जिल्हा माहिती कार्यालय, रायगड-अलिबाग

  रायगड-अलिबाग,दि.04(जिमाका ) :-   महाराष्ट्रातील खुल्या प्रवर्गातील अशा जाती-जमातींना, ज्यांना स्वतंत्र शासकीय विभाग, संस्था किंवा महामंडळामार्फत कोणताही थेट लाभ मिळत नाही, अशा आर्थिकदृष्ट्या दुर्बल घटकांच्या सक्षमीकरणासाठी ‘अमृतपेठ-थेट स्वदेशी बाजारपेठ’ या अभिनव संकल्पनेचा शुभारंभ कार्यक्रम दि. 06 मार्च ते दि.08 मार्च 2026 दरम्यान खोपोली येथील लोहाना समाज हॉल येथे आयोजित करण्यात आला आहे. या बाजारपेठेमुळे स्थानिक लघु उद्योजक, लक्षित गट, स्वयंरोजगार करणारे युवक-युवती, कारागीर व उत्पादक यांना थेट ग्राहकांपर्यंत पोहोचण्याची संधी, स्वतःची उत्पादने विक्रीस ठेवण्याचे व्यासपीठ आणि स्वदेशी उद्योगांना चालना मिळणारआहे.‘अमृतपेठ ’ही केवळ बाजारपेठ नसून रोजगार निर्मिती, उद्योजकता विकास आणि आर्थिक स्वावलंबनाचा सेतू ठरणार आहे.या उपक्रमाचे नेतृत्व युवा उद्योजक संजय तन्ना यांच्या मार्गदर्शनाखाली होत असून, स्थानिक उद्योजक व व्यवसायिकांनी या संधीचा लाभ घ्यावा, असे आवाहन आयोजकांनी केलेआहे.   बाजारपेठेत स्टॉल सहभाग,नोंदणी व अधिक माहितीसाठी इच्छुकांनी शैलेश मराठे 9112228759, अमित कुलकर्णी 9545...

    रायगड-अलिबाग,दि.04(जिमाका ) :-  देशाला कडधान्यामध्ये स्वयंपूर्ण बनविण्याकरिता व आयातीवरील अवलंबित्वता कमी करण्याच्या उद्देशाने मा.पंतप्रधान नरेंद्र मोदी यांनी दि.11 ऑक्टोबर, 2025 रोजी सन 2025-26 ते सन 2030-31 पर्यंत  “ कडधान्य आत्मनिर्भरता अभियान ”   कार्यक्रमाची राबविण्याची घोषणा केली आहे. या अनुषंगाने शेतकरी बांधवानी काढणीपश्चात प्रक्रिया युनिट ( Processing Unit)  घटकाचा लाभ घेण्याकरिता ऑफलाईन पद्धतीने विहित नमुन्यात अर्ज सादर करावेत. राज्यात  हे  अभियान रब्बी हंगाम सन 2025-26  पासून राबविण्यात येत आहे. या अभियानांतर्गत तूर ,  उडीद व मसूर या प्रमुख कडधान्य पिकांवर विशेष लक्ष केंद्रित करण्यात येणार आहे. कडधान्य पिकांच्या मूल्यवर्धनास चालना देऊन शेतकऱ्यांचे उत्पन्न वाढविण्याच्या उद्देशाने   कडधान्य आत्मनिर्भरता अभियान   अंतर्गत काढणीपश्चात पायाभूत सुविधा मजबूत करण्यासाठी   काढणीपश्चात प्रक्रिया युनिट  ( Processing Unit)   स्थापन करण्यास सन 2026-27 या वर्षात आर्थिक सहाय्य देण्यात येणार आहे. या घटकासाठी वैयक्ति...