महाज्योतीच्या 20 प्रशिक्षणार्थ्यांची विक्रीकर सहाय्यक पदी निवड! राहुल विजय जेंगठे राज्यात प्रथम
अलिबाग,दि.20(जिमाका):- महाराष्
वर्ष 2020-21 या आर्थिक वर्षात इतर मागास वर्ग, विमुक्त जाती-भटक्या जमाती व विशेष मागास प्रवर्गातील विद्यार्थ्यांसाठी एमपीएससी परिक्षा प्रशिक्षण योजना सुरु करण्यात आलेली आहे. या योजनेत सहभाग घेण्यासाठी जाहिरातीच्या माध्यमातून नॉनक्रिमिलेअर उत्पन्न गटातील विद्यार्थ्यांकडून महाज्योतीच्या संकेतस्थळावर अर्ज मागविण्यात येतात. पात्र विद्यार्थ्यांना एम.पी.एस.सी परीक्षा प्रशिक्षण योजनेत सहभाग दिला जातो.
नुकतेच एम.पी.एस.सी परीक्षा प्रशिक्षणातून 20 प्रशिक्षणार्थ्यांची विक्रीकर सहाय्यक पदी निवड झालेली आहे. यात 14 इतर मागास वर्ग, 5 विमुक्त जाती-जमाती, 1 विशेष मागास प्रवर्गातील विद्यार्थांचा समावेश आहे. यशस्वी उमेदवारांमधे गायत्री गलखे, पियुष डोंगरे, मारुती शेंदगे, रुपाली खाडे, जलिंदर कसार, पोपट करांदे, सत्यजीत साबळे, संतोष अंबुले, ऋतुजा मसाळ, अविनाश वाघमारे, मयुर लोणकार, परेश भावसार, स्वाती डोंगरे, मयुर देवरे, जगदिश केदार, हरीश शिंदे, वैभव नन्नवरे, रिंकल हडके, प्रशांत बोरकुट या विद्यार्थ्यांचा समावेश आहे.
विशेष म्हणजे यातील राहुल जेंगठे हा विद्यार्थी राज्यात पहिला आला आहे. राहुलने आपल्या या यशाचे श्रेय आपल्या पालकासोबत महाज्योतीला, महाज्योतीच्या प्रशिक्षक वर्गाला तसेच प्रशिक्षणा दरम्यान दिल्या जाणाऱ्या विद्यावेतनाला दिलेले आहे
इतर मागास बहुजन कल्याण, सरकारमंत्री, तथा अध्यक्ष महाज्योती, नागपूर यांनी मा.ना.श्री.अतुल सावे सर्व उत्तीर्ण विद्यार्थ्यांचे अभिनंदन केले. राहुल जेंगठे या विद्यार्थ्याचे विशेष कौतुक केले. विद्यार्थ्यांनी एमपीएससी परिक्षा प्रशिक्षण योजनेचा लाभ घ्यावा असे आवाहन केले आहे. व्यवस्थापकीय संचालक महाज्योती, नागपूर श्री.राजेश खवले यांनी सर्व विद्यार्थ्यांचे अभिनंदन करून त्यांना पुढील वाटचालीसाठी शुभेच्छा दिल्या आहेत.
0000000
Comments
Post a Comment