नगरपंचायतीच्या सार्वत्रिक निवडणूक क्षेत्रात (Dry Day) दारू बंदी लागू करणेबाबत
अलिबाग,जि.रायगड दि.16 (जिमाका):- एप्रिल 2020 ते मे 2021 या कालावधीत मुदत समाप्त
झालेल्या 81 व डिसेंबर 2021 मध्ये मुदत समाप्त होणाऱ्या 18 तसेच नवनिर्मित 6 अशा एकूण
105 नगरपंचायतीमधील सदस्य पदांच्या सार्वत्रिक निवडणूकांसाठी प्रत्यक्ष निवडणूक कार्यक्रम
2020-21 जाहीर करण्यात आलेला आहे. त्यानुषंगाने रायगड जिल्ह्यातील पाली, म्हसळा, पोलादपूर,
खालापूर, माणगाव व तळा या नगरपंचायतीची सार्वत्रिक निवडणूक मंगळवार, दि.21 डिसेंबर
2021 रोजी होणार आहे.
या
आदेशाच्या अनुषंगाने कायदा व सुव्यवस्था राखण्याच्या दृष्टीने रायगड जिल्ह्यातील पाली,
म्हसळा, पोलादपूर, माणगाव, खालापूर व तळा या नगरपंचायतींच्या निवडणूकीच्या आधीच्या
दिवशी, निवडणुकीच्या दिवशी व मतमोजणीच्या दिवशी निवडणूक कार्यक्षेत्रात मद्य विक्री
न होण्याच्या दृष्टीने दारू बंदी (Dry
Day) लागू करण्याबाबत निर्देश दिलेले आहेत.
तरी,
रायगड जिल्ह्यातील पाली, तळा, माणगाव, खालापूर, पोलादपूर व म्हसळा या नगरपंचायतींच्या
निवडणूक कार्यक्षेत्रात मद्य विक्री होणार नाही, यादृष्टीने निवडणुकीच्या आधीच्या दिवशी,
निवडणुकीच्या दिवशी व मतमोजणीच्या दिवशी (Dry Days) दारुबंदी लागू करण्याबाबत आवश्यक
ती कार्यवाही करावी, असे निर्देश जिल्हाधिकारी डॉ.महेंद्र कल्याणकर यांनी दिले आहेत.
Comments
Post a Comment