पशुसंवर्धन विभागाच्या वतीने “महापशुधन एक्स्पो-2023” चे आयोजन जिल्ह्यातील पशुपालकांनी लाभ घ्यावा
अलिबाग,दि.17(जिमाका):-
शासनाच्या
पशुसंवर्धन विभागाच्या वतीने दि.24 ते 26 मार्च 2023 दरम्यान शिर्डी ता. राहता, जि.अहमदनगर
येथे महापशुधन एक्स्पो- 2023 चे आयोजन करण्यात आले आहे. या एक्स्पो मध्ये देशातील विविध
प्रकार व जातीची तसेच अतिशय दुर्मिळ प्रकारची जनावरे पाहण्याची संधी पशुप्रेमींना व
पशुपालकांना उपलब्ध होणार आहे. याबरोबरच आधुनिक दुग्ध तंत्रज्ञान, चारा पिके व पद्धती
फायदेशीर शेळीपालन, कुक्कुट पालन (मांसल/परसातील/अंडी घालणारी) व पशुसंवर्धनाशी निगडीत
व्यवसायासाठी आर्थिक सहाय्य व रोजगार निर्मितीच्या संधी आणि लिंग विनिश्चित रेतमात्रा
(ET/IVF), भविष्यातील आव्हाने, अशा विविध विषयांवरील मार्गदर्शनपर व्याख्याने आयोजित
करण्यात आली आहेत.
रायगड
जिल्ह्यातील सर्व पशुपालकांनी या महापशुधन एक्स्पो- 2023 ला भेट देवून लाभ घ्यावा,
असे आवाहन जिल्हा पशुसंवर्धन उपआयुक्त डॉ.रत्नाकर काळे यांनी केले आहे.
००००००
Comments
Post a Comment