जिल्ह्यातील माणगाव,श्रीवर्धनसाठी उपलब्ध होणार फिरते पशूचिकित्सा पथक वाहन पालकमंत्री कु.आदिती तटकरेंचे यश
अलिबाग,जि.रायगड दि.01
(जिमाका) :- पशूपालकांच्या दारापर्यंत पशूरुग्णांना
पशूवैद्यकीय सेवा उपलब्ध करुन देण्यासाठी राज्यात “मुख्यमंत्री
पशूस्वास्थ योजना” या राज्यस्तरीय योजनेंतर्गत राज्यातील 81
तालुक्यांमध्ये नवीन फिरती पशूचिकित्सा पथके स्थापन करण्यास मान्यता देण्यात आली
आहे.
सन 2020-21 या आर्थिक वर्षामध्ये
उपलब्ध झालेल्या निधीमधून 71 वाहने उपलब्ध झाली आहेत. या वाहनांचे नुकतेच
मुख्यमंत्री उध्दव ठाकरे यांच्या शुभहस्ते लोकार्पण करण्यात आले आहे. पालकमंत्री कु.आदिती तटकरे यांच्या प्रयत्नांनी
जिल्ह्यातील माणगाव व श्रीवर्धन तालुक्यांसाठीही फिरते पशूचिकित्सालय पथक वाहन
उपलब्ध होणार आहे. यामुळे या तालुक्यांमधील पशूपालकांच्या पशूरुग्णांना
पशूवैद्यकीय सेवा उपलब्ध होणार आहे.
०००००००
Comments
Post a Comment