महिला व बालविकास विभागाच्या योजनेसंबंधीच्या बनावट पोस्टकडे दुर्लक्ष करावे -- जिल्हा महिला व बाल विकास अधिकारी उज्वला पाटील
अलिबाग,जि.रायगड,दि.18(जिमाका)
:- घरातील वय वर्षे 21 ते 70 या
वयोगटातील ज्या कर्त्या व्यक्तीचे दि.01 मार्च 2020 ते दि. 28 फेब्रुवारी 2021 या कालावधीत
निधन झाले आहे, अशा विधवा महिलांना महिला व बालविकास विभागाच्या जिजामाता, जिजाऊ या
योजनेंतर्गत रु.50 हजार प्रति लाभार्थी मिळतील, अशी पोस्ट सोशल मीडियाद्वारे व्हॉट्सअप
या अॅपवर व्हायरल होत असल्याचे निदर्शनास आले आहे.
ही पोस्ट खोटी व बनावट असून अशा प्रकारची कोणतीही योजना महिला बालविकास विभागामार्फत राबविली जात नाही.
या व्हॉट्सअप मेसेजमुळे नागरिकांची फसवणूक होण्याची शक्यता लक्षात घेता या मेसेजला
नागरिकांनी बळी पडू नये, असे आवाहन जिल्हा महिला व बाल विकास अधिकारी श्रीमती
उज्वला पाटील यांनी केले आहे.
००००००
Comments
Post a Comment