जिल्हा माहिती कार्यालय, रायगड-अलिबाग

अलिबाग,जि. रायगड,(जिमाका)दि.15- मार्च 2018 अखेरीस देयके सादर करण्यासंदर्भात    सुसूत्रता यावी व बिम्स या संगणकीय प्रणाली व ट्रेझरी नेट प्रणाली   सुस्थापित रहावी यासाठी   प्रशासनाने सज्जता केली आहे. यासंदर्भात शासनाच्या वित्त विभागाने परिपत्रकाद्वारे सुचना निर्गमित केल्या असून सर्व विभागांनी त्यांचे पालन करुन देयके विहित मुदतीत सादर करावे, असे आवाहन जिल्हा कोषागार अधिकारी फिरोज ई मुल्ला यांनी केले आहे.   यासंदर्भात परिपत्रकान्वये सुचना जारी करण्यात आल्या आहेत की,   विविध विभागांनी त्यांच्याकडे उपलब्ध अनुदानानुसार प्रवास भत्ता देयके, आस्थापना विषयक पुरवणी देयके, वैद्यकीय खर्च प्रतिपूर्ती देयके   ही 23 मार्च पर्यंतच सादर करावयाची आहेत.   सुधारीत अंदाजपत्रक व पुरवणी मागण्यांद्वारे   प्राप्त अनुदानाची देयके   ही वर्षाअखेरीस उपकोषागार कार्यालयात सादर न करता शक्यतो जिल्हा कोषागार कार्यालयात   सादर करावे. उपकोषागार कार्यालयात दि.31 मार्च रोजी सायं. सहा वाजेनंतर देयके स्विकारली जाणार नाहीत. सायं. सहा नंतर जिल्हा कोषागार कार्यालयात देयक...

अलिबाग,जि. रायगड,(जिमाका)दि.15- राष्ट्रीय लोकअदालतीचे शनिवार दि. 14 एप्रिल रोजी रायगड जिल्ह्यात सर्व न्यायालयामध्ये आयोजन करण्यात आले होते. या लोकअदालतीमधून जिल्ह्यातून जास्तीत जास्त प्रकरणे निकाली काढण्याच्या दृष्टीने या लोकअदालतीचे आयोजन करण्यात आले आहे. या लोकअदालतीमध्ये न्यायालयात प्रलंबित असलेली भूसंपादन प्रकरणे,मोटार अपघात प्रकरणे,दिवाणी प्रकरणे 138 एन.आय ॲक्ट् खालील प्रकरणे,दिवाणी अपिले, तडजोडपात्र फौजदारी प्रकरणे व अपिले ठेवली जाणार आहेत. तसेच विज वितरण विभाग, नगरपालिका,ग्रामपंचायत, भारत दूर संचार निगम यांच्या पाणीबिलाच्या देयकाबाबतची वादपूर्व प्रकरणे सदर लोकअदालतीध्ये ठेवली जाणार आहेत. याबरोबरच राष्ट्रीयकृत बँका आणि पतसंस्था यांचेकडील थकबागीबाबत वादपूर्व प्रकरणे तडजोडीसाठी ठेवण्यात येणार आहेत. या लोकन्यायालयात प्रकरणे तडजोडीने निकाली केल्यास लोकांचा पैसा आणि वेळ यांचा अपव्यय होत नाही. पक्षकारांना तात्काळ न्याय मिळतो तसेच जास्तीत जास्त् प्रकरणे तडजोडीने निकाली काढण्यासाठी सहकार्य करावे तसेच   या लोकअदालतीचा जास्तीत जास्त् लोकांनी लाभ घ्यावा असे आवाहन प्रमुख जिल्...

अलिबाग,जि. रायगड,(जिमाका)दि.15- साहित्यरत्न् लोकशाहीर अण्णाभाऊ साठे स्मारक समितीचे   उपाध्यक्ष तथा सदस्य् सचिव ना.मधुकरराव कांबळे राज्यमंत्री दर्जा मंत्री हे शुक्रवार दि.16   रोजी जिल्हा दौऱ्यावर आलेले असून त्यांचा सविस्तर दौरा कार्यक्रम पुढीलप्रमाणे. शुक्रवार दि.16 रोजी दुपारी एक वाजता अलिबाग येथून शासकीय वाहनाने मुरुडकडे प्रयाण. दुपारी दिड वाजता शासकीय विश्रामगृह मुरुड, जि. रायगड येथे आगमन.दुपारी दोन वाजता शासकीय विश्रामगृह मुरुड येथे कार्यकर्त्यांसमवेत बैठक व चर्चा.दुपारी चार वाजता शासकीय वाहनाने मुरुड येथून अलिबागकडे प्रयाण.दुपारी साडेचार वाजता अलिबाग शासकीय विश्रामगृह येथे आगमन, मुक्काम (वेळ राखीव).शनिवार दि.17 मार्च रोजी सकाळी आठ वाजता अलिबाग येथून शासकीय वाहनाने पुण्याकडे प्रयाण. 0000

अलिबाग, जि. रायगड, दि.15 (जिमाका)- अरबी समुद्रात दक्षीण्पूर्व दिशेला कमी दाबाचा पट्टा तयार झाला असून तो उत्तरेकडे अतिवेगाने वाटचाल करीत आहे. त्यामुळे येत्या 24 तासात समुद्र खवळलेला असल्याने   किनारपट्टीवरील मच्छिमारांनी समुद्रात जाऊ नये असा इशारा   भारतीय हवामान खात्याने दिला आहे. अशी माहिती जिल्हा आपत्ती व्यवस्थापन कक्षाने दिली आहे. ०००००

अलिबाग, जि. रायगड, दि.15 (जिमाका)- सध्या अलिबाग येथे राबविण्यात येत असलेली पोलीस भरती प्रक्रिया   ही जिल्हा पोलीस दलाने आधुनिक तंत्राचा वापर करुन अधिकाधिक पारदर्शक केली आहे. त्यामुळे संभाव्य गैरप्रकारांना आपोआप आळा बसेल, असा पोलीस दलाला विश्वास आहे. रायगड जिल्हा पोलीस दलासाठी सध्या भरती प्रक्रिया राबविण्यात येत आहे. या भरतीत 109 पदे भरली जाणार आहेत. त्यात 76 पुरुष व 33 महिला पोलीस भरती होणार आहेत. त्यासाठी   एकूण 12 हजार 55 जणांचे उमेदवारी अर्ज आले   आहेत. सोमवार दि.12 मार्च पासून सुरु झालेली ही भरती प्रक्रिया 21 मार्च रोजी संपणार आहे. त्यानुसार दररोज 1200   तर शेवटच्या दोन दिवसात 1500 उमेदवारांची चाचणी घेण्याचे नियोजन जिल्हा पोलीस दलाने केले आहे. भरती प्रक्रियेत शेवटच्या दिवशी माजी सैनिक आणि महिलांची चाचणी घेण्यात येणार आहे. यासाठी आवश्यक   शारिरीक चाचण्या पोलीस कवायत मैदानावर   पार पाडल्या जात आहेत. त्या प्रक्रियेसाठी दोन उपअधिक्षक, 30 सहाय्यक पोलीस निरीक्षक आणि 222   पोलीस कर्मचारी तैनात आहेत. शारिरीक चाचणीसाठी पहाटे पाच वाजेपासून प...