जात वैधता प्रमाणपत्र देणेसाठी विशेष मोहिम
रायगड, दि. 0८ (जिमाका):- अनु. जाती, विमुक्त जाती, भटक्या जमाती, इतर मागासवर्ग व विशेष मागास प्रवर्गातील व्यावसायिक अभ्यासक्रमास प्रवेश घेऊ इच्छित विद्यार्थी, शासकीय/निमशासकीय सेवेतील कर्मचारी, इ. अर्जदारांनी दि. ३० जून २०२४ पूर्वी समितीस दाखल केलेल्या अर्जांच्या बाबतीत ज्या अर्जदारांना अद्याप जात वैधता प्रमाणपत्र प्राप्त झालेले नाही, अशा अर्जदारांसाठी त्रुटीपूर्तता शिबिर शुक्रवार, दि. १२ जुलै रोजी स. ११.०० वा. जिल्हा जात प्रमाणपत्र पडताळणी समिती कार्यालय, १४०२ अ, प्लॉट नं. ९, स.नं. ७६/२ब, सेंट मेरीज कॉन्व्हेंट स्कूल मागे, चेंढरे, अलिबाग-४०२२०१. येथे आयोजित करण्यात आले आहे.
शैक्षणिक प्रयोजनार्थ सादर जात वैधता प्रमाणपत्र प्रस्तावांचे अनुषंगाने व्यावसायिक अभ्यासक्रमांसाठी प्रवेश प्रक्रिया नजीकच्या कालावधीत सुरु होत आहे. याकामी जात वैधता प्रमाणपत्र देणेबाबत विशेष मोहिम राबविण्यात येत आहे.उपरोक्त अर्जदारांनी सदर शिबिराचा लाभ घ्यावा, असे आवाहन विशाल नाईक,उपायुक्त तथा सदस्य,जिल्हा जात प्रमाणपत्र पडताळणी समिती, रायगड यांनी केले आहे.
0000
Comments
Post a Comment