जिल्हा माहिती कार्यालय, रायगड-अलिबाग

       रायगड(जिमाका)दि.30:-  राज्य सरकारने लोकसेवा हक्क अधिनियम हा क्रांतिकारी कायदा लोकांना अधिकार देण्यासाठी केला आहे. सर्व प्रशासकीय यंत्रणांनी वेळेत नागरिकांना सुविधा उपलब्ध करून देत या कायद्याची प्रभावी अंमलबजावणी करावी, असे निर्देश जिल्हाधिकारी डॉ.योगेश म्हसे यांनी दिले. आज लोकसेवा हक्क अधिनियम 2015 च्या प्रभावी अंमलबजावणीच्या अनुषंगाने जिल्हाधिकारी यांच्या अध्यक्षतेखाली दूरदृश्यप्रणालीद्वारे बैठक आयोजित करण्यात आली होती. त्यावेळी ते बोलत होते. यावेळी जिल्हा परिषदेचे मुख्य कार्यकारी डॉ.भरत बास्टेवाड, अपर जिल्हाधिकारी सुनिल थोरवे, जिल्हा नियोजन अधिकारी ज.द.मेहत्रे, जिल्हा शल्य चिकित्सक डॉ.अंबादास देवमाने, जिल्हा आरोग्य अधिकारी डॉ.मनिषा विखे, उपजिल्हाधिकारी सा.प्र. विठ्ठल इनामदार, जिल्हा पुनर्वसन अधिकारी भारत वाघमारे यांसह जिल्ह्यातील विविध शासकीय विभागांचे अधिकारी ऑनलाईन उपस्थित होते. यावेळी जिल्हाधिकारी डॉ.म्हसे म्हणाले की, लोकसेवा हक्क अधिनियमाच्या माध्यमातून जनतेला पारदर्शक, गतीमान आणि कालमर्यादेत प्रभावी सेवा मिळणार आहेत. या कायद्यामुळे जनतेच्या हक्कांच...

    रायगड(जिमाका)दि.30:-  दि.01 डिसेंबर जागतिक एड्स दिनानिमित्त प्रकल्प संचालक महाराष्ट्र एड्स नियंत्रण सोसायटी,   मुंबई यांच्या मार्गदर्शनानुसार जिल्हा शासकीय रुग्णालयाच्या प्रांगणात सकाळी 9 वाजता एचआयव्ही एड्स जनजागृतीपर रॅलीचे आयोजन करण्यात आले असल्याची माहिती  जिल्हा शल्यचिकित्सक डॉ.अंबादास देवमाने यांनी दिली आहे. ०००००

  रायगड(जिमाका)दि.30 :-महाराष्ट्र राज्यातील सर्व जिल्हा परिषद मधील प्राथमिक शिक्षकांना केंद्रप्रमुख पदावर विभागीय मर्यादित स्पर्धा परीक्षेद्वारे नियुक्ती देण्यासाठी "केंद्रप्रमुख विभागीय मर्यादित स्पर्धा परीक्षा 2023" या परीक्षेचे ऑनलाईन पध्दतीने आयोजन करण्यात येणार आहे. या परीक्षेचा दिनांक  संकेतस्थळावर कळविण्यात येईल. पात्र उमेदवारांनी ऑनलाईन प्रणालीव्दारे आवेदनपत्र व शुल्क भरण्याची कार्यवाही करावी असे महाराष्ट्र राज्य परीक्षा परिषदेने पत्रकाद्वारे कळविले आहे.  दिनांक 05 जून 2023 अधिसूचने अन्वये केंद्रप्रमुख विभागीय मर्यादित स्पर्धा परीक्षा 2023 या परीक्षेचे आयोजन माहे जून 2023 च्या शेवटच्या आठवडयामध्ये घेण्याचे नियोजित होते. परंतु मा.उच्च न्यायालय, मुंबई, खंडपीठ औरंगाबाद व नागपूर या ठिकाणी विविध याचिका दाखल झालेल्या होत्या. त्यामुळे शासनाच्या दि. 20 जून 2023 अन्वये मान्यता मिळाल्यानुसार मा. न्यायालयीन दाखल याचिका व प्रशासकीय कारणास्तव ही परीक्षा पुढे ढकलण्यात आली होती. त्यानुसार शासनाच्या दि.27 सप्टेंबर, 2023 निर्णयान्वये या परीक्षेच्या अर्हतेबाबत सुधारणा करण्यात आली आ...

    रायगड दि.23(जिमाका):-  भारत सरकारच्या फ्लॅगशिप योजनांचा लाभ लक्ष्यित लाभार्थ्यांपर्यत वेळेत पोहोचावेत याची खात्री करण्याच्या उद्देशाने विकसित भारत संकल्प यात्रा ही देशव्यापी मोहीम केंद्र शासनाकडून आखण्यात आली असून ही यात्रा दि.15 नोव्हेंबर ते 26 जानेवारी 2024 या कालावधीत पार पडणार आहे. या मोहिमेच्या अनुषंगाने विकसित भारत संकल्प यात्रा योजनेच्या रथाला आज जिल्हाधिकारी कार्यालयाच्या आवारात जिल्हाधिकारी  डॉ.योगेश म्हसे यांनी हिरवा झेंडा दाखवून मार्गस्थ केले.                यावेळी जिल्हा परिषदेचे मुख्य कार्यकारी अधिकारी डॉ.भरत बास्टेवाड, अपर जिल्हाधिकारी सुनिल थोरवे, निवासी उपजिल्हाधिकारी संदेश शिर्के आदींसह जिल्हाधिकारी कार्यालयातील अधिकारी, कर्मचारी यावेळी उपस्थित होते. विविध योजनांतर्गत पात्र असलेल्या परंतु आतापर्यत लाभ न घेतलेल्या लोकांपर्यत पोहोचणे, माहितीचा प्रसार आणि योजनांबद्दल जागरुकता निर्माण करणे, नागरिकांशी संवाद वैयक्तिक कथा/अनुभव शेअरिंगद्वारे सरकारी योजनांच्या लाभार्थ्यांशी संवाद साधणे, या...

  रायगड दि.23(जिमाका):-  जिल्हा रुग्णालयाच्या नुतनीकरण करण्यात आलेल्या  इमारतीच्या एन.एच.एम.  अंतर्गत अत्याधुनिक   एस.एन.सी.यु.कक्ष (नवजात बालक कक्ष)   नवीन कक्ष दि.17 नोव्हेंबर 2023 रोजी कार्यान्वित करण्यात आला असल्याची माहिती जिल्हा शल्य चिकित्सक डॉ.अंबादास देवमाने यांनी दिली आहे. या नवीन कक्षाला यंदाच्या वर्षी 10 वर्ष पूर्ण झाली असून या ठिकाणी नवजात बालकांना गुणवत्तापूर्वक सेवा देण्याचे  काम सुरु आहे. नवजात बालकांमध्ये होणारे आजार जसे कमी दिवसांच्या कालावधीत जन्माला आलेले बाळ, कावीळ, जन्मतः श्वासघेण्यास त्रास होणे, जन्मतः मातेच्या पोटात शी गिळणे,जन्मतः वंग असणे, आकडी येणे  अशा विविध स्वरूपाच्या आजारांवर उपचार केले जातात. मागील 10 वर्षाच्या कालावधीत  एस.एन.सी.यु.माध्यमातून 9 हजार 358 नवजात बालकांना नवजीवन मिळाले आहेत. तसेच अंदाजे 2 हजार कमी दिवसांची बालके बरी होऊन गेली आहेत. येथे दर आठवड्याला नवजात बालकांची आरओपी (डोळ्यांची) तपासणी कानाची बेरा व ओएइ तपासणी एअमौयु केलेल्या संस्थामार्फत  करण्यात येते.  तसेच new born Screening करण्या...

    रायगड दि.22(जिमाका) :-  रायगड पोलीस विभागातर्फे सरखेल कान्होजी आंग्रे क्रीडा नगरी, पोलीस मुख्यालय अलिबाग येथे आयोजित 48 वी कोकण परिक्षेत्रीय पोलीस क्रीडा स्पर्धा-2023 स्पर्धेचे उद्घाटन  महिला व बालविकास मंत्री कु.आदिती तटकरे यांच्याहस्ते ज्योत पेटवून व हवेत फुगे उडवून उद्घाटन संपन्न झाले.                यावेळी जिल्हाधिकारी डॉ.योगेश म्हसे, जिल्हा परिषदेचे मुख्य कार्यकारी अधिकारी डॉ.भरत बास्टेवाड, जिल्हा पोलीस अधीक्षक सोमनाथ घार्गे, पोलीस उपायुक्त वाहतूक शाखा नवी मुंबई श्री.काकडे, अपर पोलीस अधीक्षक अतुल झेंडे, उप वनसंरक्षक राहुल पाटील आदींसह पोलीस विभागाचे अधिकारी, कर्मचारी यावेळी उपस्थित होते.             यावेळी महिला व बालविकास मंत्री कु.आदिती तटकरे म्हणाल्या की, 48 वी कोकण परिक्षेत्रीय पोलीस क्रीडा स्पर्धा-2023 रायगड जिल्ह्यामध्ये संपन्न होत असून रायगडकरांसाठी ही अभिमानाची गोष्ट आहे.  पोलीस विभागाचे क्रीडा क्षेत्राशी अतुट व जिव्हाळयाचे...

  रायगड,दि.21(जिमाका):-   रायगड जिल्ह्यातील कार्यक्षेत्रात निश्चित करण्यात आलेल्या  “ ब्लॅक स्पॉटस् ”  ची संबंधित विभागांनी तातडीने पाहणी करून  “ ब्लॅक स्पॉटस् ”  वरील अपघात कमी करण्याकरिता तात्काळ व दीर्घकालीन उपाययोजना कराव्यात, असे निर्देश  जिल्हाधिकारी डॉ.योगेश म्हसे यांनी संबंधित विभागांच्या उपस्थित अधिकाऱ्यांना दिले. जिल्हाधिकारी कार्यालयाच्या राजस्व सभागृहात रस्ता सुरक्षा समिती आढावा बैठक  जिल्हाधिकारी डॉ.योगेश म्हसे  अध्यक्षतेखाली संपन्न झाली, त्यावेळी ते बोलत होते. यावेळी निवासी उपजिल्हाधिकारी संदेश शिर्के, अपर पोलीस अधीक्षक अतुल झेंडे, अधीक्षक अभियंता,  सार्वजनिक बांधकाम मंडळ कोकण भवन, नवीमुंबई श्रीमती सुषमा गायकवाड,  जिल्हा नियेाजन अधिकारी ज.द.मेहत्रे,  कार्यकारी अभियंता, सार्वजनिक बांधकाम विभाग, अलिबाग जगदीश सुखदेवे, पनवेल उप प्रादेशिक परिवहन अधिकारी अनिल पाटील, पेण उप प्रादेशिक परिवहन अधिकारी महेश देवकाते, एमएसआरडीसी मुंबई बांद्रा चेतन वाणी, एमएसआरडीसी पुणे सी.जी.जाधव  आदींसह  सार्वजनिक बांधकाम विभाग, उप ...