विधानसभा सार्वत्रिक निवडणूक 2019 निवडणूक पूर्व तयारी आढावा बैठक संपन्न
अलिबाग दि.16
सप्टेंबर-
विधानसभा सार्वत्रिक निवडणूक 2019 च्या अनुषंगाने निवडणूक पूर्व तयारी आढावा बैठक
जिल्हाधिकारी डॉ.विजय सूर्यवंशी यांच्या अध्यक्षतेखाली जिल्हाधिकारी कार्यालयाच्या
राजस्व सभागृहात संपन्न झाली. यावेळी जिल्हा पोलीस अधिक्षक अनिल पारस्कर, अपर
जिल्हाधिकारी भरत शितोळे, उपजिल्हा निवडणूक अधिकारी वैशाली माने, उपजिल्हाधिकारी
रोहयो रविंद्र मठपती आदि उपस्थित होते.
यावेळी जिल्हाधिकारी डॉ.सूर्यवंशी यांनी रायगड जिल्ह्यातील 7
विधानसभा निहाय आढावा घेतला. यावेळी मतदार यादी
अद्यावतीकरण तसेच निवडणूक पूर्वतयारी व ईव्हीएम, व्हीव्हीपॅट यंत्राबाबत केली जात असलेली
जनजागृती याबाबत आढावा घेण्यात आला. निवडणूक विषयक कामे यंत्रणेने दक्षता ठेवून व विहित
कालमर्यादेत पूर्ण करावीत, जिल्ह्यातील निवडणूक शांततेच्या व निर्भय वातावरणात पार
पाडण्यासाठी आचारसंहितेची काटेकोर अंमलबजावणी तसेच मतदारांमध्ये जनजागृतीवर भर देण्यात
यावा असे निर्देश जिल्हाधिकारी डॉ. सूर्यवंशी यांनी दिले.
यावेळी जिल्ह्यातील
सर्व उप विभागीय अधिकारी, तहसिलदार, सर्व समिती प्रमुख, पोलीस अधिकारी उपस्थित होते.
00000
Comments
Post a Comment