिल प्रकरणांचा जलद गतीने निपटारा करण्याकामी दि.29 सप्टेंबर, दि.30 सप्टेंबर,  दि.06 ऑक्टोबर व 07 ऑक्टोबर 2025 रोजी भूमि अदालत सकाळी 11.00 व दुपारी 3.00 वाजता या दोन सत्रात जिल्हा अधीक्षक भूमि अभिलेख रायगड-अलिबाग यांचे कार्यालय, जिल्हाधिकारी कार्यालयाचे आवारात, हिराकोट तळावाजवळ, अलिबाग येथे आयोजित करण्यात आली आहे, असे जिल्हा अधीक्षक भूमि अभिलेख रायगड-अलिबाग सुनिल इंदलकर यांनी कळविले आहे. या तारखांमध्ये सुनावणीची प्रक्रिया पूर्ण करण्याचे नियोजन केले आहे. सदर अपील प्रकरणांमध्ये अपिलार्थी यांनी उत्तरार्थी यांना सुनावणीच्या नोटीसा बजावण्याच्या आहेत व त्याची पोहोच सुनावणीवेळी सादर करावयाची आहे. तसेच या तारखांना जिल्हा अधीक्षक भूमि अभिलेख रायगड कार्यालयाकडून फेरचौकशीकामी पाठविण्यात आलेल्या प्रकरणांमध्ये व तक्रार अर्जावरील प्रकरणांमध्ये तालुका स्तरावरील कार्यालयांकडूनही सुनावणी घेण्यात येणार आहे. या भूमि अदालतीद्वारे जिल्ह्यातील प्रलंबित अपिल प्रकरणांवर सुसंवादाच्या माध्यमातून न्याय व जलद निर्णय घेण्य...

    रायगड-अलिबाग,दि.23(जिमाका):-  वाहनांना हाय सिक्युरीटी नंबर प्लेट (HSRP) बसविणे राष्ट्रीय सुरक्षेच्या दृष्टीने अत्यावश्यक असुन वाहनांमुळे होणारे गुन्हे कमी करण्यासाठी वाहनांची ओळख पटवणे, नंबरप्लेट मध्ये छेडछाड व बनावटगिरी करुन होणारे गुन्हे कमी करणे यासाठी सर्वोच्च न्यायालयाने निर्देश दिले असून या निर्देशांची अंमलबजावणी व नागरीकांच्या सुरक्षिततेच्या दृष्टीकोनातून दि.01 एप्रिल 2019 पूर्वी उत्पादीत झालेल्या सर्व जुन्या नोंदणीकृत वाहनांना हाय सिक्युरीटी नंबर प्लेट (HSRP) बसविणे बंधनकारक करण्यात आले आहे. ज्या वाहनधारकांची वाहने 01 एप्रिल 2019 पूर्वी उत्पादीत झालेली आहेत अशा सर्व वाहनधारकांनी परिवहन विभागाच्या https:  transport.maharashtra.gov.in  या संकेतस्थळावर जाऊन त्याबाबत नोंदणी करावी, असे आवाहन उप प्रादेशिक परिवहन अधिकारी पनवेल यांनी केले आहे. या कामासाठी परिवहन विभागाने अधिकृत कंपन्याची नेमणूक केली असून त्यांच्यामार्फतच हाय सिक्युरीटी नंबर प्लेट लावणे बंधनकारक आहे. इतर अनधिकृत विक्रेत्यांकडुन नंबरप्लेटची (HSRP) नोंद केंद्र सरकारच्या डेटाबेसमध्ये नोंद होणार ...