प्रादेशिक परिवहन कार्यालय पनवेल येथे वाहन लिलाव
वृत्त क्र.344 दिनांक:-23 जून 2017 प्रादेशिक परिवहन कार्यालय पनवेल येथे वाहन लिलाव अलिबाग,दि.23,(जिमाका):- प्रादेशिक परिवहन कार्यालय,पनवेल या कार्यालयात महाराष्ट्र कर कायदा 1958 तसेच मोटार वाहन कायदा 1988 मधील तरतूदी वापरुन वायुवेग पथकातील अधिकाऱ्यांनी वाहन अटकाव केलेली आहेत. अशी वाहन या कार्यालयासमोर असलेल्या जागेत अटकाव केलेल्या स्थितीत ठेवण्यात आली आहेत. वायुवेग पथकाने अटकावून ठेवलेल्या व थकित कर असलेल्या एकूण 30 वाहनांचा महाराष्ट्र जमीन महसूल अधिनियम 1966 मधील तरतूदी वापरुन प्रादेशिक परिवहन कार्यालय, पनवेल या ठिकाणी 30 जून 2017 रोजी दुपारी 12.30 वाजता जाहीर लिलाव करण्यात येणार आहे. लिलावाच्या अटी व शर्ती तसेच अनामत रक्कम याबाबतची माहिती कार्यालयात अभियोग कक्षात उपलब्ध आहे. तरी इच्छुकांनी लिलावात भाग घ्यावा. असे आवाहन प्रादेशिक परिवहन कार्यालय, पनवेल यांनी केले आहे. 000000