कर्जत येथे केंद्र व राज्य शासनाच्या विविध योजनांच्या महामेळाव्याचे आयोजन सर्व उपविभागीय स्तरावर आयोजित होणाऱ्या महामेळाव्यांचा जास्तीत जास्त नागरिकांनी लाभ घेण्याचे प्रशासनाचे आवाहन
अलिबाग,दि.01 (जिमाका) : जिल्हयामध्ये सर्वसामान्यांना उपविभागीय स्तरावर
राज्य व केंद्र शासनाच्या वैयक्तिक योजनांचा लाभ मिळण्याच्या दृष्टीने शनिवार, दि.03
रोजी 2022 रोजी जिल्हाधिकारी डॉ.महेंद्र कल्याणकर यांच्या संकल्पनेतून “केंद्र व राज्य शासनाच्या विविध
योजनाचा महामेळावा” कर्जत उपविभागीय स्तरावर रॉयल गार्डन मंगल कार्यालय
सभागृह, कर्जत येथे आयोजित करण्याचे निश्चित करण्यात आले आहे. या माध्यमातून खालापूर
तालुक्यातील विविध शासकीय विभागातील विविध सेवा व योजनांची माहिती तळागाळातील जनसामान्य
शेतकरी व नागरिकांपर्यंत स्टॉल लावून पोहोचविण्यात येणार आहे.
यावेळी स्वयंरोजगार, फळ-भाजी
विक्रेते, वृत्तपत्रे विक्रेते, रिक्षा-टॅक्सी चालक, शेतमजूर, फेरीवाले, पशुसंवर्धन,
मध गोळा करणे, मिठागरावरील कामगार, कुक्कुटपालन, मत्स्य प्रक्रिया व मच्छीमार, बांधकाम
मजूर, वीटभट्टी कमगार, मातीकाम कामगार, वाळू माती उपसा कामगार, बांधकाम रंगकाम, पीओपी
कामगार, केबल टीव्ही व्यवसायिक, पथनाटय कामगार, विमा एजंट, बँक एजंट, पत्रकार, बचतगट,
किरणा दुकानदार, दूधवाले, पानवाले, आशा-अंगणवाडी सेविका, घरेलू कामगार, बोट/ नावेचा
व्यवसाय, डिलीव्हरी बॉय, कुरियर सेवा, बस/कार/ट्रक चालक या व अशा इतर विविध 300 उद्योगांमधील
असंघटित कामगारांची ई-श्रम पोर्टल वर नोंदणी करण्याकरिताही स्वतंत्र स्टॉल लावण्यात
येणार आहे.
या नोंदणीकरिता असंघटित कामगाराचे
वय 16 ते 59 असे असावे. नोंदणीकरिता आवश्यक कागदपत्रे आधारकार्ड, बँकेचे पासबुक, मोबाईल
क्रमांक (स्वत:चा किंवा कुटुंबातील व्यक्तीचा) असणे आवश्यक आहे.
तरी जास्तीत जास्त असंघटित कामगारांनी
“केंद्र व राज्य शासनाच्या विविध योजनाचा महामेळाव्यातील” या सुविधेचा लाभ घेवून नोंदणी करून घ्यावी, असे
आवाहन खालापूर तहसिलदार आयुब तांबोळी यांनी केले आहे.
००००००००
Comments
Post a Comment