म्हसळा तालुक्यातील मौजे पांगळोली येथील नवीन आरोग्य उपकेंद्रासाठी जागा हस्तांतरित
अलिबाग,
जि.रायगड दि.10 (जिमाका):- म्हसळा तालुक्यातील मौजे पांगळोली येथील नवीन
आरोग्य उपकेंद्र इमारतीच्या बांधकामासाठी जमिनीची मागणी होती. याबाबत पालकमंत्री
आदिती तटकरे यांनी व्यक्तिशः लक्ष घालून संबंधितांना आवश्यक ती कार्यवाही करण्याचे
निर्देश दिले होते.
या पार्श्वभूमीवर मौजे
पांगळोली ता.म्हसळा येथील स.नं./हि.नं.18/1,क्षेत्र 0.17.0 हे.आर. मिळकतीपैकी
0-05-0 हे.आर. इतके क्षेत्र, ग्रामपंचायत पांगळोली यांच्याकडील ही जमीन ग्रुप
ग्रामपंचायत संदेरी, ता.म्हसळा यांच्याकडून शासनाकडे पुर्नग्रहण करण्यात आली असून
ही जमीन जिल्हा आरोग्य अधिकारी यांच्याकडे नवीन आरोग्य उपकेंद्र पांगळोली, ता.म्हसळा
करिता पालकमंत्री कु.आदिती तटकरे यांच्या निर्देशानुसार हस्तांतरीत करण्याचे आदेश
जिल्हाधिकारी निधी चौधरी यांनी जारी केले आहेत.
म्हसळा तालुक्यातील ग्रामीण भागातील जनतेला आरोग्य सुविधा
मिळण्याच्या दृष्टीने ही बाब जिल्ह्याच्या दृष्टीने महत्वाची आहे.
000000
Comments
Post a Comment