जिल्हा माहिती कार्यालय, रायगड-अलिबाग

              अलिबाग, जि. रायगड, दि.27(जिमाका)- कोणत्याही सार्वजनिक ठिकाणी खुलेआम धूम्रपान करणे कायद्याने गुन्हा   आहे. धूम्रपान   करणाऱ्या व्यक्तीचा स्वतःच्या आरोग्यावर   मोठा परिणाम होतोच , पण त्याच्या जवळपास असणाऱ्या निर्व्यसनी निर्दोष लोकांच्या आरोग्यावरही त्याच्या धूम्रपानाचा परिणाम होतो. दुर्दैवाने युवकांमध्ये तंबाखूजन्य पदार्थांच्या सेवनाचे प्रमाण सर्वाधिक आहे.    हे प्रमाण रोखण्यासाठी सिगारेट-तंबाखूजन्य पदार्थ विक्री कायदा-2003 (कोटपा) ची कडक   अंमलबजावणी करा, असे निर्देश जिल्हा पोलीस अधिक्षक अनिल पारस्कर, यांनी दिले.             सार्वजनिक ठिकाणी , शाळा परिसरात खुलेआम सिगारेट फुंकणाऱ्यावर , तसेच   तंबाखूजन्य पदार्थांच्या विक्रीवर लगाम घालणाऱ्या   सिगारेट-तंबाखूजन्य पदार्थ विक्री कायदा-2003(कोटपा) च्या अमंलबजावणी संदर्भात रायगड   पोलीस अधिक्षक कार्यालयात सोमवारी (दि.२६) पोलीस अधिकाऱ्यांसाठी एका खास प्रशिक्ष...

        अलिबाग, जि. रायगड, दि.27 (जिमाका)- रायगड जिल्हा कृषि महोत्सवाची काल (दि.26) यशस्वी सांगता झाली. गेल्या पाच दिवस चाललेल्या या महोत्सवात   तब्बल चाळीस हजारांहून अधिक लोकांनी भेट दिली तर 2 कोटी 32 लाख रुपयांच्या शेतमालाची विक्री झाली, अशी माहिती आयोजकांतर्फे प्रकल्प संचालक (आत्मा) एम.एस.डावरे यांनी दिली. जिल्हा कृषि महोत्सवास गुरुवार दि.22 पासून प्रारंभ झाला होता. जिल्ह्याचे पालकमंत्री ना. रविंद्र चव्हाण यांच्या हस्ते या महोत्सवाचा शुभारंभ करण्यात आला. पहिल्या दिवसापासूनच या महोत्सवास भेट देणाऱ्या नागरिकांची आणि शेतकऱ्यांची गर्दी होत होती. या महोस्तवाचा समारोप काल (दि.26) करण्यात आला. समारोपीय समारंभास आर.सी.एफ.चे जिल्हा मार्केटींग अधिकारी वराडकर, प्रकल्प संचालक (आत्मा) एम.एस. डावरे, सहाय्यक प्रकल्प अधिकारी, ग्रामीण विकास यंत्रणा रामदास बघे, कृषि अधिकारी, जि.प. रायगड मार्कड, हे उपस्थित होते.             प्रास्ताविकात एम.एस. डावरे यांनी माहिती दिली की, कृषि महोत्सवाच्या कालावधीमध...

            सद्याच्या डिजिटल युगामध्ये सायबर क्राईमचे प्रमाण वाढत आहे. नेटवर्किंगच्या वाढत्या वापरामुळे सायबर गुन्हे हे आपल्या वैयक्तिक आयुष्यापर्यंत पोहोचले आहेत. दिवसेंदिवस सायबर गुन्हेगारी वाढत आहे. त्याला बळी पडणा-या नागरिकांची संख्याही वाढत आहे.   या गुन्ह्यांची शोध घेणारी यंत्रणा पोलीसांनी प्रभावीपणे कार्यान्वित केली आहे. महाराष्ट्रातील सर्वांत मोठी सायबर लॅब ठाणे शहर आयुक्ताच्या कार्यालयात सुरु करण्यात आली आहे. सोशल मिडीया संबंधित गुन्हे - आपले फोटो, पासवर्ड, फोन नंबर व कुटूंबाची माहिती या सारख्या व्यक्तीगत गोष्टी सोशल मिडीयावर शेअर करू नका. सोशल मिडीयावर ओळख झालेल्या अनोळखी व्यक्तीला प्रत्यक्षात एकटे व अज्ञात ठिकाणी भेटू नका. सोशल मिडीयावर आक्षेपार्ह, भडकावू संदेश पाठवू नका. त्याचप्रमाणे अश्लील चित्रे/चित्रफिती पाठवू नका. हा कायद्याने गुन्हा आहे. इंटरनेटवरून पायरेटेड चित्रपट, गाणी, गेम्स आणि व्हिडीओ डाऊनलोड करू नका. नेट बँकिंग व ई-मेलचे पासवर्ड वरचेवर बदलत रहा. आपला पासवर्ड किमान 8 अक्षरांचा असावा ज्यात इंग्रजी...

अलिबाग,जि. रायगड (जिमाका) दि.26 - महाराष्ट्र जमिन महसूल संहिता,1966 च्या विविध कलमांच्या प्रयोजनार्थ आकार, दंड, शास्ती,फी च्या रकमां विहीत करण्याकरिता प्रारुप नियमांची   अधिसूचना शासन राजपत्राच्या असाधारण भाग चार-ब मध्ये सोमवार दि.1 जानेवारी 2018 रोजी प्रसिद्ध झालेले आहे. या अधिसूचनेबाबत काही सूचना, हरकती असल्यास त्या शासनाकडे सादर करण्यासाठी महसूल शाखा,(संकलन अ-4),जिल्हाधिकारी कार्यालय, रायगड अलिबाग येथे गुरुवार दि. 5 एप्रिल 2018 पर्यंत सादर कराव्यात. त्यानंतर प्राप्त होणाऱ्या कोणत्याही प्रकारच्या सूचना,हरकती विचारात घेतल्या जाणार नाहीत. असे जिल्हाधिकारी रायगड अलिबाग यांनी कळविले आहे. 0000

                                                                                                  अलिबाग,जि. रायगड, (जिमाका)दि.25- कृषि महोत्सवात सगुणा तंत्रज्ञान व मत्स्यशेतीच्या परिसंवादास शेतकऱ्यांनी उस्फूर्त प्रतिसाद दिला. या परिसंवाद कार्यक्रमात प्रगतशील शेतकरी चंद्रशेखर भडसावळे, शास्त्रज्ञ के.व्ही.के.रोहा डॉ.विवेक वर्तक, जलमित्र पुरस्कार विजेते संतोष पेरेणे,   दूरदर्शनचे निवृत्ती संचालक शिवाजी फुलसुंदर, आकाशवणी मुंबईचे संतोष जाधव, प्रकल्प संचालक (आत्मा) एम.एस.डावरे, विजकुमार खाडे, सहाय्यक ...

      अलिबाग,जि. रायगड, (जिमाका)दि.23- जिल्ह्यातील ग्राहकांसाठी आज पुरवठा शाखेतर्फे आयोजित ग्राहक शिबिरात ग्राहकांच्या हक्कांविषयी तज्ज्ञ मार्गदर्शकांकडून मार्गदर्शन करण्यात आले.         येथील जिल्हाधिकारी कार्यालय रायगड आणि भारतीय ग्राहक मार्गदर्शन संस्था, मुंबई यांच्या संयुक्त विद्यमाने आज जिल्ह्यातील ग्राहकांसाठी कर्नाळा सभागृह, पोलिस कवायत मैदान   येथे ग्राहक मार्गदर्शन शिबिर आयोजित करण्यात आले.        यावेळी भारतीय ग्राहक मार्गदर्शन संस्थेचे सचिव डॉ. एम.एस. कामत यांनी तसेच संतोष आढाव, श्रीमती तृप्ती राऊळ,   विक्रांत जिंदाल यांनी मार्गदर्शन केले. जिल्हा पुरवठा अधिकारी एल.एम. दुफारे हे यावेळी उपस्थित होते. यावेळी ग्राहकांना प्रत्येक खरेदीच्या वेळी जागरुक राहण्याविषयी   तसेच संभाव्य फसवणूकीबाबत मार्गदर्शन करण्यात आले. हक्क व नुकसान भरपाईबाबत टोल फ्री क्रमांक 1800222262 वर संपर्क करण्याबाबत सांगण्यात आले.   तसेच विविध प्रकारच्या गुंतवणूक, म्युच्युअल फंड, पोस्ट, जमिन , ए...