जिल्हा माहिती कार्यालय, रायगड-अलिबाग

  अलिबाग,दि.23 (जिमाका):-  केंद्र पुरस्कृत प्रधानमंत्री किसान सन्मान निधी (PM-KISAN) योजनेंतर्गत रायगड जिल्ह्यात एकूण 1 लाख 73 हजार 938 लाभार्थ्यांनी नोंदणी केली असून, त्यापैकी 1 लाख 43 हजार 223 लाभार्थ्यांची आधारकार्डची माहिती पी.एम.किसान पोर्टलवर नोंदविण्यात आली आहे. तरी सर्व नोंदणीकृत पात्र लाभार्थ्यांनी दि.31 जुलै 2022 अखेरपर्यंत ई-केवायसी (e-KYC) प्रमाणीकरण पूर्ण करावे, असे आवाहन जिल्हाधिकारी डॉ.महेंद्र कल्याणकर यांनी केले आहे. केंद्र शासनाकडील नवीन नियमानुसार पात्र लाभार्थ्यांचा पी.एम.किसान योजनेचा लाभ हा त्यांचे आधारकार्ड लिंक असलेल्या बँक खात्यातच जमा केला जाणार आहे. त्यामुळे नोंदणीकृत पात्र लाभार्थ्यांना पी.एम.किसान पोर्टलवर ई-केवायसी (e-KYC) प्रमाणीकरणाची प्रक्रिया बंधनकारक करण्यात आली असून शेतकऱ्यांना ई-केवायसी करण्यासाठी दि.31 जुलै 2022 पर्यंत वेळ वाढवून देण्यात आली आहे. अशा प्रकारे पूर्ण करा ई-केवायसी:- स्टेप 1-  मोबाईलवरून गूगल क्रोमवर  www.pmkisan.gov.in  टाईप करावे. त्यानंतर तुम्ही पी.एम.किसान पोर्टलवर जाल व तिथे तुम्हाला ई-केवायसी (e-KYC) असे लि...

कार्यक्रमात जिल्ह्यातील क्रीडा क्षेत्रातील उत्कृष्ठ खेळाडूंचा होणार सत्कार अलिबाग,दि.22 (जिमाका):-  जगभरात दि.23 जून हा दिवस  “ जागतिक ऑलिम्पिक दिन ”  म्हणून साजरा करण्यात येतो. त्या पार्श्वभूमीवर रायगड जिल्हा क्रीडा अधिकारी कार्यालयाद्वारे दि.23 जून 2022 रोजी सकाळी 10.00 वाजता जंजिरा हॉल, अलिबाग पोलीस मुख्यालय येथे जागतिक ऑलिम्पिक दिनानिमित्त विशेष कार्यक्रमाचे आयोजन करण्यात आले आहे. या कार्यक्रमात रायगड जिल्ह्यातील क्रीडा क्षेत्रातील उत्कृष्ठ खेळाडूंचा सत्कार जिल्हा पोलीस अधीक्षक अशोक दुधे यांच्या हस्ते करण्यात येणार आहे. 00000

  अलिबाग,दि.22 (जिमाका):-  भारतीय स्वातंत्र्याच्या अमृतमहोत्सावनिमित्त पंचायत समिती खालापूर व ग्रामपंचायत तांबाटी यांच्या संयुक्त विद्यमाने ग्रुप ग्रामपंचायत तांबाटी कार्यालयात महापंचायतराज कार्यक्रमाचे आयोजन करण्यात आले होते. या अभियानाप्रसंगी वारस नोंदी, पती-पत्नी यांची संयुक्तपणे घरांना नावे लावणे, जॉब कार्ड काढणे, ई-श्रम कार्ड काढणे, प्रधानमंत्री श्रमयोगी मानधन योजना नोंद करणे हे उपक्रम राबविण्यात आले. याप्रसंगी ग्रुप ग्रामपंचायत तांबाटी हद्दीतील ग्रामस्थ उपस्थित होते. 00000

  अलिबाग,दि.21 (जिमाका):-   रायगड जिल्ह्यात गेल्या 24 तासात सरासरी 34.12 मि.मी इतक्या पावसाची नोंद झाली आहे. तसेच दि.1 जून पासून आज अखेर एकूण सरासरी 545.97  मि.मी. पर्जन्यमानाची नोंद झाली आहे.      आज सकाळी प्राप्त दैनंदिन पर्जन्यमान अहवालानुसार तालुकानिहाय पावसाची नोंद पुढीलप्रमाणे-       अलिबाग- 51.00 मि.मी., पेण-56.00 मि.मी., मुरुड- 30.00 मि.मी., पनवेल- 12.20 मि.मी., उरण-17.00 मि.मी., कर्जत- 10.80 मि.मी., खालापूर- 34.00 मि.मी., माणगाव- 32.00 मि.मी., रोहा- 22.00 मि.मी., सुधागड-49.97 मि.मी., तळा-40.00 मि.मी., महाड-40.00 मि.मी., पोलादपूर- 13.00 मि.मी, म्हसळा-71.00 मि.मी., श्रीवर्धन- 52.00 मि.मी., माथेरान- 15.00 मि.मी.असे आजचे एकूण पर्जन्यमान 545.97 मि.मी. इतके आहे. त्याची सरासरी 34.12 मि.मी. इतकी आहे. एकूण सरासरी   पर्जन्यमानाची टक्केवारी 4.65 टक्के इतकी आहे. 00000

  अलिबाग,दि.21(जिमाका):-  आपल्या पूर्वजांनी योगसाधना ही दिलेली अमूल्य देणगी असून शारिरीक आणि मानसिक आरोग्यासाठी नियमितपणे योग आणि प्राणायाम करावे, ही देणगी आपल्या सर्वांच्या आरोग्यासाठी सर्वोत्कृष्ट आहे, असे प्रतिपादन रायगड जिल्हा पोलीस अधीक्षक श्री.अशोक दुधे यांनी आज येथे केले. माहिती आणि प्रसारण मंत्रालयाच्या अहमदनगर येथील केंद्रीय लोकसंपर्क ब्युरो, रायगड जिल्हा प्रशासन, जिल्हा पोलीस अधीक्षक कार्यालय, जिल्हा क्रीडा अधिकारी कार्यालय, नेहरू युवा केंद्र आणि प्रिझम सामाजिक विकास संस्था यांच्या संयुक्त विद्यमाने अलिबाग येथील पोलीस कवायत मैदान येथे आंतरराष्ट्रीय योग दिनानिमित्त योग अभ्यास आणि योग प्रात्यक्षिके या विशेष प्रचार कार्यक्रमाचे आयोजन करण्यात आले होते, त्यावेळी श्री.दुधे बोलत होते. यावेळी अपर जिल्हाधिकारी अमोल यादव, अपर पोलीस अधीक्षक अतूल झेंडे, जिल्हा क्रीडा अधिकारी रविंद्र नाईक, क्षेत्रीय प्रचार अधिकारी माधव जायभाये, सहाय्यक प्रचार अधिकारी फणीकुमार, प्रिझम सामाजिक विकास संस्थेच्या तपस्वी गोंधळी, स्पर्धा विश्व ॲकॅडमीच्या सुचित्रा साळवी, नेहरू युवा केंद्राचे जिल्हा युवा ...

    अलिबाग,दि.20(जिमाका):- जिल्ह्यामधील आपत्कालीन परिस्थितीमध्ये मदत करणाऱ्या सामाजिक संस्थांचे स्वयंसेवक व शासकीय अधिकारी-कर्मचारी यांचे 60 जणांचे तिसरे पथक मधुसूदन दास अकॅडमी ऑफ फायनान्शियल मॅनेजमेंट, भुवनेश्वर, ओरिसा येथे प्रशिक्षणाकरिता आज रवाना झाले. जिल्ह्यातील नैसर्गिक व भौगोलिक परिस्थिती पाहता या प्रशिक्षणाचे महत्त्व जाणून भुवनेश्वर येथील आपत्ती व्यवस्थापन प्रशिक्षणाकरिता जिल्ह्यातील स्वयंसेवक व शासकीय अधिकारी कर्मचारी पाठवावेत, असा महत्वाचा निर्णय जिल्हाधिकारी डॉ.महेंद्र कल्याणकर यांनी घेतला. यापूर्वी स्वयंसेवक, अधिकारी-कर्मचाऱ्यांच्या 50-50 च्या एकूण दोन बॅचचे प्रशिक्षण पूर्ण झाले असून आता ही तिसरी बॅच पाठविण्यात आली आहे. या प्रशिक्षणाचा लाभ येणाऱ्या मान्सून कालावधीमध्ये आपत्कालीन परिस्थिती उद्भवल्यास होणार असल्याचे जिल्हा प्रशासनाद्वारे स्पष्ट करण्यात आले आहे. 00000

            अलिबाग,दि.20 (जिमाका) :- महाराजस्व अभियानांतर्गत खालापूर तहसिल कार्यालयामार्फत   2022-23 या शैक्षणिक वर्षात सर्वसामान्य जनतेस शैक्षणिक व अन्य कामाकरिता आवश्यक असणाऱ्या विविध स्वरुपाचे दाखले व प्रमाणपत्रे मिळवून देण्यासाठी जनतेच्या सोईच्या दृष्टीने तालुक्यातील मध्यवर्ती ठिकाणी विशेष शिबिरे आयोजित करण्यात येणार आहेत.             त्यानुसार खालापूर तालुक्यातील नागरिकांना   त्यांच्याशी संबंधित दाखले मिळविण्यासाठी आवश्यक   कागदपत्रांसहित तहसील कार्यालयात अर्ज दाखल करता येतील.          नियोजित शिबिराची ठिकाणे व   मंडळाचे नाव पुढीलप्रमाणे :- मंडळ अधिकारी, चौक दि.22 जून 2022   रोजी चौक, दि.29 जून 2022   रोजी, वासांबे, दि.06 जुलै 2022   रोजी, टेंभरी आदिवासीवाडी वेळ-सकाळी 10.00   वा. ते सांय. 5.00वा.   पर्यंत. मंडळ अधिकारी, खोपोली दि.23 जून 2022   रोजी, खालापूर, दि.30 जून 2022   रोजी, खोपोली, दि.07 जुलै 2022 ...