जिल्ह्यातील खाजगी आस्थापनांना ऑनलाईन रोजगार मेळाव्याकरीता रिक्तपदे अधिसूचित करण्याचे आवाहन
अलिबाग,दि.20
(जिमाका):-
जिल्हा कौशल्य विकास, रोजगार व उद्योजकता
मार्गदर्शन केंद्र, रायगड-अलिबाग यांचेमार्फत दि. 27 ते दि.29 जानेवारी, 2022 या कालावधीत
सकाळी 10.00 ते सायंकाळी 06.00 या वेळेत “स्वातंत्र्याचा अमृत महोत्सव” च्या निमित्ताने ऑनलाइन रोजगार मेळावा आयोजित करण्यात येत आहे.
त्यासा़ठी या कार्यालयाच्या वेबपोर्टलवर नोंदणी केलेल्या आस्थापनांनी या विभागाचे
वेबपोर्टल https://rojgar.mahaswayam.gov.in वर प्रथम
आपल्याकडे हवे असलेले कुशल/अकुशल मनुष्यबळाची माहिती भरावी. ही माहिती भरताना प्रथम उपरोक्त वेबपोर्टलवरील
Employment-Employer (List a Job)-Employer Login या क्रमाने जाऊन आपल्या आस्थापनेचा
युजर आयडी व पासवर्ड वापरुन आपल्या आस्थापनेची माहिती पहावी. त्यातील Pandit Dindayal Upadhyay Job Fair या ऑप्शनमधून दिसणा-या रोजगार मेळाव्यांच्या
यादीतील आपल्या जिल्हयाच्या नावावरील View Details-Job Details-Agree and Post
Vacancy-Add New Vacancy ऑप्शनवर क्लीक केल्यानंतर रिक्तपदांची माहिती भरुन
शेवटच्या पानावरील Save Vacancy वर क्लीक
करावे त्यानंतर Manage Jobs and Responses या ऑप्शनमधील माहिती भरुन उमेदवारांची यादी प्राप्त करावी. सदर यादीतील
उमेदवारांना वेबपोर्टलद्वारे एसएमएस व पत्र पाठवून ऑनलाईन पध्दतीने व्ही.डी.ओ. कॉल
इत्यादी माध्यमातून मुलाखतीची कार्यवाही पूर्ण करुन उमेदवारांना कळविण्यात यावे. त्याचप्रमाणे ज्या आस्थापनांची
यापूर्वी उपरोक्त वेबपोर्टलवर नोंदणी करण्यात आलेली नाही त्यांनी https://rojgar.mahaswayam.gov.in या वेबपोर्टलवर Employment-Employer (List a
Job)-Register या
क्रमाने जाऊन नवीन
नोंदणी करावी व आपलेकडील रिक्तपदे उपरोक्तप्रमाणे वेबपोर्टलवर दि. 26 जानेवारी 2022
पर्यंत नोटीफाइड करावीत. नवीन नोंदणी करताना उपरोक्त वेबपोर्टलवरील
Employment-Employer (List a Job)-Register या ऑप्शन्सचा वापर करून आपल्या आस्थापनेची
नोंदणी करावी.
नवीन
नोंदणी करताना आपले व्यवसाय सुरु करण्याबाबतचे प्रमाणपत्र (Incorporation Certificate)
नोंदणीमध्ये
अपलोड करणे आवश्यक आहे. आपल्या आस्थापनेची नवीन नोंदणी केल्यानंतर आपल्याकडील
रिक्तपदे अधिसूचित करुन वेबपोर्टलवरील पुढील कार्यवाही करावी. वेबपोर्टलवर नवीन नोंदणी
करणे व पदे अधिसूचित करणे या संदर्भात आपणास काही समस्या असल्यास या कार्यालयाचा
दूरध्वनी क्रमांक 02141-222029 किंवा भ्रमणध्वनी क्र.9820452264 वर संपर्क साधावा,
असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे , सहाय्यक आयुक्त शा. गि. पवार, यांनी केले आहे.
000000
Comments
Post a Comment