उरण तालुक्यातील पाणदिवे गावाचे सुपूत्र मनोज महादेव पाटील यांना क्रांतीज्योती सावित्रीबाई फुले राज्य शिक्षक गुणगौरव पुरस्कार प्रदान
अलिबाग,दि.8(जिमाका):- महाराष्ट्र शासन शालेय शिक्षण विभागाच्या वतीने राज्यातील गुणवंत शिक्षकांना देण्यात येणारा क्रांतीज्योती सावित्रीबाई फुले राज्य शिक्षक गुणगौरव पुरस्कार उरण तालुक्यातील पाणदिवे गावातील सुपुत्र व सध्या सुधागड एज्युकेशन सोसायटीच्या कळंबोली येथे माध्यमिक व उच्च माध्यमिक विद्यालयात अध्यापन करत असणारे श्री.मनोज महादेव पाटील यांना जाहीर झाला होता.
हा पुरस्कार नुकताच मुंबई येथील वांद्रे येथील रंगशारदा सभागृहात पर्यटन व महिला बालविकास मंत्री मंगलप्रभात लोढा यांच्या हस्ते सन्मानाने प्रदान करण्यात आला. सन्मानपत्र ,सन्मानचिन्ह व रोख एक लाख दहा हजार रूपये पुरस्काराचे स्वरूप आहे. यावेळी शिक्षक आमदार कपिल पाटील,शालेय शिक्षण विभागाचे सचिव रणजितसिंह देवोल आदि मान्यवर उपस्थित होते.
०००००००
Comments
Post a Comment