जिल्हा माहिती कार्यालय, रायगड-अलिबाग

अलिबाग, दि.23 (जिमाका):- सन 2021-2022 मघ्ये इयत्ता 10 वी व 12 वी व पदवी / पदविका परिक्षेत किमान 60 टक्के गुणांनी उत्तीर्ण होऊन पुढील शिक्षण घेणा ऱ्या तसेच विद्यापीठाने मान्य केलेल्या विषयांमध्ये संशोधनपर अभ्यासक्रम करणाऱ्या ( पीएचडी व तत्सम ) माजी सैनिक / विधवांच्या पाल्यांना शैक्षणिक वर्ष 2022-2023 मध्ये प्रवेश घेतलेल्या अभ्यासक्रमासाठी अभ्यासक्रम पूर्ण होईपर्यंत दरवर्षी शैक्षणिक शिष्यवृती देण्यात येणार आहे . या कामी माजी सैनिक / माजी सैनिक विधवांनी वैयक्तिक अर्ज, डी डी -40 अर्ज ( कार्यालयात उपलब्ध आहे .), ओळखपत्राची पाठपोठ छायांकित प्रत, सध्या पाल्य ज्या वर्गात शिकत आहे त्या वर्गाचे बोनाफाईड सर्टीफिकेट , उत्तीर्ण झालेल्या वर्गाच्या गुणपत्रिकेची प्रमाणित सत्यप्रत, डिस्चार्ज पुस्तकातील कुटूंबातील सदस्यांची नावे असलेल्या पानांची प्रमाणित छायांकित प्रत, इतर कोणतीही शिष्यवृती मिळत नसल्याबाबतचा कॉलेजचा दाखला या कागदपत्रांसह आपले अर्ज दि. 10 ऑक्टोबर 2022 पर्यंत जिल्हा सैनिक कल्याण कार्यालय , रायगड -...

  अलिबाग, दि.23 (जिमाका):- शैक्षणिक वर्ष 2021-2022 मध्ये इयत्ता 10 वी व 12 वी बोर्डाच्या परिक्षेत सर्वाधिक गुण प्राप्त करूण उत्तीर्ण झालेले माजी सैनिक विधवांच्या पाल्यांना एअर मार्शल व्ही. ए. पाटकर विशेष गौरव पुरस्कार प्रदान करून गौरविण्यात येणार आहे. हा पुरस्कार प्राप्त करण्यासाठी माजी सैनिक विधवांनी माजी सैनिक विधवेचा हस्तलिखित अर्ज, डी.डी. 40 फॉर्म, माजी सैनिक विधवा ओळखपत्र, एस.एस.सी/ एच.एस सी बोर्डाच्या प्रमाणपत्राची छायांकित प्रत, एस.एस.सी./एच.एस.सी. बोर्डाच्या गुण पत्रकाची छायांकित प्रत ही कागदपत्रे जिल्हा सैनिक कल्याण कार्यालय, रायगड-अलिबाग येथे दि.15 सप्टेंबर 2022 पूर्वी सादर करून या संधीचा लाभ घ्यावा, असे आवाहन निवासी उपजिल्हाधिकारी तथा जिल्हा सैनिक कल्याण अधिकारी रायगड-अलिबाग डॉ.पद्मश्री बैनाडे यांनी केले आहे. 00000

अलिबाग, दि.20 (जिमाका):- स्वातंत्र्याच्या अमृतमहोत्सवानिमित्त जिल्हाधिकारी डॉ.महेंद्र कल्याणकर यांच्या मार्गदर्शनाखाली, प्रांताधिकारी प्रशांत ढगे व तहसिलदार मीनल दळवी यांच्या पुढाकारातून अलिबाग तहसील कार्यालय, माणुसकी प्रतिष्ठान, लाईफ फाउंडेशन, वा.ग. रानडे हायस्कूल, थळ ग्रामपंचायत व थळ ग्रामस्थ यांच्या संयुक्त विद्यमाने थळ-चालमळा समुद्रकिनारा येथे स्वच्छता अभियान राबविण्यात आले. यावेळी नायब तहसिलदार अजित टोळकर यांनी स्वच्छतेबद्दल जागृत झाले पाहिजे व आपला परिसर स्वच्छ ठेवला पाहिजे, असे सांगितले.     माणुसकी प्रतिष्ठानचे अध्यक्ष डॉ.राजाराम हुलवान यांनी आरोग्य व स्वच्छतेचे महत्त्व सर्व शालेय विद्यार्थ्यांना सांगत आपला परिसर, आपली शाळा, आपले घर स्वच्छ ठेवून आपण स्वतः निरोगी कसे राहावे, याबद्दल मार्गदर्शन केले. या स्वच्छता अभियानात अंदाजे 85 स्वयंसेवकांनी सहभाग घेतला. उपस्थित स्वयंसेवकांना प्लॅस्टिक मुक्तीची व वृक्ष संवर्धनाची शपथ देण्यात आली. 00000

रायगड जिल्हा प्रशासनाच्या कामगिरीत मानाचा तुरा..! अलिबाग,दि.18 (जिमाका):- रायगड जिल्ह्यातील आदिवासी कातकरी बांधवांच्या प्रगतीसाठी मागील वर्षभरात कातकरी उत्थान अभियानांतर्गत “ सप्तसूत्री ” च्या माध्यमातून जिल्हाधिकारी डॉ.महेंद्र कल्याणकर यांनी राबविलेल्या उपक्रमाची SKOCH अवॉर्ड्स या राष्ट्रीय स्तरावरील संस्थेने जिल्हाधिकारी डॉ.कल्याणकर यांच्या उल्लेखनीय कार्याची दखल राष्ट्रीय स्तरावर या पुरस्काराच्या माध्यमातून घेतली आहे. SKOCH समूह हा 1997 पासून सर्वसमावेशक वाढीवर लक्ष केंद्रित करून सामाजिक-आर्थिक समस्या हाताळणारा भारतातील अग्रगण्य थिंक टँक आहे. SKOCH समूह धोरणात्मक निर्णयांमध्ये भारतीय समाज व्यवस्थेची गरज व त्यातील संदर्भ आणण्यासाठी सहकार्याची भूमिका बजावतो. त्यासोबतच फॉर्च्यून-500 कंपन्या, सरकारी मालकीचे उद्योग, शासनाशी विविध प्रकारे संलग्न आहे. यांच्याकडून देण्यात येणाऱ्या सेवांमध्ये क्षेत्रीय हस्तक्षेप, सल्लागार, संशोधन अहवाल, प्रभाव मूल्यांकन, धोरण संक्षिप्त, पुस्तके, जर्नल्स, कार्यशाळा आणि परिषदांचा समावेश आहे. SKOCH समूहाकडून शासन, वित्त, तंत्रज्ञान, अर्थशास्त्र आणि सामाजिक...

अलिबाग,दि.18 (जिमाका):- पनवेल औद्योगिक प्रशिक्षण संस्था या शासकीय शैक्षणिक संस्थेच्या आवारात शासनाने ठरवून दिलेल्या अटी व शर्तीच्या अधीन राहून महिला बचतगटाकडून उपहारगृह चालविण्यात यावेत, असे शासन निर्देश आहेत. यानुषंगाने नोंदणीकृत असलेल्या महिला आर्थिक विकास मंडळ व महिला बचतगटाच्या नोंदणीकृत असलेल्या संस्थांनी शासकीय औद्योगिक प्रशिक्षण संस्था पनवेल येथून बातमी प्रसिध्द झाल्यापासून 07 दिवसाच्या आत निविदा प्राप्त करून घ्याव्यात, असे आवाहन पनवेल औद्योगिक प्रशिक्षण संस्थेचे उपप्राचार्य व्ही.डी.टिकोले यांनी केले आहे. 00000

अलिबाग,दि.18 (जिमाका):- स्व.राजीव गांधी यांच्या जयंतीनिमित्त आज जिल्हाधिकारी कार्यालयात त्यांच्या प्रतिमेला उपजिल्हाधिकारी (निवडणूक) श्रीमती स्नेहा उबाळे   यांनी पुष्पहार अर्पण करून अभिवादन केले.   यावेळी तहसिलदार विशाल दौंडकर तसेच जिल्हाधिकारी कार्यालयातील इतर अधिकारी-कर्मचारी उपस्थित होते. 00000

अलिबाग,दि.18 (जिमाका): - जिल्हाधिकारी कार्यालयाच्या समिती सभागृहात सद्भावना दिवस संपन्न झाला. या निमित्ताने उपजिल्हाधिकारी (सा.प्र.) सर्जेराव मस्के-पाटील यांनी उपस्थितांना सद्भावना दिवस प्रतिज्ञा दिली. यावेळी उपजिल्हाधिकारी (निवडणूक) श्रीमती स्नेहा उबाळे, तहसिलदार विशाल दौंडकर तसेच जिल्हाधिकारी कार्यालयातील इतर अधिकारी-कर्मचारी उपस्थित होते. 00000