रोहा तालुक्यातील मौजे बिरवाडी Containment Zone (करोना विषाणू बाधित क्षेत्र) म्हणून घोषित

अलिबाग,जि.रायगड, दि.04 (जिमाका) : जिल्ह्यातील रोहा तालुक्यातील मौजे बिरवाडी येथे एक व्यक्ती करोना विषाणू बाधित आढळून आल्याने या हद्दीतील करोना बाधित रुग्ण राहात असलेल्या मौजे बिरवाडी, ता.रोहा येथील रमेश परशुराम अहिरे यांच्या घराच्या दक्षिणेकडील बाळाराम लक्ष्मण खेरटकर व काशिनाथ हरी अहिरे यांच्या घरापासून ते उत्तरेकडील परशुराम बाळू अहिरे ते दत्ताराम जानू ठमके यांच्या घरापर्यंतचे क्षेत्र करोना विषाणूचा प्रादूर्भाव टाळण्यासाठी पुढील 28 दिवस Containment Zone (करोना विषाणू बाधित क्षेत्र) म्हणून घोषित करण्यात आले आहे.

या परिसरात राहणाऱ्या नागरिकांना घरातून बाहेर पडण्यास व अन्य ठिकाणी स्थलांतरित होण्यास तसेच बाहेरून येणाऱ्या लोकांना या बाधित क्षेत्रात प्रवेश करण्यास जिल्हादंडाधिकारी तथा अध्यक्ष, आपत्ती व्यवस्थापन प्राधिकरण, रायगड  श्रीमती निधी चौधरी यांनी प्रतिबंध आदेश लागू केले आहेत.  

या आदेशाचे उल्लंघन करणाऱ्यांवर आपत्ती व्यवस्थापन अधिनियम 2005 कलम 51 व तसेच महाराष्ट्र पोलीस अधिनियम 1951 चे कलम 71, 139 तसचे भारतीय दंड संहिता (45 ऑफ 1860) च्या कलम 188 अन्वये कारवाई करण्यात येईल, असे अध्यक्ष आपत्ती व्यवस्थापन प्राधिकरण रायगड तथा जिल्हाधिकारी श्रीमती निधी चौधरी यांनी कळविले आहे.

0000