जिल्हयातील उत्पादक व आयातदार परवानाधारकांनी वार्षिक परतावा दि.30 जून पर्यंत ऑनलाईन सादर करावा अन्न व औषध प्रशासन सहाय्यक आयुक्त लक्ष्मण दराडे यांचे आवाहन
अलिबाग, जि.रायगड,दि.8 (जिमाका) :- रायगड
जिल्हयातील उत्पादक व आयातदार परवानाधारकांनी वार्षिक परतावा Food Safety
Compliance System (FoSCoS) https://foscos.fssai.gov.in
या संकेतस्थळावर ऑनलाईन सादर करण्याचे आवाहन
अन्न व औषध प्रशासन विभागाचे सहाय्यक आयुक्त लक्ष्मण दराडे यांनी केले आहे.
दि. 5 ऑगस्ट 2011 पासून अन्न सुरक्षा व
मानदे कायदा-2006 हा संपूर्ण महाराष्ट्र राज्यात लागू झाला आहे व त्याची अंमलबजावणी
रायगड जिल्हयात अन्न व औषध प्रशासन, रायगड या कार्यालयातर्फे यशस्वीपणे करण्यात येत
आहे. अन्न सुरक्षा व मानदे (परवाना व नोंदणी) नियमन 2011 मधील परवाना अट क्र.5 व नियमन
2.1.13 (1) नुसार सर्व अन्न पदार्थ उत्पादक व आयातदार परवानाधारकांनी वार्षिक परतावा
(Annual Return) नमुना डी-1 मध्ये परवाना अधिकारी यांच्याकडे दरवर्षी 31 मे पर्यंत
सादर करणे बंधनकारक आहे. भारतीय अन्न सुरक्षा व मानके प्राधिकरण, नवी दिल्ली यांच्या
आदेशान्वये वार्षिक परतावा Food Safety Compliance System (FoSCoS) https://foscos.fssai.gov.in या संकेतस्थळावर ऑनलाईन सादर करणे सन 2020-2021
पासून बंधनकारक केले असून कोविड 19 च्या प्रादूर्भावामुळे सन 2020-2021 चा वार्षिक
परतावा सादर करण्यासाठी दि. 30 जून, 2021 पर्यंत मुदतवाढ दिलेली आहे.
तरी रायगड जिल्हयातील सर्व उत्पादक व आयातदार
परवानाधारकांनी भारतीय अन्न सुरक्षा व मानके प्राधिकरण, नवी दिल्ली यांच्या परिपत्रकाच्या
अनुषंगाने सन 2020-2021 चा वार्षिक परतावा Food Safety Compliance System (FoSCoS) https://foscos.fssai.gov.in
या संकेतस्थळावर ऑनलाईन दि.30 जून 2021 पूर्वी न चुकता सादर करावा. त्यानंतर दर दिवशी
रू. 100/- प्रमाणे दंड भरूनच वार्षिक परतावा ऑनलाईन सादर करता येईल, याची नोंद घ्यावी.
त्याचप्रमाणे जिल्हयातील ज्या उत्पादक/आयातदार
पेढयांनी सन 2020-2021 चा वार्षिक परतावा प्रत्यक्ष कार्यालयात अथवा कार्यालयाच्या
ईमेल वर सादर केलेला आहे, त्यांचा वार्षिक परतावा ग्राहय धरला जाणार नाही. त्यांनी
सन 2020-2021 चा आपला वार्षिक परतावा पुन्हा Food Safety Compliance System
(FoSCoS) https://foscos.fssai.gov.in या संकेतस्थळावर
ऑनलाईन दि.30 जून 2021 पूर्वी न चुकता सादर करावा, अन्यथा दि. 30जून 2021 नंतर दर दिवशी
रू.100/- प्रमाणे दंडास पात्र राहतील, याची त्यांनी नोंद घ्यावी, असे अन्न व औषध प्रशासन
विभागाचे सहाय्यक आयुक्त लक्ष्मण दराडे यांनी कळविले आहे.
Comments
Post a Comment