कळंबोली येथे बुधवारी रोजगार मेळावा
अलिबाग,जि. रायगड,
(जिमाका)दि.6- कौशल्य विकास व उद्योजकता विभाग व
सक्षम स्कील ॲकेडमी खारघर यांच्या संयुक्त विद्यमाने आणि केएलई संस्थेचे सायन्स व
कॉमर्स कॉलेज यांच्या सहकार्याने बुधवार
दि.10 रोजी सकाळी दहा ते दुपारी तीन यावेळात केएलई संस्थेचे सायन्य व कॉमर्स कॉलेज
सेक्टर क्र.1 कळंबोली ता.पनवेल येथे पंडित दीनदयाल उपाध्याय रोजगार मेळाव्याचे
आयोजन करण्यात आले आहे.
या
मेळाव्यात
विविध कंपन्यांचे प्रतिनिधी त्यांच्याकडील रिक्त पदांसाठी पात्र व इच्छूक उमेदवारांच्या प्रत्यक्ष मुलाखती घेण्यासाठी हजर राहणार आहेत. सदर कंपन्याना दहावी पास-नापास, बारावी पास,
आयटीआय फिटर, पदविकाधारक, डी.फार्म., बी.फार्म., कोणत्याही शाखेचा पदवीधर, एमबीए,
एमसीए, बीटेक, वाहन चालक अशा उमेदवारांची आवश्यकता आहे.
सदर मेळाव्यात सहभाग घेऊ इच्छिणाऱ्या उमेदवारांनी या विभागाच्या https://www.mahaswayam.gov.in या वेबपोर्टलला भेट देवून
नोंदणी व अद्यावतीकरण करणे आवश्यक आहे. तसेच
उमेदवाराडील नोंदणी क्रमांक टाकून लॉगिन करावे आणि मोबाईल व आधार क्रमांक पडताळणी करावी. तसेच जॉब
फेअर टॅबवर क्लिक करुन General Job Fair यामध्ये जाऊन पात्रतेप्रमाणे ॲप्लाय करावे व रोजगार मेळाव्यास स्वत: हजर रहावे.
इच्छूक
बेरोजगार उमेदवारांनी मुलाखतीस येताना
स्वत:चा बायोडाटा, दोन फोटो, सर्व शैक्षणिक पात्रतेची प्रमाणपत्रे व त्यांच्या
छायांकित प्रतींसह मेळाव्याच्या ठिकाणी उपस्थित रहावे, असे आवाहन, सहायक संचालक,
जिल्हा कौशल्य विकास रोजगार व उद्योजकता मार्गदर्शन केंद्र, रायगड यांनी केले आहे.
00000
Comments
Post a Comment