चारचाकी वाहनांसाठी MH06CD ही नवीन मालिका येत्या 3 डिसेंबर पासून होणार सुरु

 

अलिबाग,जि.रायगड दि. 25 (जिमाका):-  उप प्रादेशिक परिवहन कार्यालय, पेण कार्यालयाची चारचाकी वाहनांसाठी MH06CD ही नवीन मालिका दि.03 डिसेंबर 2020 पासून सुरु होणार आहे. ज्या वाहनधारकांना आकर्षक क्रमांक आगाऊ आरक्षित करावयाचा आहे, त्यांनी त्या वाहन क्रमांकासाठी असलेल्या विहित शुल्काच्या रकमेचा धनाकर्ष दि.03 डिसेंबर 2020 रोजी सकाळी 11.00 ते दुपारी 2.00 वाजेपर्यंत कार्यालयात वरिष्ठ लिपीक (खाजगी वाहन विभाग) यांचेकडे सादर करावा.

            धनाकर्ष विशेषतः राष्ट्रीयकृत बँकेचा असावा, धनाकर्ष DY. RTO, PEN यांच्या नावाचा असावा, एखाद्या आकर्षक क्रमांकासाठी एकापेक्षा जास्त अर्ज प्राप्त झाल्यास अशा अर्जदारांची यादी त्याच दिवशी सायंकाळी 05.00 वा. कार्यालयाच्या सूचना फलकावर लावली जाईल. एकापेक्षा जास्त अर्ज प्राप्त झालेल्या क्रमांकासाठी जादा शुल्काचा स्वतंत्र धनाकर्ष बंद लिफाफ्यात दि.04 डिसेंबर 2020 रोजी वरिष्ठ लिपिक (खाजगी वाहन विभाग) यांच्याकडे सकाळी 11.00 ते दुपारी 2.00 वाजेपर्यंत सादर करावा. एखाद्या क्रमांकासाठी एकापेक्षा जास्त अर्ज प्राप्त झालेल्या क्रमांकाचा लिलाव उप प्रादेशिक परिवहन अधिकारी, पेण यांच्या दालनात दि.04 डिसेंबर 2020 रोजी दुपारी 03.00 वाजता होईल, याची नोंद घ्यावी, असे उप प्रादेशिक परिवहन अधिकारी,पेण यांनी कळविले आहे.

0000000000