लहान मुलांना करोना प्रादूर्भावापासून दूर ठेवण्यासाठी लसीकरण, कोविड-19 ची तपासणी व सर्वेक्षणाकरिता स्वतंत्र पथकांची निर्मिती
अलिबाग, जि. रायगड, दि.2
(जिमाका) : राज्यातही कोविड-19 चा प्रादूर्भाव असल्यामुळे रायगड जिल्ह्यातील
कोविड-19 व्यवस्थापनाच्या अनुषंगाने आरोग्य केंद्र व उपकेंद्र स्तरावर जिल्हा
आरोग्य अधिकारी, जिल्हा शल्यचिकित्सक यांच्या कार्यक्षेत्राप्रमाणे काम सुरू आहे.
लसीकरण
करणारे वैद्यकीय पथक व कोविड-19 साठी घरोघरी सर्वेक्षण करणारे पथक, कंटेनमेंट झोनमध्ये
सर्वेक्षणाचे काम करणारे पथक असे वेगवेगळे
नेमणे आवश्यक आहे, जेणेकरून ते एकमेकांच्या संपर्कात न येता आपआपले काम
स्वतंत्रपणे करू शकतील. यासाठी जिल्हा आरोग्य अधिकारी यांच्या अहवालानुसार लसीकरण
करण्यासाठी आरोग्य सेविका व आशा असे पथक गठित करण्यात आले आहे. तसेच कोविड-19 साठी
तपासणी करण्यासाठी आरोग्य पुरुष व आरोग्य सहाय्यक पुरुष/महिला व इतर कर्मचारी
यांचे पथक गठित करण्यात आले आहे.
ज्या
आरोग्य सेविका व आशांची लसीकरण करण्यासाठी नेमणूक करण्यात येईल, त्यांची कोविड-19 तपासणीकरिता
नेमणूक करण्यात येऊ नये, तसेच तपासणी करण्याकरिता जे आरोग्य सेवक व आरोग्य सहाय्यक
पुरुष/महिला व इतर कर्मचारी नेमण्यात येतील, त्यांची लसीकरण पथकाकरिता नेमणूक
करण्यात येऊ नये व या दोन्ही पथकांनी एकमेकांच्या संपर्कात येऊ नये, जेणेकरून लहान मुलांना
कोविड-19च्या प्रादूर्भावापासून दूर ठेवता येईल, असे जिल्हाधिकारी निधी चौधरी
यांनी आदेश दिले आहेत.
00000
Comments
Post a Comment