मासळी सुरक्षा व पणनकरिता सफेद बर्फाचा वापर करावा
अलिबाग,जि. रायगड
(जिमाका)दि.16- बर्फाचे उत्पादन करताना खाद्य दर्जाच्या बर्फात कुठलाही रंग टाकू नये व
अखाद्य बर्फात अन्न सुरक्षा मानके कायद्यात नमूद केलेला व खाद्योपयोगी वापरण्यात
येणार रंग Indigo Carmine किंवा Brilliant
FCF रंग अत्यल्प प्रमाणात निळसर रंगाची छटा निर्माण होईल एवढा किमान 10 पीपीएम
खाद्यरंग टाकावा. तसेच खाद्य विक्री व
खाद्यपदार्थात वापरण्यात येणारा बर्फ, बर्फ उत्पादक, साठा वितरण, वाहतूक व विक्री
यावर अन्न व औषध प्रशासन महाराष्ट्र राज्य अन्न सुरक्षा व मानके अधिनियम 2006 नियम
व नियमन 2011 तील तरतुदीनुसार कारवाई होईल व अखाद्य बर्फाच्या उत्पादकांनी
त्यामध्ये खाद्यरंगाचा वापर केला नाही तर सदरचा बर्फ खाद्यबर्फ समजून त्याला अन्न
सुरक्षा व मानके अधिनियमाच्या कार्यकक्षेत समजला जाईल. मच्छिमार सहकारी संस्था व बर्फ पुरवठा धारकांनी
फक्त सफेद बर्फाचा वापर करावा. माशांच्या साठवणीसाठी निळ्या बर्फाचा वापर केला तर
त्याच्या विरुध्द करण्यात येईल असे पु.वि.भालेकर, सहाय्यक मत्स्यव्यवसाय विकास
अधिकारी रायगड-अलिबाग यांनी कळविले आहे.
00000
Comments
Post a Comment