अपंगासाठी मोफत संगणकीय व व्यावसायिक प्रशिक्षण

अलिबाग,जि. रायगड (जिमाका) दि.24-अपंग कल्याण आयुक्तालय, महाराष्ट्र राज्य पुणे व जिल्हा परिषद सांगली अंतर्गत कार्यरत शासकीय प्रौढ अपंग प्रशिक्षण केंद्र व वसतिगृह ही संस्था प्रौढ अपंगांसाठी मोफत प्रशिक्षण देणारी शासकीय संस्था आहे.   या संस्थेत सन 2019-20 या चालू शैक्षणिक वर्षासाठी मोफत प्रवेश देणे सुरु आहे.

            प्रवेशासाठी नियम अटी व सवलती पुढीलप्रमाणे : सर्टिफिकेट इन कॉम्प्युटर वुईथ एम.एस.ऑफीस (संगणक कोर्स) किमान इयत्ता आठवी पास.  मोटार ॲण्ड आमेंचर रिवायडींग, सबमर्सिबल पंप सिंगल फेज (इलेक्ट्रिक कोर्स)  इयत्ता नववी पास. एम.एस.सी.आय.टी. (संगणक कोर्स) :वयोमर्यादा 16 ते 40 वर्ष,प्रशिक्षण कालावधी एक वर्ष.  फक्त अपंग मुलांनाच प्रवेश दिला जातो. 

        सोई व सलवती : प्रशिक्षण कालावधीत राहण्याची,जेवणाची व प्रशिक्षणाची मोफत सोय.  अद्यावत व परीपूर्ण संगणक कार्यशाळा.  भरपूर प्रॅक्टीकल्स व व्यवसायाभिमुख मोफत प्रशिक्षण.  नेटवर्कींग व इंटरनेटची सुविधा.  अनुभवी व तज्ज्ञ निदेशक.  उज्वल यशाची पंरपरा.  समाज कल्याण विभागाकडून स्वयंरोजगारासाठी व्यवसायासाठी बीज भांडवल योजना.

            प्रवेश अर्ज व माहितीपत्रक अधिक्षक,शासकीय प्रौढ  अपंग प्रशिक्षण केंद्र व वसतिगृह, टाकळीरोड, म्हेत्रे मळा,गोदड मळ्याजवळ मिरज ता.मिरज, ता.सांगली-416410 (दूरध्वनी क्र.0233-2222908) मो.9922577561/9975375557  या पत्त्यावर पोस्टाद्वारे किंवा समक्ष मोफत मिळतील.   संपूर्ण भरलेले प्रवेश अर्ज संस्थेकडे 31 जुलै पूर्वी पोहोचतील अशा बेताने पाठवावे असे आवाहन प्रशिक्षण केंद्राच्या  अधिक्षकांनी केले आहे.

000000