महात्मा फुले मागासवर्ग विकास महामंडळाच्या योजनेच्या लाभासाठी अर्ज सादर करावेत

 

 

अलिबाग, दि.19(जिमाका) :-अनुसूचित जाती व नवबौध्द घटकातील लोकांना स्वयंरोजगारासाठी महात्मा फुले मागासवर्ग विकास महामंडळ विविध योजना राबवित असते. या महामंडळामार्फत राबवित असलेल्या योजनांची माहिती पुढीलप्रमाणे आहे.

50 टक्के अनुदान योजना- प्रकल्प मर्यादा रु.50 हजार पर्यंत, प्रकल्प मर्यादेच्या 50 टक्के किंवा जास्तीत जास्त 10 हजार पर्यंत अनुदान देण्यात येते.  बँक कर्जावर बँकेच्या नियमाप्रमाणे व्याज आकारण्यात येते. कर्जाची परतफेड सर्वसाधारणपणे 3 वर्षात करावयाची आहे.

 बीजभांडवल योजना- प्रकल्प मर्यादा रु.50 हजार 1 ते 5 लाखपर्यंत, प्रकल्प मर्यादेच्या 20 टक्के बीजभांडवल कर्ज महामंडळामार्फत 4 टक्के द.सा.द.शे. व्याज दराने देण्यात येते. राशीमध्ये महामंडळाचे अनुदानाचा रु. 10 हजारचा समावेश आहे,

 बँकेचे कर्ज 75 टक्के देण्यात येते व त्या कर्जावर बँकेच्या नियमाप्रमाणे व्याजदर आकारण्यात येतो, महामंडळाचे व बँकेच्या कर्जाची परतफेड एकाच वेळेस ठरवून दिलेल्या समान मासिक हप्त्यानुसार 3 ते 5 वर्षाचे आत करावी लागते, अर्जदारास 5 टक्के स्वतः चा सहभाग भरावयाचा आहे.

अर्ज करण्यास आवश्यक पात्रता- अर्जदार अनुसूचित जाती/नवबौध्द संवर्गातील असावा व त्याचे वय 18 वर्षापेक्षा जास्त असावे, राज्य महामंडळाच्या योजनेकरिता वार्षिक उत्पन्न मर्यादा शहरी व ग्रामीण भागाकरिता रुपये 3 लाख असावी, अर्जदार हा महामंडळाच्या कोणत्याही योजनांचा (राज्य/केंद्र) थकबाकीदार नसावा.

अर्जासोबत जोडावयाची कागदपत्रे- जातीचा व उत्पन्नाचा सक्षम अधिकर यांनी दिलेला दाखला,2 पासपोर्ट आकाराचे फोटो, रेशनकार्ड, मतदार ओळखपत्र, रहिवाशी प्रमाणपत्र, आधारकार्ड, व पॅनकार्ड, व्यवसायाचे कोटेशन, व्यवसायासाठी आवश्यक असल्यास जागेचा पुरावा. व्यवसायानुरूप इतर आवश्यक दाखले, आवश्यकते प्रमाणे प्रकल्प अहवाल, व्यवसायानुरुप आवश्यकते प्रमाणे इतर दाखलेपत्र. उदा. वाहनाकरीता व व्यवसायाकरीता लायसन्स, परमिट बॅज नंबर इ., जनधन योजनेचे खाते क्रमांक व पासबुक ची झेरॉक्स.

या योजनेच्या अधिक माहितीकरिता महात्मा फुले मागासवर्ग विकास महामंडळ मर्यादित, कृष्ण संगम बिल्डींग चेंढरे अलिबाग-बायपास रोड, पहिला मजला, ब्लॉक नं.103 अलिबाग या कार्यालयाशी संपर्क साधावा, असे महात्मा फुले मागासवर्ग विकास महामंडळाचे जिल्हा व्यवस्थापक एस.आर.म्हसकर यांनी कळविले आहे.

00000