जिल्हा माहिती कार्यालय, रायगड-अलिबाग

  अलिबाग,दि.13 (जिमाका):-  मुख्यमंत्री रोजगार निर्मिती कार्यक्रमांतर्गत बँक शाखाकडे मंजूरीकरिता शिफारस केलेल्या एकूण प्रकरणात नामंजूर,प्रलंबित प्रकरणाची एकूण संख्या जिल्ह्यात जास्त असल्याने जिल्हाधिकारी डॉ.महेंद्र कल्याणकर यांच्या मार्गदर्शनाखाली बँक शाखा व्यवस्थापक व अर्जदारांची एकत्रित समन्वय व आढावा बैठक (दि.12 डिसेंबर 2022) रोजी जिल्हाधिकारी कार्यालयाच्या राजस्व सभागृहात संपन्न झाली. यावेळी जिल्हा उद्योग केंद्राचे महाव्यवस्थापक जी.एस.हरळया, जिल्हा अग्रणी बँकचे व्यवस्थापक विजय कुलकर्णी तसेच प्रमुख बँक शाखा व्यवस्थापक व प्रलंबित, कर्ज नामंजूर प्रकरणांचे अर्जदार उपस्थित होते.  बैठकीच्या सुरुवातीस जिल्हा उद्योग केंद्राचे महाव्यवस्थापक जी.एस.हरळया यांनी रायगड जिल्ह्याकरिता सन-2022-23 वर्षाकरिता 800 प्रकरणाचे उद्दिष्ट प्राप्त असून जिल्हा कार्यबल समितीच्या मंजूरीने एकूण 900 पेक्षा जास्त अर्ज बँक शाखांकडे मंजुरीकरिता पाठविण्यात आले असून बँकेने या योजनेंतर्गत केवळ 153 अर्ज मंजूर केले आहेत.  तसेच बँकेकडे एकूण 469 प्रकरणे मंजूरीकरिता प्रलंबित आहेत, असे यावेळी सांगितले. ...

    अलिबाग,दि.13 (जिमाका):-  राज्यातील विद्यार्थ्यांना संरक्षण सेवेमध्ये अधिकारी म्हणून जास्तीत जास्त संख्येने जाता यावे, यासाठी महाराष्ट्र शासनाने औरंगाबाद येथे सैनिकी सेवापूर्व शिक्षण संस्थेची स्थापना केली आहे. या संस्थेकडून सैनिकी सेवापूर्व शिक्षण 47 व्या तुकडीसाठी ऑनलाईन अर्ज मागविण्यात आले आहेत. सैनिकी सेवापूर्व शिक्षण संस्था, औरंगाबाद यांच्याकडून देण्यात येणाऱ्या प्रशिक्षणासाठी अर्ज करणारा उमेदवार हा अविवाहित मुलगा असावा. उमेदवार महाराष्ट्राचा अधिवासी असावा, त्याचा जन्म 01 जानेवारी 2007 ते 31 डिसेंबर 2008 च्या दरम्यान झालेला असावा. तर मार्च/एप्रिल/मे 2023 मध्ये होणाऱ्या माध्यमिक शालांत परीक्षेला बसणारा असावा. म्हणजेच जून 2023 मध्ये इयत्ता 11 वी मध्ये प्रवेश घेण्यासाठी पात्र असावा. तसेच उमेदवार हा सैन्यदलात अधिकारी बनण्यासाठी दिलेल्या सर्व निकषांसाठी पात्र असावा. यूपीएससी ने राष्ट्रीय संरक्षण प्रबोधिनी, पुणे (एन.डी.ए) आणि भारतीय नौसेना प्रबोधिनी, एझिमला, केरळ (आय.एन.ए.) येथील प्रवेशासाठी निश्चित करण्यात आलेल्या शारिरीक निकषास पात्र असावा. हे निकष यूपीएससी तथा सैनिकी ...

  दुधाळ जनावरांचा (गायी,म्हशी) पुरवठा योजनेंतर्गत पुरवठादार पॅनलमध्ये समाविष्ट होण्यासाठी इच्छुक पुरवठादारांनी अर्ज करावेत                                                           --जिल्हा पशुसंवर्धन उपायुक्त डॉ. आर.व्ही.काळे   अलिबाग,दि.12(जिमाका) :-     दि.01 ऑगस्ट 2022 ते दि.31 जुलै 2023 या कालावधीत विशेष घटक व नाविन्यपूर्ण योजना व इतर योजनेंतर्गत दुधाळ जनावरांचा (गायी, म्हशी) पुरवठा करण्यासाठी जिल्हानिहाय पुरवठादारांचे पॅनल करण्यात येणार आहे. इच्छुक पुरवठादारांकडून यासाठी अर्ज मागविण्यात येत आहेत. तरी इच्छुकांनी अधिक माहितीसाठी जिल्हा पशुसंवर्धन उपायुक्त कार्यालय, जिल्हा पशुवैद्यकीय सर्व चिकित्सालय इमारत, प्राणायाम हेल्थ समोर वरसोली रोड, रामनाथ, अलिबाग, दूरध्वनी क्रमांक 02141-228036  येथ...

    मुंबई-पुणे द्रुतगती महामार्ग तसेच जुन्या महामार्गावर वाहन चालकांमध्ये शिस्त निर्माण व्हावी व त्या ठिकाणी होणाऱ्या अपघातांचे प्रमाण कमी होण्याकरिता परिवहन विभागाने "सुरक्षा" हा उपक्रम दि.01 डिसेंबर 2022 पासून पुढील सहा महिन्यांसाठी सुरू केला आहे. दि.01 ते दि.07 डिसेंबर  2022 या कालावधीत वाहतूक नियमांचे भंग करणाऱ्या विशेषतः अतिवेगाने वाहन चालविणे, विना हेल्मेट, विना सिटबेल्ट वाहन चालविणे आणि चुकीच्या मार्गिकेमध्ये वाहन चालविणे, चुकीच्या पध्दतीने मार्गिका बदलणे याबाबत वाहन चालकांमध्ये शिस्त निर्माण करण्याकरिता मोठ्या प्रमाणावर जनजागृती करण्यात आली. याकरिता परिवहन विभागातील 30 अधिकाऱ्यांची नेमणूक करण्यात आली असून दोन्ही महामार्गावर 24 तास ही जनजागृती अंमलबजावणी करण्यात येत आहे. अतिवेगाने वाहन चालविणे मुंबई- पुणे या दोन्ही महामार्गावरील होणारे अपघातांमध्ये अतिवेगाने वाहन चालविल्यामुळे झालेल्या अपघातामध्ये मोठया प्रमाणात यापूर्वी जिवीत हानी झालेली आहे. याकरिता अतिवेगाने वाहन चालविणाऱ्या वाहनधारकांना पहिले सात दिवस जनजागृती करण्यात आली आहे. यामध्ये कार, जीप ही खाजगी वाहने, ट...

    अलिबाग,दि.12(जिमाका) :-    जिल्हाधिकारी डॉ.महेंद्र कल्याणकर यांच्या संकल्पनेतून आणि मार्गदर्शनाखाली    बुधवार, दि. 14 डिसेंबर 2022 रोजी पी.एन.पी. महाविद्यालय, वेश्वी,    अलिबाग येथील क्रीडांगणावर रायगड जिल्हा प्रशासनामार्फत आयोजित आणि रायगड जिल्हा कबड्डी असोसिएशन यांच्या तांत्रिक सहकार्याने   कबड्डी चषक स्पर्धेचे आयोजन करण्यात आले आहे. या कबड्डी चषक स्पर्धेत रायगड जिल्हा वरिष्ठ गट कबड्डी निवड चाचणी स्पर्धेतील प्रथम 16 पुरुष संघ आणि प्रथम 8 महिला संघ सहभागी होतील.    कबड्डी स्पर्धेचे उद्घाटन दि.14 डिसेंबर 2022 रोजी सकाळी जिल्हाधिकारी डॉ.महेंद्र कल्याणकर यांच्या हस्ते होणार असून त्याच दिवशी संध्याकाळी या क्रीडा स्पर्धेचे पारितोषिक वितरण होणार आहे. या स्पर्धेतील प्रावीण्य प्राप्त संघांना (प्रथम, द्वितीय आणि तृतीय) चषक, प्रमाणपत्र आणि रोख पारितोषिक देण्यात येणार आहे.   तरी या कबड्डी चषक स्पर्धेचा आनंद सर्व कबड्डी प्रेमी आणि क्रीडाप्रेमी नागरिकांनी घ्यावा, असे आवाहन जिल्हाधिकारी डॉ.महेंद्र कल्याणकर यांनी केले आहे. 00000000

    अलिबाग, दि.12 (जिमाका) :- 10 डिसेंबर हा दिवस मानवी हक्क दिन म्हणून साजरा केला जातो. तहसिल कार्यालय, तळा यांच्या वतीने दि. 10 डिसेंबर 2022 रोजी गो.म.वेदक माध्यमिक विद्यालय, तळा येथे आंतरराष्ट्रीय मानवी हक्क दिनानिमित्त मार्गदर्शनपर कार्यक्रमाचे आयोजन करण्यात आले होते. यावेळी   तळा तहसिल कार्यालयाचे निवासी नायब तहसिलदार श्री. मंगेश पालांडे यांनी उपस्थितांना मूलभूत मानवी हक्क व अधिकारांविषयी मार्गदर्शनपर संबोधन केले. तसेच मार्गदर्शन करीत असताना विद्यार्थ्यांशी प्रश्नोत्तरे करीत विद्यार्थ्यांनाही चर्चेत सहभागी करून घेतले. यास विद्यार्थ्यांचाही उत्साही प्रतिसाद लाभला. या कार्यक्रमाचे प्रास्ताविक विद्यालयाचे पर्यवेक्षक श्री.कदम यांनी केले. यावेळी समाजशास्त्र विषयाचे शिक्षक श्री. राठोड, श्री. सुतार आणि श्री. दौडमणी यांनीही मोलाचे मार्गदर्शन केले. हा कार्यक्रम आयोजित केल्याबद्दल विद्यालयाच्या वतीने श्री. सुतार यांनी तळा तहसील प्रशासनाचे आभार व्यक्त केले.   यावेळी विद्यालयातील विद्यार्थी, शिक्षक व शिक्षकेत्तर कर्मचारी मोठ्या संख्येने उपस्थित होते. 000000

  अलिबाग, दि.12(जिमाका):- जिल्हाधिकारी डॉ.महेंद्र कल्याणकर यांच्या मार्गदर्शनाखाली दि. 10 डिसेंबर, 2022 रोजी जिल्हाधिकारी कार्यालय, रायगड-अलिबाग, अलिबाग तहसिल कार्यालय आणि कोकण एज्युकेशन सोसायटीचे जनरल अरुणकुमार वैद्य विद्यालय, अलिबाग यांच्या संयुक्त विद्यमाने मानवी हक्क दिवस जनजागृती रॅलीचे आयोजन करण्यात आले होते. या रॅलीचे को.ए.सो.जनरल अरुणकुमार वैद्य विद्यालय, अलिबाग येथून रॅली स्टेट बँक अलिबाग, कामत आळी अलिबाग, दत्त मंदिर अलिबाग, कन्याशाळा अलिबाग, यामार्गे मार्गक्रमण होवून जिल्हाधिकारी कार्यालय येथे रॅलीचा समारोप करण्यात आला. जिल्हाधिकारी कार्यालयाचे नायब तहसिलदार श्री.मनोज गोतारणे यांनी उपस्थित विद्यार्थांना मानवी हक्क दिनाचे महत्व समजावून सांगितले आणि तरुण विद्यार्थ्यांनी या दिनाविषयी सामान्य नागरिकांपर्यंत प्रसार करण्यास आपलाही सहभाग नोंदवावा, असे आवाहन करण्यात येवून   रॅलीचा समारोप करण्यात आला. 0000000