अलिबाग आगारातील वाहन चालक व वाहक यांचा प्रामाणिकपणा प्रवाशाचे विसरलेले 35 हजार रुपये केले परत
अलिबाग,जि.रायगड,दि.16
(जिमाका):-अलिबाग आगारातील बसचालक व वाहक यांनी बसमधील प्रवाशाची विसरलेली बॅग व त्याचे
पैसे प्रामाणिकपणे परत करून एक आदर्श निर्माण केला आहे.
दि.15 जून 2021 रोजी सकाळी 08:15 वाजता रेवदंडा
व 09:15 वाजता अलिबागहून जाणाऱ्या रेवदंडा-बोरिवली गाडी क्र.3234 मधील एक प्रवासी त्याची
बॅग विसरला होता. बसचालक निलेश पाटील व वाहक
जितेंद्र पवार यांनी या प्रवाशाची विसरलेली बॅग व बॅगमधील रोख रु. 35 हजार, ओळख पटवून
त्यास परत केली.
त्यांच्या या प्रामाणिक कृत्यामुळे अलिबाग आगाराची
व एस.टी महामंडळाची प्रतिमा जनमानसात उज्ज्वल केल्याबद्दल या दोन्ही प्रामाणिक कर्मचाऱ्यांचा आगार व्यवस्थापक श्री.अजय वनारसे यांच्या हस्ते
आज अलिबाग आगारात पुष्पगुच्छ देऊन सत्कार करण्यात आला.
000000
Comments
Post a Comment