ऑलिंपिक व्हिजन कृती आराखडा:प्राविण्यता प्राप्त खेळाडुंना ऑनलाईन माहिती भरण्याचे आवाहन
अलिबाग,दि.5,(जिमाका)- आगामी काळात सन
2020,2024,2028 व 2032 वर्षात होणाऱ्या ऑलिपिंक स्पर्धेत राज्यातील खेळाडूंना
सहभागी होऊन प्राविण्य मिळविता यावे यासाठी क्रीडा विभागामार्फत राज्याचे 'ऑलिंपिक
व्हिजन कृती आराखडा' तयार करण्यात आला आहे.
या आराखड्याच्या अंमलबजावणीसाठी क्रीडा व युवक सेवा
संचालनालय महाराष्ट्र राज्य पुणे, यांचेवतीने राज्यातील जिल्हा निहाय प्राविण्य
प्राप्त सर्व गटातील खेळाडूंची वैयक्तिक व खेळाबाबत माहिती एकत्रित करण्यात येत आहे. ही माहिती भरण्यासाठी गुगल
फॉर्म तयार करण्यात आला आहे. हा गुगल फॉर्म (विहीत अर्ज नमुना) विभागाच्या http://education.maharashtra.gov.in या
संकेतस्थळावर http://goo.gl/C\GNcsBN या लिंकवर उपलब्ध करण्यात आला आहे.
सर्व गटातील प्राविण्यप्राप्त खेळाडू, पालक,शाळा,महाविद्यालय,संस्था,मंडळे
त्यांचे प्रशिक्षक यांनी शिक्षण विभागाच्या संकेतस्थळावर जाऊन ही माहिती भरुन त्याची एक प्रत व आपला
फोटो जिल्हा क्रीडा अधिकारी कार्यालय,
रायगड अलिबाग यांचेकडे सादर करण्यात यावी, असे आवाहन आयुक्त्,क्रीडा व युवक सेवा
संचालनालय, पुणे यांचेवतीने करण्यात आले आहे .
सन 2016-17 मधील सर्व गटाच्या खेळनिहाय, शालेय राष्ट्रीय
स्पर्धा,असोसिएशन राष्ट्रीय स्पर्धा,अखिल भारतीय विद्यापीठ क्रीडा स्पर्धा यातील
प्रथम,द्वितीय,तृतीय तसेच सहभाग असलेले खेळाडू यांची माहिती तसेच दिव्यांग
खेळाडूंनी (पॅरा गेम्स-राष्ट्रीय आंतरराष्ट्रीय)
आपली कामगिरी फॉर्म मध्ये देण्यात आलेल्या खेळ प्रकारानुसार माहिती भरावी.
खेळ प्रकार पुढीलप्रमाणे- ॲथलेटिक्स,ॲक्वेटिक,
सायकलिंग, ट्रायथलॉन, हॉकी, फुटबॉल, टेबल टेनिस, बॅडमिंटन, व्हॉलीबॉल, बास्केटबॉल,
हँडबॉल,धनुर्विद्या,जिम्नॅस्टीक, बॉक्सिंग, कुस्ती, वेटलिफ्टिंग, शुटींग, ज्युदो,कबड्डी,खो-खो,
तायक्वांदो,टेनिस, क्रिकेट, सॉफ्टबॉल,बुद्धिबळ, योगा, तलवारबाजी.
रायगड
जिल्ह्यातील खेळाडूंनी अधिक माहितीसाठी जिल्हा क्रीडा अधिकारी कार्यालय, रायगड अलिबाग
येथे संपर्क साधावा, असे आवाहन जिल्हा क्रीडा अधिकारी महादेव कसगावडे यांनी केले आहे.
Comments
Post a Comment