आंबा मोहोर संरक्षणासाठी 'हॉर्टसॅप' :वेळापत्रकानुसार फवारणी करण्याचे आवाहन

          अलिबाग,जि. रायगड (जिमाका) दि.16:- कोकणातील आंबा हे महत्त्वाचे फळ पिक.  या पिकावर सध्या  हवामानातील बदलांमुळे किड रोगांची शक्यता लक्षात घेता आंबा पिक सर्वेक्षण व सल्ला प्रकल्प अर्थात 'हॉर्ट सॅप'  राबविण्यात येत आहे.  या प्रकल्पामार्फत प्राप्त सुचनांनुसार शेतकऱ्यांसाठी आंबा पिक फवारणीसाठी वेळापत्रक दिले असून त्यानुसार दिलेल्या औषधांची फवारणी करावी, असे आवाहन उपविभागीय कृषि अधिकाऱ्यांनी केले आहे.

महाराष्ट्र शासन कृषि विभागामार्फत 1 डिसेंबर पासून आंबा पिक सर्वेक्षण व सल्ला प्रकल्पाद्वारे नियमित निरिक्षणे घेऊन किड व रोगाच्या नियंत्रणासाठी सल्ला देण्याचे काम करण्यात येत आहे. दिवसेंदिवस हवामानामध्ये होणार अचानक बदल ह्यामुळे आंबा बागायतदारांचे मोठे नुकसान होण्याची शक्यता आहे. ढगाळ वातावरण व कोंदट हवामान राहिल्यास आंबा पिकावरील तुडतुडे किडीचा प्रार्दुभाव मोठ्या प्रमाणात वाढ होत असते.मोहोरावरील तुडतुडे मोहोरातील कोवळ्या फळातील रस शोषून घेतात. त्यामुळे मोहोर गळून पडतात. याशिवाय तुडतुडे मधासारखा चिकट पदार्थ शरीरावाटे बाहेर टाकतात ह्याला स्थानिक भाषेत चिकट्या किंवा गोड्या असे देखील म्हणतात. पानावर काळी बुरशी वाढते, त्यामुळे झाडे,फळे काळी पडतात.

किटकनाशक फवारणीचे सुधारीत वेळापत्रक याप्रमाणे-

पालवी मोहोर येण्यापूर्वी- डेल्टरामेथ्रीन 2.8 टक्के प्रवाहीकरिता 9 मि.ली. किंवा मोनोक्रोटोफॅस 36 टक्के प्रवाही साठी 15 मिली.फवारणी केल्यामुळे पावसाळयानंतर कोवळ्या फुटीवर येणाऱ्या तुडतुडयांपासून संरक्षण होतो.

दुसरी फवारणी (बोंगे फुटतांना) –लॅम्बडा सायलोथ्रीन 5टक्के 6मि.ली. या फवारणीमध्ये भूरी रोगांच्या नियंत्रणासाठी प्राध्यान्याने 5 टक्के हेक्झाकोनॅझोल 5 मि.ली. किंवा पाण्यात विरघळणारे गंधक(80टक्के)20ग्रॅम तसेच ढगाळ व पावसाळी वातावरण असल्यास करपा रोगाच्या नियंत्रणासाठी कार्बेन्डेझिम 12 टक्के +मेन्कोझोब  टक्के 10 ग्रॅम प्रति 10 लीटर पाण्यात मिसळून वापरावे.

तिसरी फवारणी (दुसऱ्या फवारणी नंतर मोहोर फुलण्यापूर्वी दोन आठवड्यांनी )-इमिडाक्लोप्रिड 17.80 टक्के -3 मि.ली. फवारणी तिसऱ्या व चौथ्या तसेच पाचव्या फवारणीच्या वेळेस किटकनाशकाच्या द्रावणामध्ये भूरी रोगाच्या नियंत्रणासाठी 5टक्के हेक्झाकोनॅझोल 5 मि.ली. किंवा पाण्यात विरघळणारे गंधक(80टक्के)20ग्रॅम तसेच ढगाळ व पावसाठी वातावरण असल्यास करपा रोगाच्या नियंत्रणासाठी कार्बेन्डेझिम 12 टक्के +मॅन्कोझोब 63 टक्के 10 ग्रॅम प्रति 10 लीटर पाण्यात मिसळून वापरावे.

चौथी फवारणी (तिसऱ्या फवारणी नंतर दोन आठवड्यांनी) -थायोमेथाक्झाम 25 टक्के (WDG)2.0 ग्रॅम ते 10 मि.ली. फवारणी तिसऱ्या व चौथ्या तसेच पाचव्या फवारणीच्या वेळेस किटकनाशकाच्या द्रावणामध्ये भूरी रोगाच्या नियंत्रणासाठी 5टक्के हेक्झाकोनॅझोल 5 मि.ली. किंवा पाण्यात विरघळणारे गंधक(80टक्के)20ग्रॅम तसेच ढगाळ व पावसाठी वातावरण असल्यास करपा रोगाच्या नियंत्रणासाठी कार्बेन्डेझिम 12 टक्के +मॅन्कोझोब 63 टक्के 10 ग्रॅम प्रति 10 लीटर पाण्यात मिसळून वापरावे.

पाचवी फवारणी (चौथी फवारणी नंतर दोन आठवड्यांनी)- डायमेथोएट 30 टक्के प्रवाही 10 मि.ली व लॅम्डासायलोथ्रीन 5 टक्के -6 मि.ली. फवारणी तिसऱ्या व चौथ्या तसेच पाचव्या फवारणीच्या वेळेस किटकनाशकाच्या द्रावणामध्ये भूरी रोगाच्या नियंत्रणासाठी 5टक्के हेक्झाकोनॅझोल 5 मि.ली. किंवा पाण्यात विरघळणारे गंधक(80टक्के)20ग्रॅम तसेच ढगाळ व पावसाठी वातावरण असल्यास करपा रोगाच्या नियंत्रणासाठी कार्बेन्डेझिम 12 टक्के +मॅन्कोझोब 63 टक्के 10 ग्रॅम प्रति 10 लीटर पाण्यात मिसळून वापरावे.

सहावी फवारणी (पाचव्या फवारणी नंतर गरज असल्यास दोन आठवड्यांनी) - पाचव्या फवारणीमध्ये सुचविलेल्या किटकनाशापैकी न वापरलेल्या किटकनाशकाची फवारणी करावी. गरज असल्यास फवारणी करावी.

तरी तुडतुडे व भुरी यांच्या नियंत्रणासाठी सुधारीत वेळापत्रकानुसार औषधे फवारावीत तसेच या व्यतिरिक्त्‍ कोणत्याही नवीन मिश्रणाची फवारणी करणे आपल्या जीवाला तसेच फळांच्या उत्पादनास व प्रतीस धोक्याचे ठरेल, असे आवाहन उपविभागीय कृषि अधिकारी अलिबाग डि.एस.चव्हाण यांनी केले आहे.

०००००