सागरी मत्स्यव्यवसाय, नौकानयन,डिझेल इंजिन देखभाल व परिचालन प्रशिक्षण कार्यक्रम
अलिबाग,जि.रायगड,दि.04 (जिमाका) : मत्स्यव्यवसाय विभागामार्फत
आयोजित करण्यात येणाऱ्या सहा महिने मुदतीचे सागरी मत्स्यव्यवसाय, नौकानयन,डिझेल
इंजिन देखभाल व परिचालन या प्रशिक्षणाच्या दि.01 जानेवारी
2021 पासून मत्स्यव्यवसाय प्रशिक्षण
केंद्र रायगड-अलिबाग येथे सुरु होणा-या प्रशिक्षण सत्रासाठी
रायगड जिल्ह्यातील युवकांकडूनदि.30 डिसेंबर 2020 पर्यंत अर्ज मागविण्यात येत आहे. प्रशिक्षणांतर्गत प्रशिक्षणार्थीना प्रशिक्षण
केंद्राच्या 57 फूट लांबी
असलेल्या 63.35 टनेज क्षमंतेच्या सिलेंडर संख्या 6 व 205 अश्वशक्तीचे इंजिन असलेल्या "मत्स्यप्रबोधिनी"
नोंदणी क्र. IND-MH-3-MM-4266 या प्रशिक्षण नौकेद्वारे सागरी सफरीवर नेऊन
प्रात्यक्षिक व सिध्दांतिक ज्ञान दिले जाते.
त्याबाबतचा तपशिल पुढीलप्रमाणे-प्रशिक्षण कालावधी दि.01 जानेवारी 2021 ते दि.30 जून 2021 (6 महिने) आवश्यक पात्रता-उमेदवाराचे वय 18 ते
35 वर्ष असावे, (आधारकार्ड व रेशनकार्ड छायाप्रत
जोडणे), उमेदवार किमान चौथी पास असणे आवश्यक, (शाळा
सोडल्याच्या दाखल्याची
छायाप्रत जोडणे), क्रियाशिल
मच्छिमार व किमान एक वर्ष मासेमारीचा अनुभव असावा, (विहित नमुन्यातील अर्जावर मच्छिमार सहकारी संस्थेची
शिफारस घ्यावी), उमेदवारास पोहता येणे
आवश्यक आहे. प्रशिक्षण शुल्क- प्रतिमहा रुपये 450/-
प्रमाणे सहा महिन्यांचे रु.2 हजार 700 मात्र, दारिद्र रेषेखालील असल्यास प्रतिमहा
रुपये 100/- प्रमाणे सहा महिन्यांचे रुपये 600/- मात्र, (दारिद्रय रेषेखालील
उत्पन्नाचा गटविकास अधिकारी यांचा दाखला जोडावा)
रोजगार स्वयंरोजगाराच्या
संधी- राष्ट्रीय सहकार विकास निगम (NCDC) अंतर्गत
योजनेतून अर्थसहाय्य घेऊन मच्छीमारी नाव का बांधता येते. कस्टम विभाग, नेव्हल डॉक, महाराष्ट्र मेरीटाईम
बोर्ड, सागरी पोलीस, मत्स्य महाविद्यालय इत्यादी विभागांच्या सागरी नौकांवर
पात्रतेनुसार खलाशी म्हणून रोजगाराची संधी उपलब्ध होऊ शकते.
इच्छुक युवकांनी या
प्रशिक्षण केंद्राशी किवा मोबाईल
व Whas app क्र. 9860254943 वर सपंर्क साधल्यास
विहीत नमुन्यातील अर्ज उपलब्ध करुन देण्यात येईल. अर्ज स्वत:चे हस्ताक्षरात भरुन
त्यावर संस्थेची शिफारस घेवून दिनांक 29 डिसेंबर 2020 पर्यंत कार्यालयीन वेळेत कामकाजाचे दिवशी मत्स्यव्यवसाय
प्रशिक्षण अधिकारी, रायगड अलिबाग,102/103, समृध्दी को-ऑप. हौसिंग सोसायटी, घरत आळी,
एस.टी.स्टँडजवळ,रायगड अलिबाग, ता.अलिबाग या पत्त्यावर अथवा Whas app क्र.
9860254943 किंवा ftoalibag@rediffmail.com या ईमेल सादर करावेत, असे आवाहन मत्स्यव्यवसाय प्रशिक्षण अधिकारी दि.रा.धोपे यांनी केले आहे.
००००००
Comments
Post a Comment