रोहा तालुक्यातील भुवनेश्वर येथे 100 खाटांचे स्त्री रुग्णालय उभारण्यासाठी शासकीय जमीन हस्तांतरित करण्याचे आदेश पारित
पालकमंत्री कु.आदिती तटकरे यांचे जिल्ह्याच्या विकासकामाबाबत आणखी एक यश
अलिबाग,दि.23(जिमाका):- पालकमंत्री
कु.आदिती तटकरे यांनी जिल्ह्यातील आरोग्य यंत्रणा बळकटीकरणाचा ध्यास घेतला आहे. या
पार्श्वभूमीवर मौजे भुवनेश्वर, ता.रोहा, जि. रायगड येथे 100 खाटांचे स्त्री रुग्णालय
विशेष बाब म्हणून स्थापन करण्यास शासनाने नुकतीच मान्यता दिली आहे. लवकरच येथे 100
खाटांचे अद्ययावत स्त्री विशेष रुग्णालय उभे राहणार आहे.
हे स्त्री रुग्णालय
उभारण्यासाठी शासकीय जमीन मिळण्याबाबत जिल्हा शल्यचिकित्सक यांनी शासनाला विनंती केली
होती. या विनंतीच्या अनुषंगाने पालकमंत्री कु.आदिती तटकरे यांनी या बाबीचा नियमितपणे
पाठपुरावा केला. याबाबत पालकमंत्र्यांनी दिलेल्या निर्देशानुसार रोहा उपविभागीय अधिकारी
यांनी तात्काळ पडताळणी करुन रोहा तालुक्यातील मौजे भुवनेश्वर येथे 100 खाटांचे स्त्री
रुग्णालय बांधकामासाठी शासकीय जागा प्रस्तावित केली.
मौजे भुवनेश्वर,
ता.रोहा येथे 100 खाटांचे स्त्री रुग्णालय स्थापन करण्यासाठी येथील सर्व्हे नंबर हिस्सा
नंबर 68/09/1 क्षेत्र 2.47.31 हेक्टर आर पैकी 1.68 31 हेक्टर आर इतकी शासकीय मिळकत
जिल्हाधिकाऱ्यांनी तातडीने जिल्हा शल्यचिकित्सक यांच्याकडे हस्तांतरित करण्याचे आदेश
दिले आहेत.
पालकमंत्र्यांनी
जिल्ह्यातील आरोग्य यंत्रणा बळकट करण्याचा नुसता ध्यासच घेतला नाही तर टप्प्याटप्प्याने
त्या जिल्ह्यातील विकासकामांची एकामागे एक यशस्वीपणे पूर्तताही करीत असल्याचे दिसून
येत आहे.
00000
Comments
Post a Comment