महाड तालुक्यातील नवीन प्राथमिक आरोग्य उपकेंद्र,दाभोळसाठी मौजे दाभोळ येथील शासकीय जागा हस्तांतरित

अलिबाग, जि.रायगड दि.28 (जिमाका):- महाड तालुक्यातील नवीन प्राथमिक आरोग्य उपकेंद्र, दाभोळ (पाटीलवाडी) इमारतीच्या बांधकामासाठी जमिनीची मागणी होती. याबाबत पालकमंत्री आदिती तटकरे यांनी व्यक्तिशः लक्ष घालून संबंधितांना आवश्यक ती कार्यवाही करण्याचे निर्देश दिले होते.

              या पार्श्वभूमीवर मौजे दाभोळ ता.महाड येथील गावठाण क्षेत्र 9-93-00 हे. आर. या मिळकती पैकी क्षेत्र 0-04- 41 हे.आर. ही जमीन ग्रामपंचायत दाभोळ यांच्याकडून शासनाकडे पुर्नग्रहण करुन जमीन महसूल मुक्त व सारामाफीने ही जागा नवीन प्राथमिक आरोग्य उपकेंद्र, दाभोळ (पाटीलवाडी) करिता पालकमंत्री कु.आदिती तटकरे यांच्या निर्देशानुसार हस्तांतरीत करण्याचे आदेश जिल्हाधिकारी निधी चौधरी यांनी जारी केले आहेत.

             महाड तालुक्यातील ग्रामीण भागातील जनतेला आरोग्य सुविधा मिळण्याच्या दृष्टीने ही बाब महत्वाची आहे. 

000000