वाहन योग्यता प्रमाणपत्र आता 4.0 प्रणालीवर

        अलिबाग,जि.रायगड,दि.5(जिमाका)- परिवहन संवर्गातील सर्व वाहनांचे योग्यता प्रमाणपत्र नुतनीकरण व अन्य सर्व कामकाजासाठी परिवहन विभागात 1 जानेवारी 2019 पासून ऑनलाईन वाहन 4.0 या प्रणालीचा वापर करण्यात येणार आहे. तरी सर्व वाहनधारकांनी आपल्या हस्तलिखित परवाने व अन्य नोंदींची कागदपत्रे सादर करुन सर्व नोंदी ऑनलाईन प्रणाली 4.0 वर करावी, असे आवाहन उपप्रादेशिक परिवहन अधिकारी पेण यांनी केले आहे. परिवहन संवर्गातील ‘हस्तलिखित  अभिलेख’ असलेल्या सर्व वाहनधारकांनी ( ऑटोरिक्षासह)  त्यांच्या वाहनाच्या योग्यता प्रमाणपत्र नूतनीकरण व वाहनाच्या अन्य कामकाजासाठी  प्रथम उप प्रादेशिक परिवहन कार्यालय, पेण येथे येऊन वाहनाची सर्व वैध कागदपत्रे सादर करावी व 4.0 प्रणालीवर आपल्या वाहनाची नोंद करुन घ्यावी. ही नोंद झाल्यानंतर कामकाजासाठी आवश्यक शुल्क व करवाहन 4.0 प्रणालीवर स्विकारण्यात येणार आहे. तसेच योग्यता प्रमाणपत्र नुतनीकरण चाचणीसाठीही रितसर आगाऊ वेळ घ्यावी, असेही उपप्रादेशिक परिवहन अधिकारी, पेण जि. रायगड यांनी कळविले आहे.