महात्मा फुले मागासवर्ग विकास महामंडळाच्या योजनांचे कर्ज प्रस्ताव महादिशा पोर्टलवर ऑनलाईन पध्दतीने सादर करावेत

 

        रायगड-अलिबाग,दि.28 (जिमाका):- महात्मा फुले मागासवर्ग विकास महामंडळ, जिल्हा कार्यालय रायगड मार्फत सन 2025-26 या अर्थिक वर्षाकरिता पात्र लाभार्थ्याकडून महामंडळ राबवीत असलेल्या विविध योजनांसाठी ऑनलाईन पध्दतीने अर्ज मागविण्यात येत असून इच्छुक व पात्र लाभार्थ्यांनी या संधीचा  लाभ घेऊन ऑनलाईन अर्ज भरावेत, असे आवाहन महात्मा फुले मागासवर्ग विकास महामंडळाकडून करण्यात आले आहे.

            अनुसूचित जाती व नवबौध्द लोकांच्या स्वयंरोजगारासाठी अर्थिक सहाय्य व सामाजिक उन्नतीच्या उद्देशाने त्यांच्या सर्वांगीन विकासासाठी हे महामंडळ राबवित असलेल्या योजनांची अंमलबजावणी होण्यासाठी भारत शासनाच्या प्रधानमंत्री अनुसूचित जाती अभ्युदय योजने (PM-AJAY) अंतर्गत या योजनांद्वारे लाभार्थ्यांना स्वयंरोजगाराच्या संधी उपलब्ध करुन देणे, अर्थिक सक्षमीकरण घडवणारी आणि जीवनमान उंचावणे हा प्रमुख उद्देश या महामंडळाचा आहे.

            ही अर्ज प्रक्रिया पुर्णपणे पारदर्शक व ऑनलाईन पध्दतीने करण्यात येणार असून, इच्छुक लाभार्थ्यांनी या महामंडळाच्या  htpp://mpbcdc.maharashtra.gov.in  किंवा  htpp://mahadisha.in या संकेतस्तळाच्या पोर्टल द्वारे आपले कर्जमागणी अर्ज सादर करणे आवश्यक आहे. सदरचे अर्ज सादरीकरण करताना लाभार्थ्यांनी आवश्यक ती कागदपत्रे स्कॅन करुन अपलोड करावीत. कोणतेही अर्ज प्रत्यक्ष कार्यालयात स्वीकारले जाणार नाहीत.

            महामंडळामार्फत राबविण्यात येत असलेल्या योजनांचा तपशील खालीलप्रमाणे आहे:

        50% अनुदान योजना : एकूण प्रकल्प खर्च  : रु. 50,000/-,      महामंडळाचे अनुदान :  रु. 25,000/-  बँकेचे कर्ज :  रु. 25,000/-  या योजनेद्वारे लघु व्यवसाय ,सुक्ष्म उद्योग व उपजीविकेस पूरक अशा उपक्रमांना चालना दिली जाते.

            बीजभांडवल योजना : प्रकल्प खर्च  रु. 50,000/-  ते रु. 5,00,000/-, महामंडळसहभाग  : 20 %  ( जास्तीत जास्त रु. 50,000/- अनुदान + बीज भांडवल रु. 50,000/-), बँक सहभाग  : 75 % रु. 3,75,000/- ( बँकेच्या विद्यामान व्याजदराने कर्ज)  लाभार्थी सहभाग :  5 %  रु.25,000/-,  कर्ज परतफेडीचा कालावधी  :  3 ते 5 वर्ष या योजनेद्वारे उद्योजकता विकसित करण्यासाठी उपयुक्त असुन, लाभार्थ्यांना स्थिर व टिकाऊ व्यवसाय उभारता येतो.

        थेट कर्ज योजना : महामंडळामार्फत थेट कर्ज योजने अंतर्गत लाभार्थ्यांना रु. 1,00,000/- पर्यंत कर्ज वार्षिक 4 %  व्याजदराने उपलब्ध करुन दिले जाते. ही योजना जलद व सुलभ पध्दतीने अंमलात अणली जाते, ज्यामुळे अल्पावधीतच लाभार्थ्यांना व्यवसाय सुरु करता येतो.प्रकल्पखर्च :   रु. 1,00,000/-,महामंडळसहभाग  : 50 %, थेट कर्ज रक्कम : 45%,   लाभार्थी सहभाग : 5%.

राष्ट्रीय अनुसूचित जाती वित्त व विकासमहामंडळ ( NSFDC) योजना

            एनएसएफडीसी,नवी दिल्ली यांच्या अनुसूचित जाती प्रवर्गातील लाभार्थ्यांसाठी रोजगार व उद्योग क्षेत्रात प्रोत्साहन देण्यासाठी विविध येाजना राबविल्या जातात. या योजनांमध्ये रु. 1,40,000/- पासून ते रु.5,00,000/- इतके कर्ज रक्कम देण्याचे प्रवाधान असून एकूण प्रकल्पाच्या 90 टक्के एनएसएफडीसी, नवी दिल्ली यांच्या मार्फत प्राप्त होणार जास्तीत जास्त रु 50,000/- च्या कमाल मर्यादेत अनुदान आहे. व उर्वरीत रक्कम बीज भांडवल स्वरुपात  देण्यात येईल.

            राष्ट्रीय सफाई कर्मचारी वित्त व विकास महामंडळ (NSKFDC) योजना : या योजनां मध्ये रु. 1,00,000/- पासुन ते रु. 15,00,000/- इतके कर्ज रक्कम देण्याचे प्रवाधान असून एकूण प्रकल्पाच्य 90 % एनएसकेएफडीसी  नवी दिल्ली यांच्यामार्फत प्राप्त होणार जास्तीत जास्त  रु. 50,000/- कमाल मर्यादेत अनुदान आहे  उर्वरीत रक्क्म बीज भांडवल स्वरुपात देण्यात येईल.

            (NSFDC) योजना (NSKFDC)  शैक्षणिक कर्ज योजना : या योजनांमध्ये रु.10,00,000/-  पासून ते रु. 30,00,000/-  इतके कर्ज रक्कमेचे प्रवाधान राष्ट्रीय व अंतराष्ट्रीय प्रमाणे महामंडळाच्या नियम, अटी व शर्तीप्रमाणे आहे.

                अर्ज करण्यास आवश्यक पात्रता : अर्जदार अनुसूचित जातीचा व नवबौध्द संवर्गातील असावा व त्याचे वय 18 ते 50 वर्षे  असावे. वार्षिक उत्पन्न मर्यादा ग्रामीण व शहरी  रु. 3.00 एवढी आहे.  अर्जदार हा या महामंडळाच्या योजनांचा व इतर वित्तीय संस्थेचा थकबाकीदार नसावा.

अर्ज करण्यास आवश्यक कागदपत्रे :  जातीचा व उत्पन्नाचा सक्षम अधिका-यांनी दिलेला दाखला.  5 पासपोर्ट आकाराचे फोटो.

 रेशनकार्ड, मतदान ओळखपत्र, रहिवासी  प्रमाणपत्र, आधारकार्ड, पॅन कार्ड प्रत. कोटेशन व व्यवसायासाठी असलेल्या आवश्यक असलेल्या जागेचा पुरावा, व्यवसायानुसार इतर दाखले. आवश्यकते प्रमाणे प्रकल्प अहवाल.  बँकखाते क्रमांक पासबुकची झेरॉक्स प्रत.

            सर्व योजनांची सविस्तर माहिती, अर्ज प्रकिया, आवश्यक कागदपत्रांची यादी व पात्रतेच्या अटी  महामंडळाच्या महादिशा पोर्टलवर उपलब्ध आहेत.  इच्छुक लाभार्थ्यांनी  अर्ज करण्यापूर्वी  माहिती नीट वाचून घेणे आवश्यक आहे. 

००००००००