पनवेल तालुक्यातील नवीन प्राथमिक आरोग्य उपकेंद्र,कोनसाठी मौजे शिरढोण येथील जागा हस्तांतरित

 

अलिबाग, जि.रायगड दि.25 (जिमाका):- पनवेल तालुक्यातील नवीन प्राथमिक आरोग्य उपकेंद्र कोनच्या इमारतीच्या बांधकामासाठी जमिनीची मागणी होती. याबाबत पालकमंत्री आदिती तटकरे यांनी व्यक्तिशः लक्ष घालून संबंधितांना आवश्यक ती कार्यवाही करण्याचे निर्देश दिले होते.

              या पार्श्वभूमीवर मौजे शिरढोण ता.पनवेल येथील स.नं.31/0 क्षेत्र 0.48.00 हे.आर.पैकी 0-05-0 हे.आर. या जमिनीचे शासनाकडे पुर्नग्रहण करुन जमीन भोगाधिकार मूल्यरहित व महसूल मुक्त किंमतीने मौजे शिरढोण ता.पनवेल येथील  जागा नवीन प्राथमिक आरोग्य उपकेंद्र कोन करिता पालकमंत्री कु.आदिती तटकरे यांच्या निर्देशानुसार हस्तांतरीत करण्याचे आदेश जिल्हाधिकारी निधी चौधरी यांनी जारी केले आहेत.

             पनवेल तालुक्यातील ग्रामीण भागातील जनतेला आरोग्य सुविधा मिळण्याच्या दृष्टीने ही बाब महत्वाची आहे. 

000000