भातशेती, भाजीपाला लागवड व पशुधनाबाबत शेतकऱ्यांना काळजी घेण्याचे आवाहन
रायगड,दि.09(जिमाका):- दि.07 जुलै 2024 रोजी झालेल्या अतिवृष्टीमुळे शेतकऱ्यांनी भातशेती, भाजीपाला लागवड व पशुधनाबाबत डॉ.बाळासाहेब सावंत कोकण कृषि विद्यापीठामार्फत पुढीलप्रमाणे काळजी घेण्याबाबतचे आवाहन करण्यात आले आहे.
भात आणि नागली- पुर्नलागवड केलेल्या भात आणि नाचणी खाचरातून पाण्याचा निचरा होण्याची व्यवस्था करावी. सखल भागात पावसाचा अंदाज घेवून भात, नाचणी पुर्नलागवडीची कामे पुढे ढकलावी. मजगी आणि वरकस भागामध्ये भात आणि नागली पिकांची पुर्नलागवड पावसाची तिव्रता कमी असताना करावी.
भाजीपाला आणि नवीन लागवड- भाजीपाला आणि नवीन लागवड केलेल्या फळझाडांमध्ये पाण्याचा योग्य निचरा होण्याची व्यवस्था करावी.
पशुधन- पशुधन सुरक्षित ठिकाणी बांधण्याची व त्यांना हिरवा चारा आणि स्वच्छ, मुबलक पाणी देण्याची व्यवस्था करावी.
कुक्कुटपालनाच्या ठिकाणी हवामान ऊबदार राहण्यासाठी विजेचे बल्ब लावण्याची व्यवस्था करावी.
0000000
Comments
Post a Comment