चारा पुरवठ्यासाठी वैरण बियाणे वितरण योजना
अलिबाग,जि. रायगड, दि.26,(जिमाका)- राज्य शासनाने 180 तालुक्यांमध्ये
दुष्काळ सदृष्य परिस्थिती जाहीर केली आहे. या तालुक्यांमध्ये असलेल्या 1 कोटी 95 लाख 73 हजार 428 पशुधनाला आवश्यक चारा
पुरवठा करता यावा यासाठी चारा पुरवठ्यासाठी राष्ट्रीय कृषी विकास योजनेअंतर्गत
वैरण बियाणे वितरण योजना राबविण्यात येत आहे. त्याअंतर्गत दुष्काळ सदृष्य परिस्थितीतील तालुक्यांमध्ये
सिंचन सुविधा उपलब्ध असलेल्या शेतकरी, पशुपालकांना वैरणीची बियाणे, खते 100 टक्के
अनुदानावर वितरीत करण्यात येणार
आहेत. या योजनेद्वारे 8.7 लक्ष मेट्रिक टन
हिरव्या वैरणीचे उत्पादन अपेक्षित आहे. या योजनेची अंमलबजावणी नोव्हेंबर महिन्यात
करण्यात येणार असून योजनेच्या
लाभासाठी पशुपालकांनी आपल्या नजिकच्या
पशुवैद्यकीय दवाखाना, पंचायत समिती कार्यालयातील पशुधन विकास अधिकारी, जिल्हा
पशुसंवर्धन उपायुक्त यांच्या कार्यालयाशी संपर्क साधावा, असे आवाहन पशुसंवर्धन
विभागाने केले आहे.
Comments
Post a Comment