अलिबाग जिल्हा रुग्णालयातील सिटीस्कॅन मशीन सर्वसामान्य रुग्णांसाठी कार्यान्वित
अलिबाग,दि.११ (जिमाका) :- जिल्हा रुग्णालय, अलिबाग येथे क्ष-किरण विभागातील सिटीस्कॅन मशीन दि.५ मे २०२३ पासून तांत्रिक बिघाडामुळे बंद होती. या मशिनची दुरुस्ती करण्यात आली असून यासाठी रुपये ४ लाख खर्च आला आहे. याबाबत जिल्हा शल्यचिकित्सक,डॉ.सुहास माने व क्ष-किरण विभागातील तांत्रिक कर्मचारी श्री.तरे यांनी सातत्याने पाठपुरावा केला असून सद्य:स्थितीत अलिबाग जिल्हा रुग्णालयातील सिटीस्कॅन मशीन सर्वसामान्य रुग्ण, दारिद्रय रेषेखालील, अपंग व गरीब आणि इतर रुग्णांसाठी कार्यान्वित केली आहे, असे जिल्हा शल्यचिकित्सक डॉ.सुहास माने यांनी कळविले आहे.
000000
Comments
Post a Comment