9 वा आंतरराष्ट्रीय योगा दिन दि.21 जून रोजी होणार उत्साहात साजरा सर्व शासकीय, निमशासकीय विभागांनी सहकार्य करण्याचे आवाहन

 

 

अलिबाग,दि.15 (जिमाका):- केंद्र शासनाने दि.21 जून 2023 हा दिवस नववा आंतरराष्ट्रीय योगा दिन म्हणून आयोजित करण्याचे निर्देश दिले आहेत. मा.पंतप्रधान महोदयांनी सन 2014 च्या राष्ट्रीय महासभेत दि.21 जून हा दिवस आंतरराष्ट्रीय योगा दिन म्हणून दरवर्षी साजरा करण्याचा ऐतिहासिक निर्णय घेतला आहे. त्यानुषंगाने दरवर्षी दि. 21 जून हा दिवस आंतरराष्ट्रीय योगा दिन म्हणून साजरा करण्यात येतो. हा दिवस जगभरात मोठ्या उत्साहाने साजरा करण्यात येतो. येत्या दि. 21 जून रोजी अलिबाग येथील पोलीस कवायत मैदानातील जंजिरा सभागृह येथे जिल्हाधिकारी डॉ.योगेश म्हसे, जिल्हा पोलीस अधीक्षक सोमनाथ घार्गे यांच्या मार्गदर्शनाखाली 9 वा आंतरराष्ट्रीय योगा दिन साजरा करण्यात येणार असून जास्तीत जास्त नागरिकांनी यावेळी उपस्थित राहावे, अशी माहिती जिल्हा क्रीडा अधिकारी रविंद्र नाईक यांनी दिली आहे.

योगा दिनाच्या निमित्ताने जगभरात योगासनाची परंपरा स्विकारणे व तो करणे, ही आपल्या देशासाठी अभिमानाची बाब आहे. कारण योग हा आपल्या भारताच्या सांस्कृतिक वारसाचा अविभाज्य भाग आहे. दि.21 जून 2023 या आंतरराष्ट्रीय योगा दिनाची तयारी सुरू असून जगभरातील लोकांना योगाच्या सुसंस्कृतपणाबद्दल आठवण करुन देण्यासाठी या प्रसंगी योगाचा उपयोग करून देण्याची आवश्यकता आहे.

 योग दिनाच्या आधारे जनतेमध्ये कायमस्वरूपी/चिरस्थायी जनहित निर्माण करणे हे उद्दिष्ट आहे. सर्वांचे सार्वजनिक आरोग्य आणि भावनिक निरोगीपणा सुधारणा, एक लक्षणीय मालमत्ता म्हणून त्याचे महत्त्व आणि योगदान यावर प्रकाश टाकून योगाचा सराव सुरू ठेवण्यासाठी लोकांना प्रेरणा देणे हे या आंतरराष्ट्रीय योगा दिनाचे उद्दिष्ट आहे.

सन 2023 मध्येही केंद्र शासनाच्या केंद्रशासित प्रदेशांच्या व संबंधित राज्य सरकारच्या प्रचलित दिशानिर्देशांच्या आधारित एक अनुभवी अनुरूप संवादाचा अनुपालन करणारा कार्यक्रम आयोजित करण्यात येणार आहे. आयुष मंत्रालयातर्फे आंतरराष्ट्रीय योगा दिनाच्या आयोजनामध्ये जनतेच्या अधिकाधिक सहभागाची अपेक्षा आहे. मागील वर्षाच्या तुलनेत या वर्षी लोकांचा जास्तीत जास्त सहभाग अपेक्षित आहे. आयुष मंत्रालय शेवटपर्यंत सतत सहभाग घेण्यास उत्सुक आहे.

योगासने नागरिकांचा एक अविभाज्य भाग बनविणे आणि त्याद्वारे सर्वांसाठी आरोग्यदायी जीवन जगणे, हे शासनाचे उद्दिष्ट आहे. या पार्श्वभूमीवर सन-2023 या वर्षात दि. 21 जून 2023 रोजी आंतरराष्ट्रीय योगा दिन सार्वजनिक आरोग्यासाठी देशव्यापी मोहीम राबविण्याकरिता सर्वांनी सहकार्य करावे, असे आवाहन सर्व जिल्हा प्रमुख तसेच विविध प्रशासकीय विभाग प्रमुखांना  जिल्हा क्रीडा अधिकारी रविंद्र नाईक यांनी केले आहे.

०००००००