ईव्हीएम व व्हीव्हीपॅट मशिनबाबत जनजागृती

अलिबाग, जि. रायगड (जिमाका) दि.17:- आगामी विधानसभा निवडणुकीसाठी ईव्हीएम (इलेक्ट्रॉनिक मतदान यंत्र) व व्हीव्हीपॅट (VVPAT: Voter Verified Paper Audit Trail) मशीन वापरण्याचे भारत निवडणूक आयोगाचे निर्देश असून  या मशिन वापराबाबत व त्या संदर्भातील शंकांचे निरसन व्हावे म्हणून  जिल्ह्यात जनजागृती व प्रात्यक्षिक कार्यक्रम राबविण्यात येत आहे. तरी या कार्यक्रमात जिल्ह्यातील सर्व मतदारांनी सहभागी व्हावे व आपल्या मनातील शंकांचे निरसन करुन घ्यावे, असे आवाहन जिल्हाधिकारी डॉ. विजय सूर्यवंशी यांनी केले.

या संदर्भात अलिबाग एस.टी. स्टँडच्या आवारात जनजागृती कार्यक्रम घेण्यात आला. यावेळी नव मतदारांना   मतदान यंत्राचा मतदानासाठी वापर त्यासोबत असणाऱ्या व्हीव्हीपॅट यंत्राचा उपयोग याबाबत प्रत्यक्ष प्रात्यक्षिके करुन दाखविण्यात आली व त्याची  माहिती दिली . प्रत्येक विधानसभा मतदारसंघ निहाय हा जनजागृती कार्यक्रम राबविण्यात येणार आहे. मतदान केंद्र, गर्दीची ठिकाणे, बाजार आदी ठिकाणी हे जनजागृती पथकाकडून नागरिकांना ईव्हीएम, व्हीव्हीपॅट याबाबत माहिती देण्यात देईल. 

  यावेळी उपजिल्हाधिकारी निवडणूक श्रीम.वैशाली माने, अलिबाग तहसिदार सचिन सेजाल  व नागरिक  उपस्थित होते.

00000