एअर मार्शल व्ही.ए.पाटकर विशेष गौरव पुरस्कारासाठी माजी सैनिक विधवांनी अर्ज सादर करावेत
अलिबाग,जि.रायगड,दि.02
(जिमाका) :- इयत्ता
10 वी व 12 वी बोडांच्या परिक्षेमध्ये सर्वाधिक गुण प्राप्त झालेल्या रायगड जिल्ह्यामधून
प्रत्येकी एका माजी सैनिक विधवेच्या पाल्याला (10 वी मधून एक व 12 वी मधून एक) रक्कम
रू. 5 हजार (अक्षरी रूपये पाच हजार मात्र) देऊन एअर मार्शल व्ही.ए.पाटकर विशेष गौरव
पुरस्कार देऊन सन्मानित करण्यात येणार आहे.
जिल्ह्यातील पात्र माजी सैनिक विधवांनी या पुरस्कारासाठी जिल्हा
सैनिक कल्याण कार्यालय, रायगड-अलिबाग येथे दि.10 ऑक्टोबर 2022 पूर्वी अर्ज सादर करावेत.
जिल्ह्यातून प्राप्त झालेल्या अर्जांपैकी सर्वाधिक गुण प्राप्त झालेल्या (10वी मधून
एक व 12 वी मधून एक) पाल्यांचे नाव जिल्ह्यामार्फत निवड समितीला पाठविण्यात येईल.
यासाठी वैयक्तिक अर्ज, फॉर्म डी.डी.40 (कार्यालयात उपलब्ध), माजी
सैनिक/विधवा पत्नीचे ओळखपत्र, 10 वी 12 वी चे गुणपत्रक व प्रमाणपत्र, सेवापुस्तकामध्ये पाल्याचे नाव असलेल्या पानांची
छायांकित प्रत, राष्ट्रीयकृत बँकेच्या पानाची सुस्पष्ट छायांकित खाते क्रमांक व आय.एफ.एस.सी
कोडसह प्रत ही कागदपत्रे सादर करणे आवश्यक आहे.
जिल्ह्यातील माजी सैनिक विधवांनी या संधीचा लाभ घ्यावा, असे आवाहन
जिल्हा सैनिक कल्याण अधिकारी (नि.) मेजर सुभाष सासने यांनी केले आहे.
0000000
Comments
Post a Comment