विशेष लेख: महिला व बालकांच्या विकासासाठी शासन सदैव सज्ज..!
शासन महिला व बालकांच्या सर्वांगीण विकासाकरिता विविध माध्यमातून प्रयत्नशील असते. यासाठी शासनाचा महिला व
बालविकास विभाग हा स्वतंत्र विभाग कार्यरत आहे. या विभागामार्फत महिला व
बालकांसाठी निरनिराळ्या योजना राबविण्यात येतात. काही महत्वाच्या योजना समजून घेवू
या लेखाद्वारे..!
माझी कन्या भाग्यश्री योजना
लाभाचे स्वरुप:-
- एक मुलगी असल्यास 50 हजार रु. दोन मुली असल्यास 25
हजार मुदत ठेव.
- मुलगी 6 वर्षाची, 12 वर्षाची झाल्यास ठेवी रक्कमे
वरील व्याज मिळेल व 18 वर्षे पूर्ण झाल्यावर मुद्दल व व्याज मिळेल.
- लाभार्थी मुलगी व तिची आई यांचेसंयुक्त बचत खाते
राष्ट्रीयकृत बँकेत (बँक ऑफ महाराष्ट्र) उघडून दोघींना 1 लाख अपघात विमा, 5
हजार ओव्हरड्राफ्ट व इतर लाभ घेता येतील.
- अंतिम लाभ घेताना मुलीचे वयाची 18 वर्षे पूर्ण
असणे आवश्यक आहे व अविवाहीत असणे असवश्यक.
पात्रता:-
- दि.01 ऑगस्ट 2017 रोजी किवा त्यानंतर जन्माला
आलेल्या मुली
- कुटुंबात एक किवा दोन मुली अपत्य असल्यास योजनेचा
लाभ घेता येईल.
- तिसरे अपत्य असल्यास या योजनेचा लाभ घेता येणार
नाही.
- लाभार्थी महाराष्ट्र राज्याचे मूळ रहिवासी असणे
आवश्यक
- 7.5 लाखापर्यंत वार्षिक उत्पन्न असणारे योजनेस
पात्र
- दुसऱ्या प्रसुतीचे वेळी जुळया मुली जन्मल्यास
दोन्ही मुली लाभास पात्र
- माता किंवा पिता यापैकी एकाने एका मुलीच्या
जन्मानंतर 2 वर्षाच्या आत व दुसऱ्या मुलीच्या जन्मानंतर 1 वर्षाच्या आत
कुटुंब नियोजन शस्त्रक्रिया करणे आवश्यक आहे.
- विधवा मातेने पतीच्या मृत्युचा दाखला अर्जा सोबत
देणे आवश्यक आहे.
- बालगृह/शिशुगृह किंवा बालविकास विभागांतर्गतच्या
इतर निवासी संस्थान मधील अनाथ मुली संबंधितबालकल्याण समितीकडील "मुलगी
अनाथ असल्याचे प्रमाणपत्र सादर केल्यास लाभास पात्र राहिल.
आवश्यक कागदपत्रे (छायांकित प्रत):-
- शासन निर्णयानुसार विहित नमुन्यातील अर्ज
- लाभार्थी बालिकेचा जन्मदाखला
- माता किंवा पिता यापैकी एकाचे कुटुंब नियोजन
शस्त्रक्रिया प्रमाणपत्र
- उत्पन्नाचा (तहसीलदारांचा) दाखला, रेशन कार्ड
- वडिलांचा रहिवासी दाखला, आधार कार्ड, आईचे आधार
कार्ड, मुलीचे आधार कार्ड
- बँक ऑफ महाराष्ट्र मध्ये पंतप्रधान जनधन योजनेंतर्गत
संयुक्त खाते पासबुक
- अपत्याचा दाखला
(ग्रामपंचायत/नगरपरिषद/महानगरपालिका)
सुकन्या समृद्धी योजना
पात्रता:- 0 ते 10 वयोगटातील कमाल दोन मुली
(प्रत्येक वर्षाला कमीत कमी
रू.250 जमा करणे आवश्यक)
लाभ:- 8.5 % व्याज, शिक्षणासाठी 50% रक्कम,
21 वर्षे पूर्ण झाल्यावर पूर्ण रक्कम
संपर्क / विभाग:- पोस्ट ऑफिस, राष्ट्रीयकृत बँक
प्रधानमंत्री मातृ वंदना योजना
पात्रता:- सर्व गरोदर व स्तनदा मातांना पहिल्या अपत्यासाठी रूपये 5 हजारचा लाभ
लाभ:-
·
1 ला लाभ- रू.1 हजार:- गरोदरपणाची नोंद
शासकीय आरोग्य संस्थेतील ए.एन.एम. यांच्याकडे मासिकपाळी चुकल्यानंतर 100 दिवसांच्या
आत केलेली असल्यास.
·
2 रा लाभ- रू.2 हजार:- गरोदरपणाच्या 6 महिन्यात
(180 दिवस) किमान एक प्रसूतीपूर्व तपासणी केलेली असल्यास.
·
3 रा लाभ- रु.2 हजार:- प्रसूतीनंतर बाळाच्या
जन्माची नोंद व बाळाचे 14 आठवड्यापर्यंतचे लसीकरण पूर्ण केलेले असल्यास.
संपर्क / विभाग:- आशा स्वयंसेविका / अंगणवाडी सेविका / आरोग्य सेविका / आरोग्य उपकेंद्र / प्राथमिक
आरोग्य
केंद्र/ तालुका आरोग्य अधिकारी कार्यालय
येथे संपर्क साधावा.
अहिल्याबाई होळकर मोफत पास योजना
पात्रता:- इयत्ता 5 वी ते 12 वीत शिकणाऱ्या मुली
लाभ:- घर ते शाळा/कॉलेज मोफत एस.टी. पास
संपर्क / विभाग:- नजीकचा एस.टी. डेपो
महिला व बालविकास विभागाकडून राबविण्यात येणाऱ्या या योजनांचा
इच्छूक व पात्र लाभार्थ्यांनी जरूर लाभ घ्यावा, असे आवाहन या लेखाद्वारे
जिल्हाधिकारी डॉ.महेंद्र कल्याणकर, मुख्य कार्यकारी अधिकारी डॉ.किरण पाटील, जिल्हा
महिला व बालविकास अधिकारी श्री.विनीत म्हात्रे, जिल्हा कार्यक्रम अधिकारी (महिला व
बालकल्याण), जिल्हा परिषद श्री.नितीन मंडलिक यांनी केले आहे.
मनोज शिवाजी सानप
जिल्हा माहिती अधिकारी
रायगड-अलिबाग
00000
Comments
Post a Comment