अपिल प्रकरणांसाठी महात्मा ज्योतीराव फुले लोक अदालतीचे आयोजन नागरिकांनी किंवा अपीलकर्त्यांनी आवश्यक कागदपत्रे व पुरावे घेऊन उपस्थित राहावे

रायगड-अलिबाग,दि.30(जिमाका): महसूल व वनविभाग यांच्याकडील दि.13 ऑगस्ट 2026 च्या शासन  निर्णयान्वये भूमि अभिलेख विभाग, रायगड, अलिबाग यांच्यातर्फे प्रलंबित अपिल प्रकरणांच्या निपटाऱ्यासाठी जिल्हा अधिक्षक भूमि अभिलेख, रायगड-अलिबाग जिल्हाधिकारी कार्यालय, आवार व जुने तहसिल कार्यालयाच्या आवारात कचेरी रोड माणगाव येथे महात्मा ज्योतीराव फुले लोक अदालतीचे आयोजन करण्यात  आले असून नागरिकांनी व अपिलकर्त्यांनी आवश्यक कागदपत्रे व पुरावे घेवून उपस्थित राहावे, असे आवाहन जिल्हा अधीक्षक भूमि अभिलेख सुनिल इंदलकर यांनी केले आहे.

महसूल लोक अदालतीचे ठिकाण :- जिल्हा अधिक्षक भूमि अभिलेख, रायगड क्र.1 अलिबाग जिल्हाधिकारी कार्यालय, आवार, अलिबाग, अंतर्गत तालुके- अलिबाग, पेण, पनवेल, उरण, मुरुड, कर्जत, खालापूर, महसूल लोक अदालतीचा दिनांक- मंगळवार, दि.6 ऑक्टोबर 2026, वेळ-दुपारी 12.00 वाजता.

महसूल लोक अदालतीचे ठिकाण :-जिल्हा अधिक्षक भूमि अभिलेख, रायगड क्र.2 अलिबाग, जुने तहसिल कार्यालयाचे आवारात, कचेरी रोड, ता.माणगाव, अंतर्गत तालुके- माणगाव, सुधागड, महाड, पोलादपूर, म्हसळा, तळा, रोहा, श्रीवर्धन, महसूल लोक अदालतीचा दिनांक- बुधवार, दि. 7 ऑक्टोबर 2026, वेळ-दुपारी 12.00 वाजता.

या लोक अदालतीमध्ये रायगड विभागातील प्रलंबित अपिल प्रकरणांवर सुसंवादाच्या माध्यमातून न्याय व जलद निर्णय घेण्यावर भर दिला जाणार आहे. संबंधित नागरिकांनी किंवा अपीलकर्त्यांनी आपली सर्व आवश्यक कागदपत्रे व पुरावे सोबत घेऊन उपस्थित राहावे, जेणेकरून प्रकरणाचा योग्य व अंतिम निपटारा करता येईल.लोक अदालतीद्वारे तातडीने व पारदर्शक पद्धतीने प्रकरण सोडविण्याचा हेतू असून, त्यामुळे वेळेची व संसाधनांची बचत होणार आहे.

नागरिकांनी यासंदर्भात अधिक माहितीसाठी जिल्हा अधीक्षक भूमि अभिलेख रायगड क्र.1 अलिबाग यांच्या कार्यालयाशी अथवा व्हॉटस अॅप नं.8308311010 वर केवळ व्हॉटस अॅप संदेशान्वये संपर्क साधावा.

0000000