आरक्षण व सोडतीबाबत हरकत व सूचना स्विकारण्याबाबत आरक्षण अधिसूचना नगरपरिषद व जिल्हाधिकारी कार्यालयाच्या संकेतस्थळावर तसेच नगरपरिषद व इतर कार्यालयाच्या सूचनाफलकांवर प्रसिध्द
अलिबाग,दि.14 (जिमाका):- मा.राज्य निवडणूक आयोग यांच्या दि.09 जून
2022 रोजीच्या आदेशान्वये नगरपरिषदांच्या सार्वत्रिक निवडणूकांसाठी आरक्षित जागा निश्चित
करण्याकरिता आरक्षण व सोडतीचा कार्यक्रम जाहीर करण्यात आला आहे.
त्यानुषंगाने रायगड जिल्ह्यातील खोपोली, अलिबाग,
महाड, माथेरान, मुरूड-जंजिरा, पेण, रोहा, श्रीवर्धन व उरण या नगरपरिषदांच्या आरक्षण
व सोडतीची कार्यवाही दि. 13 जून 2022 (सोमवार) रोजी पार पडली आहे.
या आरक्षण व सोडतीबाबत हरकत व सूचना स्विकारण्याबाबत
आरक्षण अधिसूचना नगरपरिषद व जिल्हाधिकारी कार्यालयाच्या संकेतस्थळावर तसेच नगरपरिषद
व इतर कार्यालयाच्या सूचनाफलक इ. वर प्रसिध्द करण्यात येणार असल्याचे जिल्हाधिकारी
डॉ.महेंद्र कल्याणकर यांनी कळविले आहे.
०००००
Comments
Post a Comment